Bharat Ratna: ఎల్‌కే అద్వానీకి భారతరత్న.. ప్రధాని మోదీ కీలక ప్రకటన..
బీజేపీ అగ్రనేత LK అద్వానీకి దేశ అత్యున్నత పురస్కారం భారతరత్న ఇవ్వనున్నట్లు ట్వీట్టర్‌లో ప్రధాని మోదీ ప్రకటించారు. దేశానికి అద్వానీ సేవలను కొనియాడిన ప్రధాని.. అద్వానీకి ఫోన్‌ చేసి, కంగ్రాట్స్‌ చెప్పారు. అద్వానీ గొప్ప రాజనీతిజ్ఞుడని.. దేశాభివృద్ధిలో అద్వానీ పాత్ర చరిత్రాత్మకమైనదని మోదీ కొనియాడారు.
Updated on: Feb 03, 2024 | 12:01 PM
బీజేపీ కురువృద్ధుడు, మాజీ డిప్యూటీ ప్రధాని లాల్‌ కృష్ణ అద్వానీకి మన దేశపు అత్యున్నత పౌర పురస్కారాన్ని కేంద్ర ప్రభుత్వం ప్రకటించింది. ఎల్‌కే అద్వానీకి భారత అత్యున్నత పౌర పురస్కారం భారతరత్నను ప్రదానం చేయనున్నట్లు స్వయంగా ప్రధాని నరేంద్ర మోదీ శనివారం ప్రకటించారు. ఈ మేరకు ప్రధానమంత్రి నరేంద్రమోదీ ఎక్స్ వేదికగా వెల్లడించారు. అద్వానీకి భారతరత్న ఇవ్వనున్నట్లు ప్రకటించిన ప్రధాని మోదీ… దేశానికి అద్వానీ చేసిన సేవలను కొనియాడారు. ఈ సందర్భంగా అద్వానీకి ఫోన్‌ చేసి, కంగ్రాట్స్‌ చెప్పినట్లు మోదీ తెలిపారు. అద్వానీ గొప్ప రాజనీతిజ్ఞుడని.. దేశాభివృద్ధిలో అద్వానీ పాత్ర చరిత్రాత్మకమైనదంటూ మోదీ కొనియాడారు.
మోదీ ట్విట్టర్ లో ఏమన్నారంటే..
ఎల్‌కే అద్వానీ భారతరత్న ఇవ్వనున్నట్లు పంచుకోవడం చాలా సంతోషంగా ఉంది.. నేను ఆయనతో మాట్లాడి ఈ గౌరవం పొందినందుకు అభినందించాను. మన కాలంలో అత్యంత గౌరవనీయులైన రాజనీతిజ్ఞులలో ఒకరు, భారతదేశ అభివృద్ధికి ఆయన చేసిన కృషి స్మారకమైనది. అట్టడుగు స్థాయిలో పని చేయడం నుంచి మన ఉప ప్రధానమంత్రిగా దేశానికి సేవ చేయడం వరకు అతని జీవితం స్ఫూర్తిదాయమైనది.. అతను మన హోం మంత్రిగా, I&B మంత్రిగా కూడా గుర్తింపు పొందారు. పార్లమెంటరీ జోక్యాలు ఎల్లప్పుడూ ఆదర్శప్రాయమైనవి, గొప్ప అంతర్దృష్టులతో నిండి ఉన్నాయంటూ ప్రధాని మోదీ ట్విట్టర్ లో రాశారు.
అద్వానీ దశాబ్దాల పాటు ప్రజా జీవితంలో చేసిన సేవ రాజకీయ నీతిలో ఒక ఆదర్శప్రాయమైన ప్రమాణాన్ని నెలకొల్పుతూ పారదర్శకత, సమగ్రత పట్ల తిరుగులేని నిబద్ధతతో గుర్తించబడింది. జాతీయ ఐక్యత, సాంస్కృతిక పునరుజ్జీవనాన్ని పెంపొందించే దిశగా ఆయన అసమానమైన కృషి చేశారు. ఆయనకు భారతరత్న ప్రదానం చేయడం నాకు చాలా ఎమోషనల్ మూమెంట్. అతనితో సంభాషించడానికి, అతని నుండి నేర్చుకోవడానికి నాకు లెక్కలేనన్ని అవకాశాలు లభించడం నా అదృష్టంగా నేను ఎల్లప్పుడూ భావిస్తాను.. అంటూ మోదీ ట్విట్టర్ ప్రస్తావించారు.
I am very happy to share that Shri LK Advani Ji will be conferred the Bharat Ratna. I also spoke to him and congratulated him on being conferred this honour. One of the most respected statesmen of our times, his contribution to the development of India is monumental. His is a… pic.twitter.com/Ya78qjJbPK
— Narendra Modi (@narendramodi) February 3, 2024
మరిన్ని జాతీయ వార్తల కోసం ఇక్కడ క్లిక్ చేయండి..
