అనర్హత వేటు అనంతంరం ట్విట్టర్ బయోను మార్చిన రాహుల్ గాంధీ
కాంగ్రెస్ అగ్రనేత రాహుల్ గాంధీపై పార్లమెంటు సభ్యునిగా అనర్హత వేటు పడిన అనంతరం రాహుల్ తన ట్విట్టర్ బయోలో మార్పులు చేశారు. గతంలో మెంబర్ ఆఫ్ ఇండియన్ నేషనల్ కాంగ్రెస్, ఎంపీ అని ఉండగా
Updated on: Mar 26, 2023 | 1:23 PM
కాంగ్రెస్ అగ్రనేత రాహుల్ గాంధీపై పార్లమెంటు సభ్యునిగా అనర్హత వేటు పడిన అనంతరం రాహుల్ తన ట్విట్టర్ బయోలో మార్పులు చేశారు. గతంలో మెంబర్ ఆఫ్ ఇండియన్ నేషనల్ కాంగ్రెస్, ఎంపీ అని ఉండగా ఇప్పుడు దానిని మెంబర్ ఆఫ్ ఇండియన్ నేషనల్ కాంగ్రెస్, డిస్క్వాలిఫైడ్ ఎంపీ గా మార్చుకున్నారు. ప్రధాని నరేంద్ర మోడీని ఇంటిపేరుతో దూషించిన కేసులో మార్చి 23న సూరత్ కోర్టు రాహుల్ గాంధీకి రెండేళ్ల జైలుశిక్ష విధించిన క్రమంలో ఆయనపై అనర్హత వేటు పడింది. అయితే రాహుల్ సుప్రీం కోర్టులో ఈ తీర్పును సవాలు చేస్తూ ఇంకా ఎటువంటి పిటీషన్ దాఖలు చేయలేదు.
మరోవైపు రాహుల్ గాంధీపై అనర్హత వేటు వేయడాన్ని నిరసిస్తూ ఈరోజు కాంగ్రెస్ దేశవ్యాప్తంగా నిరసన కార్యక్రమాలు చేపడుతోంది. ఢిల్లీలోని రాజ్ ఘట్ వద్ద సత్యగ్రహ దీక్షను ప్రారంభించింది. పోలీసుల అనుమతి లేనప్పటికీ దీక్షలో కాంగ్రెస్ చీఫ్ మల్లికార్జున్ ఖర్గే, పార్టీ ప్రధాన కార్యదర్శి ప్రియాంక గాంధీ, సీనియర్ నేత జైరాం రమేష్, కేసీ వేణుగోపాల్ తదితరులు పాల్గొన్నారు. దీంతో ఆ ప్రాంతంలో పోలీసులు భారీగా మోహరించారు. రాజ్ వద్ద 144 సెక్షన్ అమల్లో ఉందని ఇప్పటికే పోలీసులు తెలిపారు. కాగా రాహుల్ గాంధీపై అనర్హత వేటుకు సంఘీభావంగా దేశవ్యాప్తంగా గాంధీ విగ్రహాల ఎదుట నిరసన చేపట్టాలని కాంగ్రెస్ పిలుపునిచ్చింది.
మరిన్ని జాతీయ వార్తల కోసం.. క్లిక్ చేయండి..
