Surrogacy Bill: సరొగెసీ బిల్లుకు కేంద్ర కేబినెట్ ఆమోదం… షరతులు వర్తిస్తాయి

Surrogacy Bill: సరొగెసీ (రెగ్యులేషన్) బిల్లు-2020 కి కేంద్ర కేబినెట్ ఆమోదం లభించింది. పిల్లలు లేక సతమతమవుతూ సరొగెసీ ద్వారా తల్లులు కావాలనుకునే మహిళలకు ఈ బిల్లు వరం కానుంది. ముఖ్యంగా వితంతువులకు, డైవోర్స్ తీసుకున్న మహిళలకు, బిడ్డల కోసం అల్లల్లాడే దంపతులకు ఇది ఎంతో ప్రయోజనకరంగా ఉంటుందని అంటున్నారు. రాజ్యసభ సెలెక్ట్ కమిటీ చేసిన కొన్ని సిఫారసులను ఈ బిల్లులో చేర్చినట్టు మంత్రి ప్రకాష్ జవదేకర్ తెలిపారు. 23 మంది సభ్యులతో కూడిన ఈ కమిటీ 15 సూచనలు చేసిందని, వీటిలో ముఖ్యంగా వంధ్యత్వం

(ఇన్ ఫర్టిలిటీ) అనే పదాన్ని తొలగించినట్టు ఆయన చెప్పారు. కమర్షియల్ సరొగెసీని ఈ బిల్లు నిషేధించిందని ఆయన చెప్పారు. అటు-మన దేశంలో కేవలం భారతీయ జంటలు మాత్రమే ఈ కృత్రిమ గర్భ ధారణ ప్రక్రియను ఎంచుకోవాలని మహిళా, శిశు సంక్షేమ శాఖ మంత్రి స్మృతి ఇరానీ స్పష్టం చేశారు.  సరోగేట్ మదర్ కి ఇన్సూరెన్సు వర్తింపు  గతంలో 16 నెలలు ఉండగా.. ఇక ఈ బిల్లు ప్రకారం దీన్ని 36  నెలలకు పెంచినట్టు ఆమె వెల్లడించారు. కాగా.. అనేకమంది సెలబ్రిటీలు కూడా పిల్లల కోసం సరొగెసీని ఆశ్రయిస్తున్న సంగతి తెలిసిందే.