Free Air Ticket Offer: విదేశాలను చూట్టేయాలనుకునేవారికి గుడ్ న్యూస్.. విమాన ప్రయాణంతోపాటు అన్నీ ఫ్రీ.. ఎలాగంటే..

మీరు విదేశాలకు వెళ్లాలని ఆలోచిస్తున్నప్పటికీ, మీకు ఎక్కువ కాలం అవకాశం లభించకపోతే, ఇప్పుడు మీ సమయం ఆసన్నమైంది. మీరు డబ్బు ఖర్చు లేకుండా ఆనందంతో విదేశాలకు వెళుతున్నారు. స్థానిక పర్యాటకాన్ని ప్రోత్సహించేందుకు ఒక దేశం 5 లక్షల మందికి ఉచిత విమాన టిక్కెట్లను అందిస్తోంది. మీరు చేయాల్సిందల్లా పాస్‌పోర్ట్ కోసం ఏర్పాట్లు చేయండి. దీని తర్వాత మీరు వీసా,ఉచిత విమాన టికెట్ తీసుకొని విదేశాలకు వెళ్లాలనే మీ కలను నెరవేర్చుకోవచ్చు.

న్యూస్ రాయిటర్స్ అందించిన సమాచారం ప్రకారం, ఉచిత ఎయిర్ టిక్కెట్ ఆఫర్ ఈ ప్రకటనను హాంకాంగ్ చీఫ్ ఎగ్జిక్యూటివ్ ఆఫీసర్ జాన్ లీ విడుదల చేశారు. రీబ్రాండింగ్ ప్రచారాన్ని ‘హలో హాంకాంగ్’ గురువారం ప్రారంభిస్తూ లీ ఈ విషయాన్ని ప్రకటించారు. ఈ ప్రచారం ద్వారా హాంకాంగ్‌లో పెట్టుబడులు.. పర్యాటకుల సంఖ్యను పెంచేందుకు కృషి చేస్తామని చెప్పారు. ఇందుకోసం 5 లక్షల మంది విదేశీ ప్రయాణికులకు హాంకాంగ్‌కు రావడానికి ఉచిత విమాన టిక్కెట్లు జారీ చేయనున్నారు.

రూపాయి ఖర్చు లేకుండా హాంకాంగ్ చుట్టి రండి..

హాంకాంగ్‌కు వచ్చే విదేశీ ప్రయాణికులను నగరంలోని ప్రధాన పర్యాటక ప్రదేశాల పర్యటనకు తీసుకువెళతామని లీ తెలిపారు. దీంతో పాటు నగరంలో పెట్టుబడులకు మంచి వనరులపై అవగాహన కల్పిస్తారు. హాంకాంగ్‌కు వచ్చే వారు ఇకపై ఎలాంటి క్వారంటైన్ లేదా ఆంక్షలు ఎదుర్కోవాల్సి ఉంటుందని ఆయన స్పష్టం చేశారు. వారు ఎక్కడికైనా తిరవచ్చని..  వారు కోరుకున్న చోట ఉండచ్చని తెలిపారు.

ఉచిత విమాన టిక్కెట్లను పంపిణీ చేసే వివమాన సంస్థలు ఇవే..

విదేశీయులతో పాటు నగరంలో నివసించేవారు కూడా బయటకు వెళ్లేందుకు 80 వేల ఉచిత విమాన టిక్కెట్లను అందజేస్తామని హాంకాంగ్ చీఫ్ ఎగ్జిక్యూటివ్ ఆఫీసర్ తెలిపారు. నగరంలోని విమానయాన సంస్థలు కాథే పసిఫిక్, హాంకాంగ్ ఎక్స్‌ప్రెస్, హాంకాంగ్ ఎయిర్‌లైన్స్ మార్చి 1 నుంచి ఆరు నెలల పాటు విదేశీయులకు ఉచిత విమాన టిక్కెట్లను పంపిణీ చేయనున్నాయి.

కరోనా కారణంగా కుప్పకూలిన నగర ఆర్థిక వ్యవస్థ

హాంకాంగ్ అతిపెద్ద ఆదాయ వనరు పర్యాటకం అని చెప్పవచ్చు. అయితే రెండేళ్ల క్రితం కరోనా దెబ్బకు ఇక్కడి పర్యాటకం వ్యవస్థ పూర్తిగా నష్టపోయింది. ఇక్కడ కోవిడ్‌ వ్యప్తిని నియంత్రించేందుకు చాలా కాలం లాక్‌డౌన్ పెట్టంది చైనాలోని జి జిన్‌పింగ్ ప్రభుత్వం. దీనితో పాటు, జీరో కోవిడ్ విధానం కారణంగా అక్కడ అనేక ఆంక్షలు విధించబడ్డాయి. దీని కారణంగా నగర పర్యాటకం నష్టపోయింది. ఇప్పుడు ఉచిత ఎయిర్ టికెట్ ఆఫర్.. నగరం ఆర్థిక వ్యవస్థను తిరిగి ట్రాక్‌లోకి తీసుకు వస్తుందనే అనుకుంటోంది అక్కడి టూరిజం శాఖ.

మరిన్ని టూరిజం వార్తల కోసం