State Bank Of India: కస్టమర్లకు షాకివ్వనున్న ఎస్బీఐ.. ఫిబ్రవరి నుంచి ఆ సేవలపై ఛార్జీలు..!
IMPS: స్టేట్ బ్యాంక్ ఆఫ్ ఇండియా (SBI) తన శాఖల ద్వారా నగదు బదిలీ కోసం తక్షణ చెల్లింపు సేవ (IMPS) పరిమితిని పెంచినట్లు ఇటీవల ప్రకటించిన సంగతి తెలిసిందే. ఎస్బీఐ వెబ్సైట్ ప్రకారం, ఫిబ్రవరి 1, 2022 నుంచి IMPS లావాదేవీల కోసం కొత్త స్లాబ్ చేర్చనున్నారు.
Updated on: Jan 04, 2022 | 7:32 AM
State Bank Of India: స్టేట్ బ్యాంక్ ఆఫ్ ఇండియా (SBI) తన శాఖల ద్వారా నగదు బదిలీ కోసం తక్షణ చెల్లింపు సేవ (IMPS) పరిమితిని పెంచినట్లు ప్రకటించిన సంగతి తెలిసిందే. SBI వెబ్సైట్ ప్రకారం, ఫిబ్రవరి 1, 2022 నుంచి IMPS లావాదేవీల కోసం కొత్త స్లాబ్ చేర్చనున్నారు. కొత్త పరిమితి ప్రకారం రూ.2 లక్షల నుంచి రూ.5 లక్షల వరకు పంపే వీలుంది. అయితే రూ. 2 లక్షల నుంచి రూ. 5 లక్షల మధ్య ఉన్న మొత్తానికి, IMPS ద్వారా డబ్బు పంపినందుకు రూ. 20 ప్లస్ జీఎస్టీ ఛార్జీ పడనుంది. IMPS అనేది ఇంటెర్నెట్ బ్యాంకింగ్లో అందించే తక్షణ చెల్లింపు సేవలు. ఇది రియల్-టైమ్ ఇంటర్-బ్యాంక్ ఫండ్ బదిలీని అనుమతిస్తుంది. ఆదివారాలు, సెలవులతో సహా 24 X 7 ఈసేవలు అందుబాటులో ఉంటాయి.
IMPS అంటే ఏమిటి? IMPS అంటే తక్షణ మొబైల్ చెల్లింపు సేవలు. సరళంగా చెప్పాలంటే, IMPS ద్వారా, మీరు ఎక్కడైనా, ఎప్పుడైనా ఖాతాదారునికి డబ్బు పంపవచ్చు. ఇందులో డబ్బు పంపే సమయానికి ఎలాంటి పరిమితి లేదు. మీరు IMPS ద్వారా 24 గంటల్లో ఎప్పుడైనా, వారంలో ఏడు రోజులూ కేవలం కొన్ని సెకన్లలోనే డబ్బును బదిలీ చేయవచ్చు.
భారతదేశంలో ఆన్లైన్ బ్యాంకింగ్ ద్వారా ఎక్కడికైనా, ఎప్పుడైనా డబ్బు పంపవచ్చు. కానీ డబ్బు పంపే పద్ధతులు భిన్నంగా ఉంటాయి. వాస్తవానికి, ఆన్లైన్ బ్యాంకింగ్ నుంచి డబ్బును బదిలీ చేయడానికి మూడు మార్గాలు ఉన్నాయి. ఇందులో IMPS, NEFT, RTGS లాంటి మార్గాల్లో మనీని ట్రాన్స్ఫర్ చేయవచ్చు. దీనిని నేషనల్ పేమెంట్ కార్పొరేషన్ ఆఫ్ ఇండియా నిర్వహిస్తుంది. ఇందులో నిధులను బదిలీ చేయడం ద్వారా, డబ్బు వెంటనే అవతలి వారికి బదిలీ అవుతుంది. IMPS ఏడాది పొడవునా 24×7 అందుబాటులో ఉంటుంది. మరోవైపు NEFT, RTGS ఈ సౌకర్యాన్ని అందించవు.
రిజర్వ్ బ్యాంక్ ఆఫ్ ఇండియా అంటే RBI గవర్నర్ శక్తికాంత దాస్ IMPS సేవకు సంబంధించి అక్టోబర్లో కీలక ప్రకటన చేశారు. దీని కింద, ఇప్పుడు వినియోగదారులు ఒక రోజులో రూ. 5 లక్షల వరకు లావాదేవీలు చేయగలరు. గతంలో ఈ పరిమితి రూ.2 లక్షలుగా ఉండేది.
ఇది కాకుండా, స్టేట్ బ్యాంక్ ఆఫ్ ఇండియా (SBI) కొత్త సంవత్సరంలో కస్టమర్ల కోసం ప్రత్యేక ఆఫర్ను ప్రవేశపెట్టింది. ప్రజలు వ్యక్తిగత రుణంపై ఎక్కువ వడ్డీని చెల్లించవలసి ఉంటుంది. దీని కారణంగా వారు తక్కువ వడ్డీ రేటుతో వ్యక్తిగత రుణం కోసం పొందనున్నారు. దీని దృష్ట్యా, SBI తన కస్టమర్ల కోసం ప్రీ-అప్రూవ్డ్ పర్సనల్ లోన్ ఆఫర్ను ప్రవేశపెట్టింది. దీనిని వినియోగదారులు YONO యాప్ ద్వారా పొందవచ్చు. బ్యాంకు ఖాతాదారులకు వ్యక్తిగత రుణాలపై ప్రత్యేక తగ్గింపులను కూడా అందిస్తోంది. స్టేట్ బ్యాంక్ ఆఫ్ ఇండియా వినియోగదారులకు జీరో ప్రాసెసింగ్ రుసుముతో రుణం ఇస్తుంది.
Also Read: Silver Price Today: వెండి కొనుగోలుదారులకు గుడ్న్యూస్.. తగ్గిన సిల్వర్ ధర
Gold Price Today: స్వల్పంగా పెరిగిన బంగారం ధరలు.. ప్రధాన నగరాల్లో ఎలా ఉన్నాయంటే..
