Aadhaar Number: మీ ఆధార్ నంబర్‌ను మర్చిపోయారా..? సులభంగా తెలుసుకోండి!
Aadhaar Number: ప్రస్తుతం ముఖ్యమైన డాక్యుమెంట్లలో ఆధార్ ఒకటి. ఇది లేనిది ఏ పనులు జరగవు. ప్రభుత్వ, ప్రైవేటు పథకాల నుంచి చిన్న పాటి పనులకు ఆధార్ కార్డు తప్పనిసరి కా..
Updated on: May 09, 2022 | 8:20 AM
Aadhaar Number: ప్రస్తుతం ముఖ్యమైన డాక్యుమెంట్లలో ఆధార్ ఒకటి. ఇది లేనిది ఏ పనులు జరగవు. ప్రభుత్వ, ప్రైవేటు పథకాల నుంచి చిన్న పాటి పనులకు ఆధార్ కార్డు తప్పనిసరి కావాల్సిందే. అయితే ఆధార్ కార్డును ఎప్పుడు వెంట ఉంచుకోము. కొన్ని సందర్భాలలో ఆధార్ నంబర్ మర్చిపోతుంటాము. అయితే కొన్ని సులభమైన మార్గాల ద్వారా ఆధార్ నంబర్‌ను తెలుసుకోవచ్చు. ఒక విషయం ఏంటంటే ఆధార్ కార్డుకు మీ ఫోన్ నెంబ‌ర్ లింక్ (Mobile Number Link) అయ్యి ఉండాలి. అప్పుడు ఆధార్ నంబర్‌ను తెలుసుకునేందుకు సాధ్యమవుతుంది.
☛ ముందుగా స్మార్ట్‌ఫోన్ లేదా కంప్యూట‌ర్‌లో బ్రౌజ‌ర్ ఓపెన్ చేసి యూఐడీఏఐ అధికారిక వెబ్‌సైట్ ఓపెన్ చేయాలి.
☛ అనంత‌రం వెబ్‌సైట్‌లోని ‘మై ఆధార్’ సెక్షన్‌లోని ‘ఆధార్ స‌ర్వీసెస్’పై క్లిక్ చేసి.. అందులో ఉన్న ‘రిట్రైవ్ లాస్ట్ ఆర్ ఫర్గాటెన్ ఈఐడీ/యూఐడీ’ అనేదానిపై క్లిక్ చేయాలి.
☛ తర్వాత ఓపెన్ అయిన కొత్త పేజీలో ఆధార్ నంబర్ (యూఐడీ)ని సెల‌క్ట్ చేసుకోవాలి.
☛ అనంత‌రం మీ రిజిస్టర్ మొబైల్ నెంబ‌ర్ లేదా ఈమెయిల్ ఐడీని నమోదు చేయాలి.
☛ ఇక అక్కడే ఉన్న క్యాప్చా కోడ్‌ను ఎంట‌ర్ చేసి.. సెండ్ ఓటీపీపై క్లిక్ చేయాలి.
☛ మీ రిజిస్టర్డ్‌ మొబైల్‌కు వ‌చ్చిన ఓటీపీని ఎంట‌ర్ చేసి ఎంట‌ర్ నొక్కాలి. దీంతో మొబైల్ నెంబ‌ర్‌కు ఆధార్ నెంబ‌ర్ మెసేజ్ రూపంలో వ‌స్తుంది. ఇలా సింపుల్‌గా మర్చిపోయిన ఆధార్ నంబర్‌ను తెలుసుకోవచ్చు.
మరిన్ని టెక్నాలజీ వార్తల కోసం ఇక్కడ క్లిక్ చేయండి
