Viral Video: బోనెట్ నుంచి వింత శబ్దాలు.. ఏంటని తెరిచి చూడగా దెబ్బకు హడల్..

ఓ వ్యక్తి తన కారులో వేరే ఊరుకి వెళ్తున్నాడు. సరిగ్గా మార్గం మధ్యకు రాగానే అలసిపోయి కాసేపు తన కారును ఓ పక్కన ఆపాడు. ఈలోపు బోనెట్ నుంచి వింత శబ్దాలు రావడాన్ని గమనించాడు. ఏంటని దాన్ని ఓపెన్ చేసి చూడగా.. దెబ్బకు హడలిపోయాడు. ఇంతకీ అసలేం జరిగింది..? ఆ వివరాలు ఇలా ఉన్నాయి.

కర్ణాటకలోని మల్లాపూర్ ప్రాంతంలో 10 అడుగుల కింగ్​కోబ్రా స్థానికంగా భయభ్రాంతులకు గురి చేసింది. హల్చల్ చేసింది. ఓ వ్యక్తి తన కారులో జై సింగ్​ కైగా ప్రాంతం నుంచి కార్వార్‌కు బయల్దేరాడు. ఇంతలో మార్గమధ్యలో మల్లాపుర్​ సమీపంలో కాసేపు తన కారును ఆపాడు. ఆ సమయంలో అతడు బోనెట్ నుంచి వింత శబ్దాలు రావడాన్ని గుర్తించాడు. ఎప్పుడు దూరిందో గానీ.. 10 అడుగుల కింగ్​ కోబ్రా అతడి కారు ముందుభాగంలో ప్రవేశించింది. దీంతో వెంటనే అప్రమత్తమైన అతడు.. అటవీశాఖ సిబ్బందికి సమాచారం అందించాడు. వారు అక్కడికి చేరుకొని దాదాపు 4 గంటల పాటు శ్రమించి పామును బయటకు తీశారు. అనంతరం దాన్ని సురక్షితంగా అడవిలో విడిచిపెట్టారు.