బిజీ లైఫ్ వల్ల నిద్ర పట్టని వారు ఎంచుకుంటున్న స్లీప్ టూరిజం.. అంటే ఏమిటి? మన దేశంలో బెస్ట్ ప్లేసెస్ ఎక్కడ ఉన్నాయంటే

ప్రయాణం అంటే అందరికీ ఇష్టమే.. ఎందుకంటే కొత్త ప్రదేశాలను చూడటమే కాదు మానసిక ఒత్తిడిని తగ్గిస్తుంది. కొత్త, అందమైన ప్రదేశానికి వెళ్లే వారి మానసిక ఒత్తిడి అక్కడికి చేరుకోగానే గణనీయంగా తగ్గుతుందని అనేక పరిశోధనలు వెల్లడిస్తున్నాయి. భారతదేశంలో అనేక ఆధునిక ప్రయాణ పద్ధతులు ప్రయత్నిస్తున్నారు. వాటిలో ఒకటి స్లీప్ టూరిజం. దీనిలో మీరు హాయిగా నిద్రపోవాలని సలహా ఇస్తున్నారని.. పేరుని చూస్తేనే ఎవరికైనా స్పష్టంగా తెలుస్తుంది. ఈ స్లీప్ టూరిజం ఎందుకు ప్రత్యేకం.. స్లీప్ టూరిజంను ఆస్వాదించడం ద్వారా మీ మానసిక ఒత్తిడిని తగ్గించుకోవడానికి లేదా తొలగించుకోవడానికి భారతదేశంలో అనేక ప్రదేశాలు ఉన్నాయి. అవి ఏమిటో తెలుసుకుందాం..

స్లీప్ టూరిజం అంటే ఏమిటి?

ఇది ప్రయాణానికి సంబంధించిన కొత్త కార్యకలాపం. దీనిని న్యాప్‌కేషన్స్ లేదా ఎన్ఎపి హాలిడేస్ అని కూడా పిలుస్తారు. ప్రస్తుతం ఉన్న పరిస్థితుల్లో ప్రతి ఒక్కరూ ప్రకృతి మధ్య అందమైన ప్రదేశంలో మంచి నిద్రపోవాలని సూచించడం ట్రెండ్‌లో ఉంది. ఇది మిమ్మల్ని మీరు రీఛార్జ్ చేసుకోవడానికి ఒక మార్గం. దీంతో బిజీ లైఫ్‌కు దూరంగా ప్రశాంతంగా మీ జీవితంలో కొంత సమయాన్ని గడపగలరు. నిజానికి నిద్ర ఒక్కటే ఎవరి మనసుకు అయినా విశ్రాంతినిచ్చి మానసిక ఆరోగ్యాన్ని మెరుగుపరుస్తుంది. ప్రయాణంలో కొత్త ప్రదేశాలను అన్వేషించడమే కాదు మంచి నిద్ర కూడా పొందాలి. అలసటను అధిగమించడానికి ప్రజలు ప్రయాణం చేసిన తర్వాత సెలవు లేదా విశ్రాంతి తీసుకోవడం సర్వ సాధారణం అయితే ఈ స్లీప్ టూరిజం విషయంలో ఇలా జరగదు.

ఈ తరహా టూరిజంలో స్విమ్మింగ్, ట్రెక్కింగ్, పార్లర్ సెషన్, యోగాతో పాటు నిద్రించడానికి కూడా అనుకూలమైన వాతావరణం సృష్టించబడుతుంది. దీని ద్వారా మానసిక, శారీరక ఆరోగ్యం రెండూ మెరుగుపడతాయి. ఈ టూరిజానికి వెళ్లే వారిలో ఎక్కువ మంది బిజీ లైఫ్ వల్ల నిద్ర పట్టలేని వారే.

స్లీప్ టూరిజం పద్ధతి

దీనిలో యోగా, ఆయుర్వేద మసాజ్ , ఇతర పద్ధతుల ద్వారా నిద్రను పొందడంలో సహాయపడతారు. ధ్యానం చేయడం ద్వారా మనస్సు ప్రశాంతంగా ఉంటుంది. మానసికంగా ప్రశాంతంగా నిద్రపోగలుగుతారు. అందువల్ల స్లీప్ టూరిజం పద్ధతిలో పర్యటన ఒత్తిడిని తగ్గిస్తుంది.

భారతదేశంలో స్లీప్ టూరిజం కోసం స్థలాలు:

రిషికేశ్ సందర్శించండి

భారతీయులకు చౌకైన ప్రయాణానికి ఉత్తమ ఎంపిక రిషికేశ్. ఎందుకంటే ఇక్కడ బస చేయడం, తినడం , ప్రయాణించడం ఇతర ప్రదేశాల కంటే చౌకగా ఉంటుంది. ప్రకృతి అందాలతో నిండి ఉన్న రిషికేశ్‌ను భారతదేశ యోగా నగరంగా కూడా పిలుస్తారు. ధ్యానం, యోగా చేయడానికి భారతదేశం నుంచి మాత్రమే కాదు విదేశాల నుండి పర్యాటకులు ఇక్కడకు వస్తారు. ఈ ప్రదేశం స్లీప్ టూరిజానికి ఉత్తమమైనది. ఎందుకంటే ఇక్కడ ప్రకృతి అందాల మధ్య నిద్రించడం వల్ల మనసుకు ప్రశాంతత లభిస్తుంది.

గోవా

భారతదేశంలో వినోదానికి ప్రసిద్ధి చెందిన గోవా స్లీప్ టూరిజంకు కూడా ఉత్తమమైన ప్రదేశం. సముద్రపు ఒడ్డున నెలకొని ఉన్న ఈ ప్రదేశంలోని ప్రకృతి అందాలు ప్రతి ఒకరిని ఆకర్షిస్తాయి. సముద్రపు ఒడ్డున ఇసుకపై నిద్రించడం ద్వారా ప్రకృతిని దగ్గరగా తెలుసుకుంటూ విశ్రాంతి తీసుకోవచ్చు.

దక్షిణ భారతదేశంలోని ప్రదేశాలు

అయితే స్లీప్ టూరిజం కోసం సందర్శించదగిన అనేక ప్రసిద్ధ ప్రదేశాలు దక్షిణ భారతదేశంలో కూడా ఉన్నాయి. కేరళ, తమిళనాడు సహా ఇతర రాష్ట్రాల్లోని కూర్గ్, మైసూర్, మున్నార్ వంటి అనేక ఇతర ప్రాంతాలు పచ్చదనంతో నిండి ఉన్నాయి. పచ్చని పర్వతాల మధ్య మేఘాలు కప్పబడిన ప్రదేశాలలో నడవడం, నిద్రించడం వల్ల ఒత్తిడి నుండి ఉపశమనం పొందవచ్చు. కూర్గ్‌లో అనేక రిసార్ట్‌లు ఉన్నాయి. ఇక్కడ ధ్యానం , ఆయుర్వేద చికిత్స కోసం సౌకర్యాలతో నిండి ఉంటుంది.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..