వేసవిలో ఈ టీ తాగే ముందు మీ శరీరం ఎలా రియాక్ట్ అవుతుందో తెలుసుకోండి..!

అల్లంలో వేడి చేసే గుణం ఉంటుంది. అందుకే వేసవిలో దీన్ని ఎక్కువగా తాగితే మన శరీర ఉష్ణోగ్రత మరింత పెరుగుతుంది. దీనివల్ల తలనొప్పి, నీరసం, మనసు బాగోలేకపోవడం వంటి సమస్యలు రావచ్చు. వేడి వాతావరణంలో ఇలాంటి పదార్థాలను తక్కువగా తీసుకోవడం మంచిది.

ఎండలో అల్లం టీ తాగితే మన కడుపు మీద ప్రభావం చూపిస్తుంది. ఖాళీ కడుపుతో తాగితే గుండెలో మంట, పుల్లగా ఉండటం, అసిడిటీ వంటి సమస్యలు వచ్చే అవకాశం ఉంది. వేడి చేసే పదార్థాలు కడుపు మీద ఎక్కువ ఒత్తిడి కలిగిస్తాయి.

వేసవిలో మన శరీరానికి తగినంత నీరు అందకపోతే డీహైడ్రేషన్ వస్తుంది. అల్లం టీ ఎక్కువగా తాగడం వల్ల మూత్రం ఎక్కువగా వస్తుంది. దీనివల్ల శరీరంలో నీటి శాతం తగ్గిపోతుంది. ఇది గొంతు ఎండిపోవడం, చర్మం పొడిగా మారడం, నీరసం వంటి లక్షణాలకు కారణం అవుతుంది. వేసవిలో దాహాన్ని తీర్చే పదార్థాలను తీసుకోవడం ముఖ్యం.

అల్లం రక్తం పలుచగా మారేలా చేస్తుంది. కొన్నిసార్లు ఇది రక్తస్రావానికి దారితీయవచ్చు. గాయాలైనప్పుడు రక్తం తొందరగా ఆగకపోవచ్చు. ఇప్పటికే బీపీ కోసం మందులు వాడుతున్నవారు దీన్ని ఎక్కువగా తీసుకుంటే సమస్యలు ఎక్కువ కావచ్చు.

అల్లం టీని ఎక్కువగా తాగడం వల్ల కొందరికి విరేచనాలు కూడా కావచ్చు. దీనివల్ల శరీరంలో నీరు తగ్గిపోతుంది. దాంతో బలహీనత, నీరసం వంటి సమస్యలు వచ్చే అవకాశం ఉంది. వేసవిలో ఇది మరింత ఇబ్బందిగా ఉంటుంది.

అల్లం టీ తాగడం వల్ల నిద్ర కూడా సరిగ్గా పట్టకపోవచ్చు. రాత్రిపూట తాగితే నిద్ర రాకపోవడం సాధారణం. అలర్జీ సమస్యలు, బీపీ పెరగడం లేదా తగ్గిపోవడం వంటి ఇతర సమస్యలు కూడా కొందరికి రావచ్చు. శరీరం ఎలా స్పందిస్తుందో తెలుసుకొని తాగడం మంచిది. వేసవిలో మన శరీరానికి చల్లదనం అవసరం. అల్లం టీ వంటి వేడి చేసే డ్రింక్స్‌ ను తక్కువగా తీసుకోవడం మంచిది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)