గుడ్‌న్యూస్‌..! ఆర్మీ కీలక నిర్ణయం..కార్గిల్ సహా 48 యుద్ధక్షేత్రాల పర్యటనకు గ్రీన్‍ సిగ్నల్‍..
ఈ మేరకు ఆర్మీ చీఫ్ జనరల్ .. ఉపేంద్ర ద్వివేది వివరాలు వెల్లడించారు. పుణె యూనివర్సిటీలో జరిగిన ఓ కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ.. భారత్ వృద్ధి పయనంలో ఇండియన్ ఆర్మీ పాత్ర అంశంపై ప్రసంగించారు.
Updated on: Nov 28, 2024 | 9:20 PM
భారత సైన్యం కీలక నిర్ణయం తీసుకుంది. హిమాలయాల్లోని యుద్ధ క్షేత్రాల సందర్శనకు సంబంధించి ఆర్మీ సంచలన నిర్ణయం ప్రకటించింది. కార్గిల్, సియాచిన్ గ్లేసియర్‌, గల్వాన్‌లలో పర్యాటకులను అనుమతించాలని నిర్ణయించింది. ఈ మేరకు ఆర్మీ చీఫ్ జనరల్ .. ఉపేంద్ర ద్వివేది వివరాలు వెల్లడించారు. పుణె యూనివర్సిటీలో జరిగిన ఓ కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ.. భారత్ వృద్ధి పయనంలో ఇండియన్ ఆర్మీ పాత్ర అంశంపై ప్రసంగించారు.
సరిహద్దు ప్రాంతాల్లో పర్యటకుల కోసం సాహస కార్యకలాపాలను ఆర్మీ ప్రోత్సహిస్తుందని… ఇందుకోసం టూర్ ఆపరేటర్లకు ప్రత్యేక శిక్షణ ఇస్తుందని తెలిపారు. కార్గిల్ , గల్వాన్ వంటి యుద్ధక్షేత్రాలను చూసేందుకు పర్యటకులకు అనుమతిస్తామన్నారు. జమ్మూకశ్మీర్ లో పర్యాటకాభివృద్ధికి అపార అవకాశాలున్నాయని ద్వివేది పేర్కొన్నారు.
గత కొంతకాలంగా సరిహద్దు ప్రాంతాల్లో సందర్శకుల పెరుగుదల భారీగా కనిపిస్తోందన్నారు. ఈ క్రమంలోనే పర్యటకాన్ని ప్రోత్సహించేందుకు 48ప్రాంతాలను గుర్తించామని చెప్పారు. వచ్చే ఐదేళ్లలో పర్యటకుల సంఖ్య రెట్టింపు అయ్యే అవకాశం ఉందని…జనరల్ ద్వివేది వెల్లడించారు.
మరిన్ని జాతీయ వార్తల కోసం క్లిక్ చేయండి..
