Kumar Vishwas: ఆప్ మాజీ నేత కుమార్ విశ్వాస్ ఇంటికి పంజాబ్ పోలీసులు.. సీఎం భగవంత్‌మాన్‌‌కు కవి వార్నింగ్!
ఆమ్ ఆద్మీ పార్టీ (ఆప్) మాజీ నాయకుడు, కవి కుమార్ విశ్వాస్ ఇంటికి పంజాబ్ పోలీసులు చేరుకున్నారు. ఈ విషయాన్ని విశ్వాస్ స్వయంగా ట్వీట్ ద్వారా తెలియజేశారు.
Kumar Vishwas: ఆమ్ ఆద్మీ పార్టీ (AAP) మాజీ నాయకుడు, కవి కుమార్ విశ్వాస్ ఇంటికి పంజాబ్ పోలీసులు చేరుకున్నారు. ఈ విషయాన్ని విశ్వాస్ స్వయంగా ట్వీట్ ద్వారా తెలియజేశారు. కుమార్ విశ్వాస్ తన ట్వీట్‌లో, ‘ఉదయం పంజాబ్ పోలీసులు తలుపు వద్దకు వచ్చారు. పంజాబ్ ప్రజలు ఇచ్చిన అధికారంతో ఆడుకోవడానికి మీరు అనుమతిస్తున్న ఢిల్లీలో కూర్చున్న వ్యక్తి ఏదో ఒక రోజు మిమ్మల్ని, పంజాబ్‌ని మోసం చేస్తానని నా చేత పార్టీలో చేర్చుకున్న సీఎం భగవంత్‌మాన్‌ని హెచ్చరిస్తున్నాను. నా హెచ్చరికను దేశం గుర్తుంచుకుంటుంది!’ అంటూ ట్విట్టర్‌లో పేర్కొన్నారు
పంజాబ్ ఎన్నికల సందర్భంగా ఆమ్ ఆద్మీ పార్టీపై చేసిన వ్యాఖ్యల వ్యవహారంలో ఇప్పుడు పంజాబ్ పోలీసులు ప్రముఖ కవి కుమార్ విశ్వాస్ ఇంటికి చేరుకున్నారు. పోలీసులు ఇంటికి చేరుకున్న ఫోటోలను విశ్వాస్ స్వయంగా పోస్ట్ చేశాడు. అయితే విశ్వాస్‌పై ఎలాంటి కేసు నమోదైందనే విషయంపై ఇంకా స్పష్టత రాలేదు.
పంజాబ్‌లో జరిగిన అసెంబ్లీ ఎన్నికల సందర్భంగా కుమార్ విశ్వాస్ చేసిన ప్రకటనపై దుమారం రేగడం గమనార్హం. ఢిల్లీ సీఎం అరవింద్ కేజ్రీవాల్ దేశాన్ని విచ్ఛిన్నం చేసేలా మాట్లాడారని ఆ ప్రకటనలో విశ్వాస్ ఆరోపించారు. దీనిపై కేజ్రీవాల్ నుంచి సమాధానం కూడా కోరారు. అయితే, దీనిపై కేజ్రీవాల్ స్పందిస్తూ.. తనను తాను స్వీట్ టెర్రరిస్టుగా అభివర్ణిస్తూ.. ప్రజల కోసం పాఠశాలలు, ఆసుపత్రులు నిర్మిస్తున్నట్లు చెప్పారు. పంజాబ్ పోలీసుల తరపున, అరవింద్ కేజ్రీవాల్, ఆమ్ ఆద్మీ పార్టీకి వ్యతిరేకంగా చేసిన ప్రకటనలకు సంబంధించి మొహాలీలోని సైబర్ క్రైమ్ సెల్‌లో ఫాస్ట్ కేసులు నమోదయ్యాయి. గతంలో బీజేపీ నేత తేజిందర్ బగ్గా, ఢిల్లీ బీజేపీ అధికార ప్రతినిధి నవీన్ కుమార్ జిందాల్‌పై కూడా ఢిల్లీలో కేసు నమోదైంది. ఈ కేసుల్లో కూడా పంజాబ్ పోలీసులు విచారణ నిమిత్తం ఢిల్లీకి చేరుకున్నారు.
