Monkeypox: మంకీపాక్స్ డేంజర్‌ బెల్స్‌.. దేశంలో ఏడుకు చేరిన పాజిటివ్‌ కేసులు..
మంకీపాక్స్ సోకిన వ్యక్తులతో సన్నిహితంగా లైంగిక సంబంధాలుండటం వల్ల కూడా ఎక్కువగా వ్యాపిస్తుందని అన్నారు. ఈ వ్యాధి సోకిన వారి నోటి నుంచి..
Updated on: Aug 02, 2022 | 1:52 PM
Monkeypox: కేరళలో మరో మంకీపాక్స్ కేసు నమోదయింది. యూఏఈ నుంచి వచ్చిన ఒక వ్యక్తికి మంకీపాక్స్ గా వైద్యులు ధృవీకరించారు. యూఏఈ నుంచి గత నెల 27న కోజికోడ్ విమానాశ్రయంలో దిగిన 30 ఏళ్ల యువకుడిని వచ్చాడు. కోజికోడ్ విమానాశ్రయంలో అతనికి జరిపిన వైద్య పరీక్షల్లో మంకీ పాక్స్ గా తేలడంతో అతనిని ప్రస్తుతం మలప్పురంలోని మంజేరి మెడికల్‌ కాలేజీలో ప్రత్యేక విభాగంలో ఉంచి చికిత్స అందిస్తున్నట్లు కేరళ ఆరోగ్య శాఖ మంత్రి వీణా జార్జ్‌ తెలిపారు. . అతని శరీరంపై దుద్దుర్లు రావడం, జ్వరం కూడా ఎక్కువగా రావడంతో అతని రక్తనమూనాలను సేకరించి పరీక్షలకు పంపారు. అందులో మంకీపాక్స్ అని నిర్ధారణ అయింది. దీంతో దేశంలో మంకీపాక్స్ కేసుల సంఖ్య ఏడుకు చేరింది. ఇందులో కేరళ నుండి ఐదు కేసులు నమోదు కాగా, ఢిల్లీ నుండి రెండు మంకీపాక్స్ కేసులు నమోదయ్యాయి.
దేశంలో తొలి మంకీపాక్స్ కేసు కేరళలోనే నమోదయింది. ఆ తర్వాత నాలుగు కేసులు నమోదయ్యాయి. ఇప్పటి వరకూ కేరళలో ఐదు మంకీపాక్స్ కేసులు నమోదయ్యాయి. తొలిసారి మంకీపాక్స్ సోకిన వ్యక్తికి కేరళ వైద్యులు చికిత్స అందించారు. ఆయన కోలుకున్నారు. అతనికి నెగిటివ్ వచ్చింది. దీంతో కొంత ధైర్యం వచ్చిన వైద్య శాఖ మంకీపాక్స్ సోకిన వారి కోసం ప్రత్యేక వార్డులను ప్రారంభించింది.
Kerala | Another #monkeypox case was reported in the state. A 30-year-old is undergoing treatment in Malappuram. He had reached Kozhikode airport on 27 July from UAE: Kerala Health Minister Veena George
This is the fifth case of monkeypox in the state. pic.twitter.com/9Ccc9hT18z
— ANI (@ANI) August 2, 2022
ఇదిలా ఉంటే, మంకీపాక్స్ వైరస్‌ ప్రధానంగా లైంగిక సంబంధాల ద్వారా కూడా వ్యాపిస్తుందని ప్రపంచ ఆరోగ్య సంస్థ (WHO) అధినేత టెడ్రోస్‌ అధనామ్‌ తెలిపారు. మంకీపాక్స్ సోకిన పురుషులతో సన్నిహిత శరీరక సంబంధాలకు దూరంగా ఉండటం మంచిదన్నారు. పురుషులలో మంకీపాక్స్ లక్షణాలు కనిపించినా.. లైంగికపరంగా దూరంగా ఉండటం మంచిదని సూచించారు. దీనిపై అంతర్జాతీయ పరిశోధనలు జరుగుతున్నాయి. మంకీపాక్స్ సోకిన వ్యక్తులతో సన్నిహితంగా లైంగిక సంబంధాలుండటం వల్ల కూడా ఎక్కువగా వ్యాపిస్తుందని అన్నారు. ఈ వ్యాధి సోకిన వారి నోటి నుంచి వచ్చే తుంపర్ల ద్వారా కూడా వ్యాపిస్తుందని చెబుతున్నారు. పురుషులతో సన్నిహితంగా ఉండేవారు కాస్త జాగ్రత్తలు వహించడం ఎంతో ముఖ్యమంటున్నారు.
మరిన్ని జాతీయ వార్తల కోసం ఇక్కడ క్లిక్ చేయండి
