Weight Lose: తీగ లాంటి నాజుకైన నడుము కావాలా..? అయితే మీరు తప్పక తాగాల్సిన 5 డ్రింక్ ఇవే..
మారిన ఆహారపు అలవాట్లు, జీవనశైలి కారణంగా అనేక మంది ఫిట్‌నెస్ సమస్యలతో బాధపడుతున్నారు. ముఖ్యంగా అధిక బరువు, ఒబేసిటీ వంటి వాటితో ఇబ్బంది పడుతున్నారు. అధిక బరువు చాలా మందిలో ఆత్మవిశ్వాసాన్ని..
Updated on: Apr 03, 2023 | 10:26 AM
ప్రస్తుత కాలంలో మారిన ఆహారపు అలవాట్లు, జీవనశైలి కారణంగా అనేక మంది ఫిట్‌నెస్ సమస్యలతో బాధపడుతున్నారు. ముఖ్యంగా అధిక బరువు, ఒబేసిటీ వంటి వాటితో ఇబ్బంది పడుతున్నారు. అధిక బరువు చాలా మందిలో ఆత్మవిశ్వాసాన్ని దెబ్బ తీసేదిగా ఉంటుంది. అందుకోసమే వారు వర్కౌట్లు, వ్యాయామాలు చేస్తుంటారు. అలా చేయడం బరువు తగ్గడంలో ఎంతగానో ఉపయోగకరంగా ఉంటుంది. అయితే వ్యాయామాలతో పాటు సమతుల్యమైన ఆహారం, కొన్ని రకాల డ్రింక్స్ తాగడం కూడా చాలా అవసరం. ఎందుకంటే బరువు తగ్గే క్రమంలో శరీరానికి పోషకాలు, అలాగే అందుకు ప్రేరేపించే యాంటీ ఆక్సిడెంట్లు వంటివి అవసరం. అవి కనుక మీ శరీరానికి అందినట్లయితే మీరు రెండు లేదా మూడు వారాలలో బరువు తగ్గడంతో పాటు, తీగ లాంటి నాజుకైన నడుమును పొందవచ్చని నిపుణులు చెబుతున్నారు. ఈ క్రమంలో బరువు తగ్గేందుకు తీసుకోవలసిన డ్రింక్స్ ఏమిటో ఇప్పుడు మనం తెలుసుకుందాం..
అధిక బరువుకు చెక్ పెట్టే డ్రింక్ ఇవే..
గ్రీన్ టీ: గ్రీన్ టీలో యాంటీఆక్సిడెంట్లు, కెఫిన్ ఉంటాయి, ఇది మీ జీవక్రియను పెంచడంలో, బరువును తగ్గించడంలో సహాయపడుతుంది.
ప్రొటీన్ షేక్స్: ప్రోటీన్ షేక్స్ తాగడం వల్ల మీరు కడుపు నిండిన అనుభూతిని పొందుతారు. ఇవి మీ ఆకలిని తగ్గించడంలో, అదనపు క్యాలరీలు నియంత్రించడంలో తోడ్పడతాయి.
వెజిటబుల్ జ్యూస్: వెజిటబుల్ జ్యూస్ తాగడం వల్ల మీ డైట్‌లో ఎక్కువ న్యూట్రీషియన్స్ , ఫైబర్‌ని చేర్చినట్లు అవుతుంది. ఇది మీకు ఫుల్ గా అనిపించడంతో పాటు, మీ క్యాలరీలను తగ్గించడంలో సహాయపడుతుంది.
బ్లాక్ కాఫీ: కాఫీలో కెఫీన్ ఉంటుంది, ఇది మీ జీవక్రియను పెంచడంలో, మీ ఆకలిని తగ్గించడంలో సహాయపడుతుంది. అయినప్పటికీ, కాఫీని మితంగా, చక్కెరలు లేదా క్రీమర్‌లు లేకుండా తీసుకోవడం ముఖ్యం.
నీరు: నీరు పుష్కలంగా త్రాగడం వల్ల మీ జీవక్రియను పెంచడంతోపాటు మీ ఆకలిని తగ్గించవచ్చు. తద్వారా బరువు తగ్గడం సులభం అవుతుంది.
నోట్: పైనత తెలిపిన అంశాలు కేవలం ప్రాథమిక సమాచారం కోసం మాత్రమే అందించినది. ఆరోగ్యం విషయంలో నిపుణుల సూచనలు తీసుకోవడం ఉత్తతం.
మరిన్ని లైఫ్‌స్టైల్ ఆర్టికల్స్ కోసం క్లిక్ చేయండి..
