Building Collapse: పేలిన సిలిండర్‌.. కుప్పకూలిన ఐదంతస్తుల భవనం.. శిథిలాల కింద కుటుంబాలు

ఈ మధ్య కాలంలో నిర్మాణాల్లో ఉన్న భవనాలు, కట్టిన భవనాలు కుప్పకూలుతున్నాయి. ఇలాంటి ప్రమాదాలతో ఆస్తినష్టంతో పాటు ప్రాణ నష్టం కూడా సంభవిస్తున్నాయి. గ్యాస్ పేలుడుతో భవనాలు కూలిపోవడం, నిర్మించి కొన్ని రోజులకే పగుళ్లు ఏర్పడి కూలిపోవడం తదితర కారణాల వల్ల ఇలాంటి ప్రమాదాలు ఎన్నో జరుగుతున్నాయి. ఇక తాజాగా ఉత్తరప్రదేశ్‌లోని లక్నోలో ఐదంతస్తుల భవనం కుప్పకూలిపోయింది. ఈ శిథిలాల కింద 15 కుటుంబాలు చిక్కుకున్నట్లు తెలుస్తోంది. విషయం తెలుసుకున్న రెస్క్యూ టీమ్‌ ఆపరేషన్‌ నిర్వహిస్తోంది. ఇక ఎన్డీఆర్‌ఎఫ్‌, ఎస్డీఆర్‌ఎఫ్‌ బృందాలు సైతం రంగంలోకి దిగి సహాయ చర్యల్లో నిమగ్నమయ్యాయి. లక్నోలోని హజ్రత్‌గంజ్ ప్రాంతంలోని వజీర్ హసన్ రోడ్‌లో ఇజ్రత్‌గంజ్‌ ప్రాంతంలో చోటు చేసుకుంది.

ఘటనా స్థలానికి పోలీసు బలగాలు, అగ్నిమాపక సిబ్బంది చేరుకున్నారు. సహాయ, సహాయ కార్యక్రమాల్లో నిమగ్నమయ్యారు. అలయ అపార్ట్‌మెంట్‌లో దాదాపు 15 కుటుంబాలు నివసిస్తున్నాయి. సిలిండర్‌ పేలుడు కారణంగా ఈ ఐదంతస్తుల భవనం కూలినట్లు తెలుస్తోంది. ఈ ప్రమాదంలో చాలా మంది మృతి చెంది ఉంటారని అనుమానిస్తున్నారు.

భవనం కుప్పకూలిన ఘటనపై ముఖ్యమంత్రి యోగి ఆదిత్యనాథ్ స్పందించారు. ఘటనాస్థలికి ఎన్డీఆర్‌ఎఫ్‌, ఎస్టీఆర్‌ఎఫ్‌ బృందాలను పంపాలని ఉన్నతాధికారులను ఆదేశించడంతో సహాయక చర్యలు ముమ్మరం చేశారు. ప్రమాదంలో క్షతగాత్రులకు సరైన వైద్యం అందించాలని సీఎం ఆదేశించారు. సీఎం ఆదేశాలతో అధికారులందరూ హుటాహుటిన ఘటన స్థలానికి చేరుకున్నారు.

అక్కడ, గాయపడిన వారిని అంబులెన్స్‌ల ద్వారా ఆసుపత్రికి తరలిస్తున్నారు. అలాగే కొందరు మృతి చెందినట్లు సమాచారం. ఎస్పీ సీనియర్ నేత కుటుంబం కూడా పై అంతస్తులో నివసించేదని చెబుతున్నారు. గత కొన్ని రోజులుగా భవన నిర్మాణ పనులకు సంబంధించి తమ ఇళ్లకు శబ్దాలు వస్తున్నాయని, అయితే ఎలాంటి పనులు జరుగుతున్నాయో చెప్పలేమని ఇరుగుపొరుగువారు చెబుతున్నారు.

మరిన్ని జాతీయ వార్తల కోసం ఇక్కడ క్లిక్ చేయండి