Bridge collapse: మోర్బీ వంతెన దుర్ఘటనపై గుజరాత్ హైకోర్టు తీవ్ర వ్యాఖ్యలు.. ప్రభుత్వానికి గట్టి షాక్‌..!
బ్రిటిష్ కాలం నాటి వేలాడే వంతెన కూలిపోవడంతో మహిళలు, పిల్లలు సహా 135 మంది సజీవ జలసమాధి అయ్యారు. అక్టోబర్ 31న, వంతెన ప్రమాదం తర్వాత,
మోర్బీ బ్రిడ్జి ప్రమాద ఘటనపై గుజరాత్ హై కోర్టు తీవ్ర ఆగ్రహం వ్యక్తం చేసింది. మంగళవారం జరిగిన విచారణకు అధికారులు హాజరుకాకపోవడంతో మోర్బి సివిక్ బాడీ తెలివిగా వ్యవహరిస్తోందని గుజరాత్ హైకోర్టు ఆరోపించింది. ఘటనకు సంబంధించిన పత్రాలను సమర్పించాల్సిందిగా ఆదేశిస్తూ రాష్ట్ర ప్రభుత్వం నుంచి సమాధానం కోరింది. మృతుల బంధువులకు ఉద్యోగాలు కల్పించాలని రాష్ట్ర ప్రభుత్వాన్ని హైకోర్టు ఆదేశించింది. ప్రభుత్వాన్ని హెచ్చరించింది.. ఎవరిపైనా ఎందుకు దయ చూపాలి? అంటూ ఘాటుగా ప్రశ్నించింది. ఏ ప్రాతిపదికన ఆసక్తి వ్యక్తీకరణకు టెండర్‌ వేయలేదని, టెండర్‌ను తేలకుండా ఫలానా వ్యక్తికి ఎందుకు అనుకూలంగా వ్యవహరించారని గుజరాత్ హైకోర్టు రాష్ట్ర ప్రభుత్వాన్ని ప్రశ్నించింది. ఈ విషయంలో గుజరాత్‌లోని బీజేపీ ప్రభుత్వాన్ని హైకోర్టు మందలించింది. వంతెన నిర్వహణ కాంట్రాక్టుపై హైకోర్టు పలు ప్రశ్నలు సంధించింది.
అంతకుముందు, మోర్బీ బ్రిడ్జి కూలిన ఘటనపై గుజరాత్ హైకోర్టు సోమవారం సుమోటోగా విచారణ చేపట్టి మొత్తం విషాదంపై వారంలోగా నివేదిక ఇవ్వాలని రాష్ట్ర ప్రభుత్వాన్ని కోరింది. హోం శాఖ, అర్బన్ హౌసింగ్, మోర్బీ మున్సిపాలిటీ, రాష్ట్ర మానవ హక్కుల కమిషన్ సహా రాష్ట్ర ప్రభుత్వ అధికారులకు నోటీసులు పంపారు.
మోర్బి జిల్లాలో సస్పెన్షన్ బ్రిడ్జి కూలిన ఘటనలో చిన్నారులు సహా 130 మంది చనిపోయారు. వంతెన కూలిన ఘటన నేపథ్యంలో మోర్బీ మున్సిపాలిటీ చీఫ్ ఆఫీసర్ సందీప్‌సిన్హ్ జలాను గుజరాత్ ప్రభుత్వం సస్పెండ్ చేసినట్లు సీనియర్ అధికారి ఒకరు తెలిపారు.
ఇప్పటికే మోర్బీ వంతెన కూలిన ఘటనలో తొమ్మిది మంది నిందితులను అరెస్టు చేశారు. మచ్చు నదిపై బ్రిటిష్ కాలం నాటి వేలాడే వంతెన కూలిపోవడంతో మహిళలు, పిల్లలు సహా 135 మంది సజీవ జలసమాధి అయ్యారు. అక్టోబర్ 31న, వంతెన ప్రమాదం తర్వాత, ఒరేవా గ్రూపుకు చెందిన నలుగురు వ్యక్తులతో సహా 9 మందిని పోలీసులు అరెస్టు చేశారు. వంతెన నిర్వహణ, నిర్వహణను నిర్వహిస్తున్న సంస్థలపై కేసు నమోదు చేశారు.
మరిన్ని జాతీయ వార్తల కోసం ఇక్కడ క్లిక్ చేయండి
