PTR on Jaggi’s Isha: ఇషా ఫౌండేషన్ వ్యవస్థాపకుడు జగ్గీ వాసుదేవ్‌పై తమిళనాడు మంత్రి త్యాగరాజన్ సంచలన వ్యాఖ్యలు

P Thiaga Rajan vs Jaggi Vasudev: తమిళనాడు కొత్త ఆర్థిక మంత్రి పి త్యాగరాజన్, ఇషా ఫౌండేషన్ మధ్య మాటల యుద్ధం తారాస్థాయికి చేరింది. ఇషా ఫౌండేషన్ వ్యవస్థాపకుడు జగ్గీ వాసుదేవ్, ‘కమర్షియల్ ఆపరేటర్’, అంతేకాదు ‘పబ్లిసిటీ హౌండ్’ అని త్యాగరాజన్ వ్యాఖ్యానించాడు. దీంతో గత కొన్ని రోజులుగా వీరిద్దరి మధ్య మాటలవేడి రాజుకుంది.

ఇటీవల ఓ ప్రముఖ పత్రికకు ఇంటర్వ్యూ ఇచ్చిన పి త్యాగరాజన్ సంచలన వ్యాఖ్యలు చేశారు. ఈ సందర్భంగా జగ్గీ వాసుదేవ్‌ను చార్లటన్, పబ్లిసిటీ హౌండ్ గా అభివర్ణించాడు. జగ్గి బాబా పబ్లిసిటీ హౌండ్, అతను ఎక్కువ డబ్బు సంపాదించడానికి కొత్త కోణంలో ప్రయత్నిస్తున్నాడని రాజన్ ఆరోపించారు. దేవాలయాలను భక్తులు) నడపాలని డిమాండ్ చేసిన ఆయన.. భగవంతుడిపై దృష్టి సారించిన ఒక దేవత, శివభక్తి పేరుతో టికెట్లను రూ. 5 లక్షలు, రూ. 50,000, రూ. 5,000 చొప్పున విక్రయిస్తారా? అని ప్రశ్నించారు. అంతేకాదు. ఆధ్యాత్మిక ముసుగులో వాణిజ్యవేత్తగా.. దేవుడు, మతాన్ని ఉపయోగిస్తున్నట్లు నటిస్తున్నాడని రాజన్ దుయ్యబట్టారు.

తమిళనాడులోని చాలా దేవాలయాలను వారి నియంత్రణను నుంచి విడిపించి, ఆలయ నిర్వహణ బాధ్యతలను భక్తులకు అప్పగించాలని జగ్గీ వాసుదేవ్ ఇషా ఫౌండేషన్ సహా పలు పార్టీలు చేసిన డిమాండ్‌పై ఆయన అడిగిన ప్రశ్నకు ఆయన సమాధానమిచ్చారు. ప్రస్తుతం, రాష్ట్రంలోని అనేక పెద్ద హిందూ దేవాలయాలను హిందూ మత స్వచ్ఛంద ఎండోమెంట్స్ ఆధ్వర్యంలో రాష్ట్ర ప్రభుత్వం పర్యవేక్షిస్తుంది.

మంత్రి రాజన్ ఇంటర్వ్యూ వ్యాఖ్యలపై ఇషా వాలంటీర్లు తీవ్రస్థాయిలో ఖండించారు. ఆర్థిక మంత్రి ప్రజాదరణ పొందేందుకు ఇలా తప్పడు వ్యాఖ్యలు చేశారని మండిపడ్డారు. రాష్ట్ర మంత్రివర్గంలో గౌరవనీయ సభ్యుడికి రాజన్ అనర్హుడని ఘాటుగా రాసిన లేఖలో పేర్కొన్నారు. మానవజాతి సేవలో అవిశ్రాంతంగా పనిచేస్తూ.. ప్రపంచవ్యాప్తంగా మిలియన్ల మంది ఇషా వాలంటీర్ల సంపాదించుకున్న అధ్యాత్మికం గురువుపై అనుచిత వ్యాఖ్యలు సరియైనవి కావంటూ లేఖలో వెల్లడించారు. ఇషా ఫౌండేషన్ చేపట్టిన అనేక కార్యక్రమాలకు ఇప్పటివరకు కేంద్ర, రాష్ట్ర ప్రభుత్వాల సహకారంతో కొన్నేళ్లుగా పనిచేస్తున్నదని లేఖలో పేర్కొ్న్నారు. అలాగే తమిళనాడు ప్రజల సంక్షేమం కోసం ఇషా ఫౌండేషన్ పాటు పడుతుందన్నారు.

ఇలావుంటే, జగ్గీ వాసుదేవ్ చట్టాన్ని ఉల్లంఘించాడని, త్వరలోనే మూల్యం చెల్లించాల్సిందేనని తన వైఖరిని మరోసారి సోమవారం త్యాగరాజన్ పునరుద్ఘాటించారు. ది హిందూ పబ్లిషింగ్ గ్రూప్ చైర్‌పర్సన్ మాలిని పార్థసారథి చేసిన ట్వీట్‌పై ఆయన స్పందించారు. ఇషా వాలంటీర్లు బహిరంగ లేఖను మాలిని ట్వీట్ చేశారు.

I slept @ 1:30 & woke @ 4:45 am, to ensure Madurai has adequate oxygen supply. I’m loath to engage in this charade…but 2 LAST points

Jaggi Vasudev is a violator of the law & will pay sooner or later@MaliniP needs professional advice/counseling to not destroy @the_hindu brand https://t.co/oL2gAC6PNk

— Dr P Thiaga Rajan (PTR) (@ptrmadurai) May 17, 2021

ఇదిలావుంటే, పీటీఆర్ 1936 లో మద్రాస్ ప్రెసిడెన్సీ మాజీ ముఖ్యమంత్రి పిటి రాజన్ మనవడు, మద్రాస్ హిందూ మతపరమైన ఎండోమెంట్స్ చట్టం, 1926 ను ఆమోదించడంలో కీలకపాత్ర పోషించారు. టిఎన్ఎమ్కు ఇంతకు ముందు ఇచ్చిన ఇంటర్వ్యూలో పిటిఆర్ మాట్లాడుతూ రాజ్యాంగం ఒక లౌకిక ప్రభుత్వం, మన పూర్వీకులు మనకు మిగిల్చిన మన సాంస్కృతిక వారసత్వాన్ని పరిరక్షించేందుకు హెచ్‌ఆర్ అండ్ సిఇ విభాగానికి వందల కోట్లు కేటాయించారు.

It’s about time the ways of the Isha Foundation & Jaggi Vasudev were investigated, under the rule of law: pic.twitter.com/m1lqNcjzSv

— N. Ram (@nramind) May 17, 2021

ఇదిలావుంటే, ‘కావేరీ కాలింగ్’ ప్రాజెక్టుకు సంబంధించి హైకోర్టు విచారణ చేపట్టింది. ఇషా ఫౌండేషన్, ఇషా ట్రీచ్ ప్రారంభించిన ‘కావేరీ కాలింగ్’ ప్రాజెక్టుకు దీనికి ఎటువంటి సంబంధం లేదని పేర్కొంటూ బహిరంగ నోటీసు ఇవ్వడానికి సిద్ధంగా ఉన్నారా అని స్పష్టం చేయాలని రాష్ట్ర ప్రభుత్వాన్ని హైకోర్టు ఆదేశించింది. చీఫ్ జస్టిస్ అభయ్ శ్రీనివాస్ ఓకా, జస్టిస్ విశ్వజిత్ శెట్టి నేతృత్వంలోని డివిజన్ బెంచ్ రాష్ట్ర ప్రభుత్వం ఈ ప్రాజెక్టులో భాగమని పేర్కొంటూ.. ఇషా డబ్బును సేకరించిందా అని స్పష్టం చేయాలని కోరారు. అయితే, తమకు ఈ ప్రాజెక్టుతో సంబంధం లేదని రాష్ట్ర ప్రభుత్వం కోర్టుకు తెలిపింది.

Read Also…  తెలుగు రాష్ట్రాలకు రిలయన్స్ మద్దతు.. లిక్విడ్ ఆక్సిజన్ సరఫరా.. అంబులెన్సులకు ఉచితంగా ఇంధనం