Director: సక్సెస్ అంటే ఇది.. ఒకప్పుడు లారీ డ్రైవర్.. ఇప్పుడు గొప్ప డైరెక్టర్.. ఒక్క ప్లాపు లేని దర్శకుడు..

చిన్నప్పటి నుంచే ఆర్థిక సమస్యలు.. కాలేజీ చదువు మధ్యలోనే మానేసి లారీ డ్రైవర్ గా పనిచేశాడు. చాలా కాలం పాటు లారీ నడుపుతూ తన కుటుంబానికి అండగా నిలబడ్డాడు. ఆ తర్వాత సినీరంగంలోకి అడుగుపెట్టి దర్శకుడిగా మారాడు. ఇప్పటివరకు అతడు తెరకెక్కించిన సినిమాలు ప్రపంచవ్యాప్తంగా బ్లాక్ బస్టర్ హిట్ అయ్యాయి. ఇంతకీ అతడు ఎవరో తెలుసా..?

James Cameron

Rajitha Chanti |
Updated on: Dec 24, 2025 | 10:29 AM

ప్రస్తుతం సినీరంగంలో తనదైన ముద్ర వేసిన తారలు.. ఒకప్పుడు ఎన్నో కష్టాలను భరించినవారే. ఇప్పుడు మనం మాట్లాడుకుంటున్న ఓ దర్శకుడు ఒకప్పుడు కాలేజీ మానేసి లారీ డ్రైవర్‌గా పనిచేశాడు. ప్రస్తుతం అతడు ఎన్నో గొప్ప చిత్రాలను తెరకెక్కించిన దర్శకుడు. కొన్నిసార్లు సినిమా కథల కంటే నిజ జీవితంలో ఎదురైన పరిస్థితులు చాలా ఆశ్చర్యకరంగా ఉంటాయి. అవును.. ఈ దర్శకుడి జీవితం కూడా అలాగే ఉంటుంది. అతడి పేరు జేమ్స్ కామెరూన్. ఆయన తెరకెక్కించిన ‘అవతార్: ఫైర్ అండ్ యాష్’ సినిమా ఇప్పుడు ప్రపంచవ్యాప్తంగా బాక్సాఫీస్ వద్ద దూసుకుపోతుంది. అవతార్ మొదటి భాగం విడుదలై ప్రపంచవ్యాప్తంగా భారీ విజయాన్ని అందుకుంటుంది. జేమ్స్ కామెరూన్ ఒక కొత్త ప్రపంచాన్ని సృష్టించి.. అందులోకి ప్రేక్షకులను తీసుకెళ్లి.. అద్భుతమైన గ్రాఫిక్స్ తో అలరించారు.

ఇవి కూడా చదవండి : Actress : ఎక్కువగా కనిపించాలని ఆ డైరెక్టర్ ప్యాడింగ్ చేసుకోమన్నాడు.. హీరోయిన్ సంచలన కామెంట్స్..

జేమ్స్ కామెరూన్ సినిమా ప్రపంచంలోనే అత్యంత ధనవంతులలో ఒకరు. నివేదికల ప్రకారం అతడి ఆస్తులు రూ.1.1 బిలియన్స్. కానీ టీనేజ్ లో అతడు కాలేజీ మానేసి మంచి ఉద్యోగం దొరకకపోవడంతో ట్రక్ డ్రైవర్‌గా పనిచేశాడు. తర్వాత సినిమాలపై ఆసక్తి పెంచుకుని సినీరంగంలోకి అడుగుపెట్టారు. అప్పట్లో రోజర్ కార్మాన్ న్యూ వరల్డ్ పిక్చర్స్ లో వారానికి 175 డాలర్లకు చేరాడు. 1981లో ‘పిరాన్హా 2: ది స్పానింగ్’ సినిమాతో దర్శకుడిగా తెరంగేట్రం చేశారు. కానీ ఆ సినిమా కంప్లీట్ కాకముందే దర్శకత్వబాధ్యతల నుంచి తప్పుకున్నారు. ఆ తర్వాత 1984లో ది టెర్మినేటర్ సినిమాతో దర్శకుడిగా మారారు. అప్పట్లో ఈ మూవీ భారీ విజయాన్ని అందుకుంది. ఆ తర్వాత 1997లో టైటానిక్ సినిమాతో ప్రపంచాన్ని మొత్తం తిరిగి చూసేలా చేశారు. ఆ తర్వాత 12 సంవత్సరాలకు అవతార్ ప్రపంచాన్ని సృష్టించాడు.

ఇవి కూడా చదవండి : Bigg Boss 9 Telugu : ఆ ముగ్గురికి స్పెషల్ థ్యాంక్స్ చెప్పిన కళ్యాణ్.. తనూజ గురించి ఆసక్తికర కామెంట్స్..

ఆయన దర్శకత్వం వహించిన ది టెర్మినేటర్, టైటానిక్, ది అబిస్, ఏలియన్స్, అవతార్, అవతార్: ది వే ఆఫ్ వాటర్ బాక్సాఫీస్ వద్ద భారీ విజయాలు సాధించాయి. ఈ సినిమాలన్నీ బాక్సాఫీస్ వద్ద సంచనాలు క్రియేట్ చేశాయి. దీంతో ఇప్పుడు అతడు ప్రపంచంలోనే అత్యంత ధనవంతులలో ఒకరిగా మారారు. ప్రస్తుతం విడుదలైన అవతార్: ఫైర్ అండ్ యాష్ చిత్రం 3 రోజుల్లో ప్రపంచవ్యాప్తంగా 3,000 కోట్లకు పైగా వసూలు చేసింది.