No Meat Diet: 30 రోజులు మాంసం మానేస్తే ఏమౌతుందో తెలుసా..? శరీరంలో జరిగే మార్పులు..
మాంసాహారం ప్రియులు నెల రోజులు మాంసం మానేస్తే శరీరంలో ఎలాంటి మార్పులు వస్తాయో తెలుసా? ఇది వాపును తగ్గిస్తుంది, పేగు ఆరోగ్యాన్ని మెరుగుపరుస్తుంది. అయితే శక్తి తగ్గడం, ప్రోటీన్ లోపం వంటి ప్రమాదాలు కూడా ఉన్నాయి. సమతుల్య శాఖాహారంతో ప్రయోజనాలు పొందవచ్చు. మీ ఆరోగ్యంపై 30 రోజుల మాంసం విరామం ప్రభావాలను ఇక్కడ వివరంగా తెలుసుకోండి.
Updated on: Dec 13, 2025 | 12:15 PM
మనలో చాలా మంది మాంసాహారాలు ఉన్నారు. వారికి మటన్, చికెన్, చేపలు వంటి ఆహారాలు అంటే అమితమైన ఇష్టం ఉంటుంది. మాంసం ఆరోగ్యానికి అనేక విధాలుగా ప్రయోజనకరంగా ఉంటుంది. ఇది పూర్తి ప్రోటీన్ మూలం. శరీరానికి అంతర్గతంగా, బాహ్యంగా అనేక ప్రయోజనాలను అందిస్తుంది. అయితే, చాలా మంది మాంసం తినడం మానేయాలని కోరుకుంటారు. కానీ, అలాంటి వారు ఉన్నట్టుండి దానిని వదులుకోవాలా వద్దా అని ఖచ్చితంగా తెలియదు. కాబట్టి, మీరు క్రమం తప్పకుండా మాంసం తినేవారై 30 రోజులు లేదా ఒక నెల పాటు మాంసం తినకుండా ఉంటే మీ శరీరంపై దాని ప్రభావాలు ఎలా ఉంటాయి. దాని గురించి పూర్తి వివరాలు ఇక్కడ తెలుసుకుందాం..
30 రోజులు మాంసం తినకపోతే ఏమవుతుంది?
వాపును తగ్గిస్తుంది – ప్రాసెస్ చేసిన మాంసాలు, ఎర్ర మాంసాలలో సంతృప్త కొవ్వు అధికంగా ఉంటుంది. మాంసం క్రమం తప్పకుండా తినడం వల్ల వాపు వస్తుంది. మీరు మాంసం తీసుకోవడం తగ్గించడం వల్ల వాపు తగ్గుతుంది.
శక్తి తగ్గవచ్చు – మాంసం తినడం మానేయడం వల్ల మీలో శక్తి తగ్గుతుంది. ఎప్పుడూ అలసిపోయినట్లు అనిపించవచ్చు. కాబట్టి మీరు మరో విధంగానైనా ప్రోటీన్ తీసుకోవడం పెంచాలి. మీ ఆహారంలో ప్రోటీన్ అధికంగా ఉండే శాఖాహార ఆహారాలను చేర్చుకోవడం ద్వారా మీరు దీన్ని భర్తి చేయవచ్చు.
పేగు ఆరోగ్యంపై ప్రభావం – మీరు మాంసాన్ని మానేసి, మీ ఆహారంలో ఎక్కువ తృణధాన్యాలు చేర్చుకుంటే, మీ పేగు ఆరోగ్యం మెరుగుపడుతుంది. మొక్కల ఆధారిత ఆహారాలు ఆరోగ్యకరమైన పేగు బాక్టీరియాను నిర్వహిస్తాయి. వాటిలో ఫైబర్ పుష్కలంగా ఉంటుంది. ఇది ఆరోగ్యకరమైన జీర్ణవ్యవస్థను నిర్వహించడానికి సహాయపడుతుంది.
మీరు బాత్రూంలో ఎక్కువసేపు కూర్చోవలసి రావచ్చు – మాంసాన్ని వదులుకోవడం ద్వారా మీరు తృణధాన్యాలు, కూరగాయలు, పప్పుధాన్యాలు వంటి మొక్కల ఆధారిత ఆహారాన్ని ఎక్కువగా తినడానికి మొగ్గు చూపుతారు. ఇవి ఎక్కువ ఫైబర్ను అందిస్తాయి. ఫైబర్ అధికంగా ఉండే ఆహారం మలబద్ధకాన్ని తగ్గిస్తుంది.
ప్రమాదాలు కూడా ఉండవచ్చు:
మీరు సడెన్గా మాంసాన్ని తగ్గించుకుంటే సమతుల్య ఆహారాన్ని నిర్వహించడం ముఖ్యం. అసమతుల్య ఆహారం ప్రోటీన్ లోపానికి దారితీస్తుంది. సమతుల్య ఆహారం లేకపోవడం ఎముకలను బలహీనపరుస్తుంది. ఎముకల పగుళ్లు వచ్చే ప్రమాదాన్ని పెంచుతుంది. కాబట్టి, మంచి ఆరోగ్యాన్ని కాపాడుకోవడానికి మీ ఆహారంలో మాంసం లేకపోవడాన్ని భర్తీ చేసే ఆహారాలను చేర్చడం చాలా అవసరం.
మరిన్ని లైఫ్స్టైల్ న్యూస్ కోసం ఇక్కడ క్లిక్ చేయండి..
