Alert for Farmers: రైతులకు అలర్ట్‌.. గడువు దగ్గర పడుతోంది మిత్రమా.. మే 31 చివరి తేదీ!
Alert for Farmers: కేంద్ర ప్రభుత్వం రైతుల కోసం ఎన్నో పథకాలను ప్రవేశపెడుతోంది. రైతులకు ఆర్థికంగా అండగా ఉండేందుకు సాయం చేస్తోంది కేంద్ర ప్రభుత్వం. అయితే ఆ సాయం..
Updated on: May 09, 2022 | 11:09 AM
Alert for Farmers: కేంద్ర ప్రభుత్వం రైతుల కోసం ఎన్నో పథకాలను ప్రవేశపెడుతోంది. రైతులకు ఆర్థికంగా అండగా ఉండేందుకు సాయం చేస్తోంది కేంద్ర ప్రభుత్వం. అయితే ఆ సాయం పొందాలంటే రైతులు తమ కేవైసీని పూర్తి చేసుకుని ఉండాలి. లేకపోతే ఆర్థిక సాయం అందదు. ఇక కేంద్రం ప్రవేశపెట్టిన పథకాల్లో ప్రధాన మంత్రి కిసాన్ సమ్మాన్‌ నిధి (PM Kisan Samman Nidhi) కింద అర్హులైన రైతులు ఈ-కేవైసీని సమర్పించాల్సి ఉంటుంది. ఇప్పటికే బ్యాంకులు కూడా ఈ-కేవైసీ చేసుకోవాలని పదేపదే చెబుతూ వస్తోంది. ఈ పని చేసుకోకుంటే వినియోగదారులు తీవ్ర ఇబ్బందులు ఎదుర్కొవాల్సి ఉంటుంది. అయితే ఇది వరకు ఈ-కేవైసీ గడువు మార్చి 31, 2022 వరకు ఉండగా, దానిని మే 31,2022 వరకు పొడిగించింది. ఈ నెల చివరితో గడువు ముగియనుంది. ఈలోగా కేవైసీ పూర్తి చేసుకోలేని వారు ఉంటే వెంటనే పూర్తి చేసుకోవడం బెటర్‌.
ప్రధాన మంత్రి కిసాన్ నమోదిత రైతులు ఈ-కేవైసీని తప్పనిసరిగ్గా చేసుకోవాలని పీఎం కిసాన్ సమ్మాన్‌ నిధి వెబ్‌సైట్‌లో కేంద్రం తెలిపింది. ఈ మేరకు పూర్తి వివరాలకు వెబ్‌సైట్‌ కు వెళ్లి తెలుసుకోవచ్చని వెల్లడించింది.అయితే ఆధార్‌ ఓటీపీతో ఈ పని చేయలేరు. ఈ-కేవైసీని పూర్తి చేసుకోవాలంటే రైతులు తమ ఆధార్‌ కార్డును తీసుకుని సీఎస్‌సీ (కామన్‌ సర్వీసు సెంటర్‌)లకు వెళ్లాలని సూచించింది. కాగా, పీఎం కిసాన్ సమ్మాన్‌ నిధి యోజన కింది విడుదలను పొందాలంటే రైతులు ఈ-కేవైసీ చేసుకోవడం ఎంతో ముఖ్యం. ఈ స్కీమ్ ద్వారా అర్హులైన రైతుల బ్యాంకు ఖాతాల్లో ఏడాదికి రూ.6వేల చొప్పున జమ చేస్తోంది కేంద్ర ప్రభుత్వం. మూడు వాయిదాలలో రూ.2వేల చొప్పున అందిస్తోంది. పీఎం-కిసాన్ స్కీమ్ అనేది కేంద్ర ప్రభుత్వానికి చెందిన డైరెక్ట్ బెనిఫిట్ ట్రాన్స్‌ఫర్(డీబీటీ) స్కీమ్. అంటే నేరుగా అర్హులైన రైతుల అకౌంట్లోకే ఏడాదికి రూ.6 వేల చొప్పున నిధులను ప్రభుత్వం అందిస్తోంది.
మరిన్ని జాతీయ వార్తల కోసం ఇక్కడ క్లిక్ చేయండి
