తోటలో పనిచేస్తుండగా.. ప్రత్యక్షమైన కింగ్ కోబ్రా.. ఆ తర్వాత..

కింగ్ కోబ్రా.. పేరు వింటేనే చాలు… గుండెల్లో గుబులు పుట్టడం ఖాయం. సాధారణంగా దట్టమైన అటవీ ప్రాంతంలోనే ఇవి ఉంటాయి. ఇవి కాటేస్తే.. సెకన్ల వ్యవధిలో ప్రాణాలు కోల్పోవడం ఖాయం. అయితే అలాంటి పాము ఒకటి అసోంలో ప్రత్యక్షమైంది. దీంతో ఆ పామును చూసిన స్థానికులు ఒక్కసారిగా షాక్‌కు గురయ్యారు. పాము అలాంటి ఇలాంటి పాము కాదు.. ఎకంగా 14 అడుగులు ఉంది.

ఈ ఘటన అసోం నాగోన్ జిల్లా జియాజూరి టీ ఎస్టేట్ ప్రాంతంలో జరిగింది. ఆ పట్టణంలోని ఓ తేయాకు తోటలో ఈ పాము ప్రత్యక్షమైంది. దీంతో అక్కడ పనిచేస్తున్న కూలీలు భయబ్రాంతులకు గురయ్యారు. వెంటనే అక్కడి నుంచి పరుగులు తీసి.. అటవీ శాఖ అధికారులకు సమాచారం అందించారు. వెంటనే రంగంలోకి దిగిన స్నేక్ రెస్క్యూ టీం.. ఆ పామును చాకచక్యంగా పట్టుకున్నారు. దీంతో అంతా ఊపిరి పీల్చుకున్నారు. పట్టుకున్న పామును దగ్గర్లోని సువాంగ్ రిజర్వ్ ఫారెస్ట్‌లో విడిచిపెట్టారు.