Zomato: వామ్మో! జొమాటోలో రూ.10 వాటర్ బాటిల్‌ 100 రూపాయలా? కంపెనీ స్పందన ఏంటంటే?

హైదరాబాద్ కు చెందిన పల్లబ్ దే ఐటీ ఉద్యోగి. ఇటీవల అతను బ్రయాన్ ఆడమ్స్ మ్యూజిక్ కన్సర్ట్‌లో పాల్గొన్నాడు. ఆ ఈవెంట్ కు వెళ్లిన పల్లబ్ తన దాహం తీర్చుకునేందుకు రెండు వాటర బాటిళ్లను కొనుగోలు చేశాడట. ఇందుకు గానూ రూ. 20 ఇవ్వబోగా.. సదరు వాటర్ బాటిల్ అమ్మే వ్యక్తి నా నుంచి రూ. 200 వసూలు చేశాడట. దీంతో ఆశ్చర్యపోయిన పల్లబ్ ఈ విషయాన్ని వెంటనే ట్విట్టర్ లో షేర్ చేసుకున్నాడు. తాను కొనుగోలు చేసిన రెండు వాటర్ బాటిల్స్, అలాగే వీటికి సంబంధించిన డిజిటల్ ట్రాన్షక్షన్ వివరాలను అందులో జతచేశాడు. ‘నేను పాల్గొన్న ఈ ఈవెంట్ లో వాటర్ బాటిల్స్ బయట నుంచి తెచ్చుకోవడంపై నిషేధం ఉంది. ఈవెంట్ నిర్వహించే వాళ్లే వాటర్ బాటిళ్లను అమ్మతున్నారు. దీంతో జొమాటో ద్వారా ఆ వాటర్ బాటిళ్లను విక్రయిస్తున్నారని తెలిసింది. దాహం వేస్తుంది కదా అని రూ.10 వాటర్ బాటిళ్లను రెండింటిని కొనుగోలు చేశాను. రూ. 20 ఇవ్వబోగా.. సదరు వాటర్ బాటిల్ అమ్మే వ్యక్తి నా నుంచి రూ. 200 వసూలు చేశాడు. ఎవరూ తమ సొంత వాటర్ బాటిళ్లను తీసుకురావడానికి అనుమతించని ఈవెంట్ లో రూ. 10 వాటర్ బాటిల్ ను రూ. 100కి విక్రయించడానికి జొమాటోకి అనుమతి ఎలా వచ్చింది’ అని సోషల్ మీడియా వేదికగా ప్రశ్నించాడు పల్లబ్. దీంతో కొద్ది క్షణాల్లోనే ఈ పోస్ట్ సామాజిక మాధ్యమాల్లో వైరల్ గామారింది. దీనిని చూసిన నెటిజన్లు జొమాటోపై ఫైర్ అవుతున్నారు. ఇలా చేయడం దారుణమంటూ సంస్థపై విమర్శలు గుప్పిస్తున్నారు.

ఇక పల్లబ్ దే ట్వీట్ కు జొమాటో సంస్థ కూడా స్పందించింది. ‘‘హాయ్ పల్లబ్, మీకు ఎదురైన అసౌకర్యానికి మమ్మల్ని క్షమించండి. మేము ఆ వాటర్ బాటిల్స్ ను విక్రయించలేదు. వాస్తవానికి మేము ఈవెంట్ నిర్వాహకులు కానప్పటికీ, టికెటింగ్ పార్ట్‌ నర్ గా ఉన్నాం. అయినప్పటికీ కస్టమర్ కు కలిగిన అసౌకర్యాన్ని దృష్టిలో ఉంచుకొని తగు చర్యలు తీసుకుంటాం’ అని జొమాటో రిప్లై ఇచ్చింది.

ఇవి కూడా చదవండి

టీఎఫ్‌డీసీ ఛైర్మన్‌గా బాధ్యతలు స్వీకరించిన దిల్ రాజు

'5-10 మంది పిల్లలనైనా కనాలనుంది'.. టాలీవుడ్ హీరోయిన్ సంచలన ప్రకటన

గేమ్ ఛేంజర్ నుంచి మరో క్రేజీ అప్‌డేట్.. ధోప్ సాంగ్ ప్రొమో చూశారా?

అశ్విన్ లాగే ఫేర్‌వెల్ మ్యాచ్ ఆడని టీమిండియా క్రికెటర్లు వీరే..

 వైరలవుతోన్న పోస్ట్ ఇదే..

How is @zomato allowed to sell Rs. 10 water bottles for Rs. 100 at concert venues where no one is allowed to bring their own bottles?@VijayGopal_ pic.twitter.com/clQWDcIb7m

— Pallab De (@indyan) December 17, 2024

అయితే అప్పటికే పల్లబ్ దే పోస్ట్ వైరల్ అయ్యింది. దీంతో వివిధ సందర్భాల్లో జొమాటో కారణంగా తాము ఎదుర్కొన్న ఇబ్బందులను కామెంట్ల రూపంలో షేర్ చేశారు నెటిజన్లు .

మరిన్ని జాతీయ వార్తల కోసం ఇక్కడ క్లిక్ చేయండి