నన్ను క్షమించండి..! కల్నల్‌ ఖురేషిపై వివాదాస్పద వ్యాఖ్యలు.. తప్పు ఒప్పుకున్న బీజేపీ నేత

ఆర్మీ ఆఫీసర్ కల్నల్ సోఫియా ఖురేషిపై అభ్యంతరకరమైన వ్యాఖ్య చేసినందుకు మధ్యప్రదేశ్ క్యాబినెట్ మంత్రి కున్వర్ విజయ్ షా బుధవారం క్షమాపణలు చెప్పారు. తాను చేసిన వ్యాఖ్యలపై విచారం వ్యక్తం చేస్తూ, “ఇటీవల నేను చేసిన వ్యాఖ్యలకు సిగ్గుపడుతున్నాను. అంతేకాకుండా నా హృదయం నుండి క్షమాపణలు కూడా కోరుతున్నాను” అని అన్నారు. “కల్నల్ సోఫియా ఖురేషి నాకు నిజమైన సోదరి కంటే ఎక్కువ, ఆమె వారిపై ప్రతీకారం తీర్చుకుంది. నాకు (ఎవరినైనా బాధపెట్టాలనే సంకల్పం లేదా కోరిక లేదు). నేను చెప్పిన దాని గురించి ఎవరైనా చెడుగా భావించినట్లయితే, నన్ను క్షమించండి” అని పేర్కొన్నారు.

కాగా అంతకంటే ముందు మధ్యప్రదేశ్ హైకోర్టు ఆదేశాల మేరకు ఇండోర్‌లోని మోవ్‌లోని మాన్పూర్ పోలీస్ స్టేషన్‌లో ఎంపీ క్యాబినెట్ మంత్రి విజయ్ షాపై ఎఫ్‌ఐఆర్ నమోదైంది. కల్నల్‌ ఖురేషిపై చేసిన వివాదాస్పద వ్యాఖ్యలను హైకోర్టు సుమోటోగా స్వీకరించి, నాలుగు గంటల్లోగా మంత్రిపై ఎఫ్‌ఐఆర్ నమోదు చేయాలని డీజీపీని ఆదేశించింది. మోవ్‌లోని మాన్పూర్ పోలీస్ స్టేషన్ పరిధిలోని రాయుకుండా గ్రామంలో జరిగిన ఒక బహిరంగ కార్యక్రమంలో విజయ్ షా చేసిన వివాదాస్పద, అనుచిత వ్యాఖ్యలు వివాదానికి కారణం అయ్యాయి. మే 12న మంత్రి “హల్మా” కార్యక్రమంలో పాల్గొని కల్నల్ ఖురేషిపై వివాదాస్పద వ్యాఖ్య చేశారు. ఆ ప్రసంగానికి సంబంధించిన వీడియో సోషల్ మీడియాలో వైరల్‌గా మారింది. నెటిజన్లంతా బీజేపీ ఎంపిపై ఆగ్రహం వ్యక్తం చేశారు. తన ప్రసంగంలో షా ఇలా అన్నాడు, “మా కుమార్తెల సిందూరాన్ని ధ్వంసం చేసిన వారికి గుణపాఠం చెప్పడానికి ప్రధాని మోదీ వారి సోదరిని పంపారు.” అని పేర్కొన్నారు.

కాగా ఈ వివాదంతో ఆయనపై నమోదైన ఎఫ్ఐఆర్ దృష్ట్యా మంత్రి విజయ్ షాను ఎప్పుడైనా తన పదవికి రాజీనామా చేయమని కోరవచ్చు. భారతీయ న్యాయ సంహిత (బిఎన్ఎస్) సెక్షన్లు 152, 196(1)(బి), 197(1)(సి) కింద మాన్పూర్ పోలీస్ స్టేషన్‌లో ఎఫ్ఐఆర్ నమోదు అయింది. విజయ్ షాపై చర్యలు తీసుకోవాలని మధ్యప్రదేశ్‌ సీఎం మోహన్ యాదవ్ సైతం ఆదేశించారు. విజయ్ షాపై ఎఫ్ఐఆర్ నమోదు తర్వాత ఆయన రాజీనామా కోసం ఇప్పుడు ఒత్తిడి పెరుగుతోంది. ముఖ్యమంత్రి నివాసంలో బిజెపి రాష్ట్ర అధ్యక్షుడు బిడి శర్మ, పార్టీ ఆర్గనైజేషన్ జనరల్ సెక్రటరీ హితానంద్ శర్మ పాల్గొన్న ఉన్నత స్థాయి సమావేశం జరిగింది. ఈ ముగ్గురు నాయకుల సమావేశ ప్రధాన అజెండా మంత్రి విజయ్ షా రాజీనామా చేసే అవకాశం ఉందని వర్గాలు సూచిస్తున్నాయి.

हाल के भाषण में मेरी इच्छा और मंशा यही थी कि मैं उनकी बात को अच्छे से समाज के बीच में रखूँ, लेकिन दुखी और विचलित मन से कुछ शब्द गलत निकल गए, जिसके कारण आज मैं खुद शर्मिंदा हूँ और पूरे समाज से और समुदाय से माफ़ी माँगता हूँ।

— Dr. Kunwar Vijay Shah (@KrVijayShah) May 14, 2025

माननीय मध्यप्रदेश हाईकोर्ट के आदेश का पालन करते हुए माननीय मुख्यमंत्री जी ने कैबिनेट मंत्री श्री विजय शाह के बयान के संदर्भ में कार्यवाही करने के निर्देश दिए है।@DrMohanYadav51

— Office of Dr. Mohan Yadav (@drmohanoffice51) May 14, 2025

మరిన్ని జాతీయ వార్తల కోసం ఇక్కడ క్లిక్ చేయండి..