మీ ఇంట్లో నెగటివ్ ఎనర్జీ పోవాలంటే ఇలా చేయండి.. లేదంటే నష్టపోతారు

మీ ఇంట్లో ఎప్పుడూ డబ్బు కొరత లేకుండా ఉండాలని.. శాంతి, శ్రేయస్సు ఉండాలని కోరుకుంటే వాస్తు శాస్త్రం చెప్పిన కొన్ని ముఖ్యమైన నియమాలను పాటించడం చాలా అవసరం. ఇవి సాధారణంగా మన జీవితం మీద మంచి ప్రభావాన్ని చూపుతాయి. ఈ చిట్కాలు పాటిస్తే మన ఇంట్లో సంతోషం, ధనం నిలకడగా ఉంటాయి.

ఇంటి ప్రధాన ద్వారం శుభ్రముగా, అలంకారంగా ఉండాలి. ఆగ్నేయ దిశలో చెప్పుల స్టాండ్ పెట్టకూడదు. ద్వారం దగ్గర పంచముఖి హనుమంతుడి చిత్రం లేదా విగ్రహం పెట్టడం శుభంగా ఉంటుంది. ఇది చెడు శక్తులను తరిమికొడుతుంది. ద్వారం దగ్గర మంచిని ఆకర్షించేలా ఉండాలి.

వంటగది, బాత్రూమ్ ఎప్పుడూ శుభ్రంగా ఉండాలి. ఇవి మురికిగా ఉంటే రాహు, శని చెడు ఫలితాలు ఇస్తాయి. వంటగదిలో సింక్ స్టవ్ ఎదురుగా ఉండకూడదు. ఇలా ఉంచితే విజయం సాధించడంలో ఆటంకం కలుగుతుంది. ప్రతిరోజూ శుభ్రత పాటించడం శుభఫలితాలు ఇస్తుంది.

ఇంట్లో పూజా స్థలాన్ని శుభ్రంగా ఉంచాలి. వంటగది ఎదురుగా పూజా గది ఉండకూడదు. కుటుంబ సభ్యుల ఫొటోలు పూజ స్థలంలో ఉంచకూడదు. చెప్పులు, బూట్లు, సాక్సులు వేసుకుని పూజ గది లోపలికి పోకూడదు. ఇలా చేస్తే పవిత్రత చెడుతుంది. పూజా గది ప్రత్యేకంగా, ప్రశాంతంగా ఉండాలి.

సాయంత్రం తర్వాత ఇంటిని ఊడ్చడం మానుకోవాలి. సాయంత్రం తర్వాత ఇంటిని ఊడిస్తే లక్ష్మీదేవి ఇంటిని విడిచి వెళ్లిపోతుందని నమ్మకం. ఆర్థిక ఇబ్బందులు రావచ్చు. ఇది నెగటివ్ ఎనర్జీకి దారితీస్తుంది. కనుక సాయంత్రం 6 తరువాత ఇంటిని ఊడ్చకూడదు.

ఈ నియమాలు పాటించడం ద్వారా ఇంట్లో సానుకూలత పెరుగుతుంది. కుటుంబంలో సంతోషం, ఆరోగ్యం, ధనం నిలకడగా ఉంటాయి. వాస్తు శాస్త్రం ప్రకారం జీవించాలంటే ఇవి పాటించడం తప్పనిసరి. ఇవి పెద్ద మార్పులు కాదు కానీ ప్రభావం మాత్రం ఎక్కువ. జీవితం సాఫీగా సాగాలంటే ఇలాంటి విషయాలను మనం చిన్నచూపు చూడకూడదు.