Watch: రెండు ఆవుల మధ్య భీకర పోరు.. బస్సు కిందపడి బైకర్‌ మృతి! షాకింగ్‌ వీడియో వైరల్‌..

తమిళనాడులోని తిరునెల్వేలిలో రెండు ఆవుల మధ్య ఘర్షణ ఓ వ్యక్తి మృతికి దారితీసింది. రోడ్డుకి ఇరువైపులా వాహనాలు తిరుగుతున్నాయి. ఎదురుగా బస్సు వస్తుండగా, ఒక బైక్ అటు ఇటు వెళ్తోంది. అదే సమయంలో రెండు ఆవులు ఘర్షణ పడుతున్నాయి. ఒక్కసారిగా ఒక ఆవు మరో ఆవును కుమ్మేసింది. దీంతో ఆ ఆవు బైక్ రైడర్‌ను ఢీకొట్టింది. దాంతో బైక్ రైడర్ కిందపడిపోయాడు.. అంతలోనే అటుగా వచ్చిన బస్సు చక్రాలు అతనిపై నుంచి దూసుకెళ్లాయి. దీంతో అతడు అక్కడికక్కడే ప్రాణాలు కొల్పోయాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. తమిళనాడులోని తిరునెల్వేలిలో ఈ సంఘటన జరిగింది. మేజిస్ట్రేట్‌ కోర్టులో పనిచేసే 58 ఏళ్ల వేలాయుధరాజ్‌ శనివారం ఉదయం బైక్‌పై విధులకు బయలుదేరాడు.

తమిళనాడులోని ఒక ప్రాంతంలో రోడ్డు పక్కగా రెండు ఆవులు కోట్లాడుకున్నాయి. ఈ క్రమంలో బైక్‌పై వెళ్తున్న వేలాయుధరాజ్‌ను ఒక ఆవు కుమ్మేసింది. దీంతో అతడు ఎగిరి రోడ్డుపై పడ్డాడు. ఇంతలో వేగంగా వస్తున్న తమిళనాడు ఆర్టీసీ బస్సు అతడి పైనుంచి దూసుకెళ్లింది. ఈ ప్రమాదంలో ఆ వ్యక్తి అక్కడికక్కడే మరణించాడు. రోడ్డుపై విగతజీవిగా పడి ఉన్న అతడి వద్దకు బస్సు డ్రైవర్, స్థానికులు పరుగెత్తుకు వచ్చారు.. వేలాయుధరాజ్‌ మరణానికి కారణమైన ఆవు అనంతరం రోడ్డు దాటి వెళ్లిపోయింది.

ఇవి కూడా చదవండి

అయ్యో పాపం.. స్పైడర్‌ మ్యాన్‌కి ఎంత కష్టం వచ్చింది..? రోజూ కూలీగా

ఇదొక అద్భుతం..! కెమెరాకు చిక్కిన అరుదైన దృశ్యం.. చూస్తే మీరు కూడా

చపాతీలపై నెయ్యి వేసుకుని తింటే జరిగేది ఇదే..! నిపుణులు మాట

అర‌ర్రె.. కూరలో ఉప్పు ఎక్కువైందా..? చింతించకండి.. ఇలా చేస్తే సరి!

As a two-wheeler rider, who was hit by the fighting stray cattle, fell under a TNSTC bus and died on the spot on Saturday, the Tirunelveli corporation officials initiated a special drive to impound the stray cattle across the corporation limit on Sunday. pic.twitter.com/E5cyhXGbPV

— Thinakaran Rajamani (@thinak_) June 23, 2024

మరోవైపు ఈ విషయం తెలిసిన పోలీసులు సంఘటనా స్థలానికి చేరుకున్నారు. వేలాయుధరాజ్‌ మృతదేహాన్ని పోస్ట్‌మార్టం కోసం ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు చేస్తున్నారు. కాగా, ఆ ప్రాంతంలోని సీసీటీవీలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఇది చూసి నెటిజన్లు షాక్‌ అయ్యారు.

మరిన్ని ట్రెండింగ్ న్యూస్ కోసం క్లిక్ చేయండి..