Madhyapradesh floods: వరదల్లో చిక్కుకున్న మధ్యప్రదేశ్ మంత్రి..హెలికాఫ్టరే రక్షించింది మరి ..!

పెనుగాలులు, భారీ వర్షాలు, వరదలతో మధ్యప్రదేశ్ తల్లడిల్లుతోంది. వాగులు, వంకలు, నదులు పొంగిపొర్లుతున్నాయి. అనేక చోట్ల గ్రామాలకు గ్రామాలే జలమయమయ్యాయి. దాతియా జిల్లాలో అనేక గ్రామాలు నీటి ముంపునకు గురయ్యాయి.

Madhyapradesh Minister Air Lifted After Trying Flood Rescue Measures On Boat

Umakanth Rao | Edited By: Anil kumar poka

Updated on: Aug 05, 2021 | 10:02 AM

పెనుగాలులు, భారీ వర్షాలు, వరదలతో మధ్యప్రదేశ్ తల్లడిల్లుతోంది. వాగులు, వంకలు, నదులు పొంగిపొర్లుతున్నాయి. అనేక చోట్ల గ్రామాలకు గ్రామాలే జలమయమయ్యాయి. దాతియా జిల్లాలో అనేక గ్రామాలు నీటి ముంపునకు గురయ్యాయి. ఈ జిల్లా ఎమ్మెల్యే, హోమ్ మంత్రి కూడా అయిన నరోత్తం మిశ్రా.. నిన్న వరద ప్రాంతాలను సందర్శించి సహాయక చర్యలను సమీక్షించారు. ఈ క్రమంలో బాధితులను రక్షించేందుకు బోటులో వెళ్తుండగా దగ్గరలోని ఓ చెట్టు ఆ బోటుపై పడడంతో అది ఆగిపోయింది. అప్పటికే ఓ ఇంటి చుట్టూ నీరు చేరడంతో ఆ ఇంటివారంతా ఇంటి రూఫ్ పైకి ఎక్కి బిక్కుబిక్కు మంటూ గడిపారు. అతి కష్టం మీద నరోత్తం మిశ్రా కూడా ఆ ఇంటిని చేరారు. అయితే చుట్టూ నీరు ప్రవహిస్తుండడంతో ఆయన కూడా వారితో బాటు ఆ ఇంటిపైనే చిక్కుకుపోయారు.. ఎటూ వెళ్లే దారి లేక ఆయన అధికారులకు ఫోన్ లో సందేశాలు పంపడంతో అధికారులు వైమానిక దళాన్ని సంప్రదించి ఆ ప్రాంతానికి హెలికాఫ్టర్ పంపారు. అందులోని సిబ్బంది హెలికాఫ్టర్ నుంచి తాడును కిందికి వదలడంతో దాన్ని పట్టుకుని ఆయన పైకి చేరగలిగారు. ఇతర సహాయక సిబ్బందిని, బాధితులను కూడా ఇలాగే సిబ్బంది రక్షించారు.

తన నియోజకవర్గంలో ముంపు గ్రామాలను విజిట్ చేసి మిశ్రా సహాయక చర్యల్లో నిమగ్నమయ్యారని.. అనేకమందిని సురక్షిత ప్రాంతాలకు తరలించారని ప్రభుత్వ వర్గాలు పేర్కొన్నాయి. ఇదే జిల్లాలో రెండు బ్రిడ్జీలు వరదల ధాటికి పూర్తిగా కూలిపోయాయి. కాగా మంత్రి నరోత్తం మిశ్రా చర్యను కాంగ్రెస్ పార్టీ ఓ స్టంట్ గా అభివర్ణించింది. ఇది పబ్లిక్ స్టంట్ అని, కానీ పాపం రాంగ్ వే లో వెళ్లిందని ఈ పార్టీ నేతలు వ్యాఖ్యానించారు.

MP home minister @drnarottammisra was airlifted by from Kotra village in Datia he went by boat to Kotra where 9 persons were stranded but the boat fell flat as the boat got stuck due to a collapsed tree @INCMP says “stunt” for competitive politics @ndtv @ndtvindia pic.twitter.com/hYlw7fDUEL

— Anurag Dwary (@Anurag_Dwary) August 4, 2021