తరచూ దొండకాయ తింటున్నారా..? అయితే ఈ విషయాలు తప్పక తెలుసుకోండి..
అంతేకాదు..బరువు తగ్గాలని అనుకునే వారికి దొండకాయ చక్కగా ఉపయోగపడుతుంది. దీంట్లో యాంటీ ఒబెసిటీ లక్షణాలు ఉన్నాయి. జీవక్రియ రేటును పెంచి కొవ్వు కణాలను కరిగిస్తుంది. ఐరన్ లోపంతో బాధ పడేవారు దొండకాయ తినడం వల్ల ప్రయోజనం ఉంటుంది. దీనిలో ఇనుము ఎక్కువగా ఉంటుంది. ఇది అనీమియా సమస్యతో బాధ పడే వారికి చక్కగా పని చేస్తుంది.
Updated on: Jan 28, 2025 | 9:37 PM
సాధారణంగా దొండకాయ అంటే చాలా మంది ఇష్టపడరు.. ఎందుకంటే..దొండకాయ తింటే జ్ఞాపకశక్తి తగ్గుతుందని బలంగా నమ్ముతారు. కానీ, ఇవేవీ నిజం కాదంటున్నారు పోషకాహార నిపుణులు. అంతేకాదు.. దొండకాయ ఆరోగ్య ప్రయోజనాలు తెలిస్తే.. అసలు వదలిపెట్టరని కూడా అంటున్నారు. అంతేకాదు..ఆయుర్వేదంలో కూడా దొండకాయకు ముఖ్యమైన ప్రధానం ఉందంటున్నారు. ఆయుర్వేదంలో మధుమేహానికి ఔషధంగా దొండకాయను ఉపయోగిస్తారు. దీనిలో యాంటీ-అడిపోజెనిక్ ఏజెంట్ రక్తంలో చక్కెర స్థాయిలను కంట్రోల్లో ఉంచుతాయి. దొండకాయలో ఫైబర్, విటమిన్–బి1, బి2, బి3, బి6, బి9, విటమిన్–సి , క్యాల్షియం, మెగ్నీషియం, ఐరన్, ఫాస్ఫరస్, పొటాషియం, సోడియం, జింక్ వంటి పోషకాలు పుష్కలంగా ఉంటాయి.
దొండకాయ, దొండ ఆకులు రక్తంలో చక్కెర స్థాయిలను కంట్రోల్లో ఉంచుతాయి. షుగర్ బాధితులు వారంలో ఒక రోజు దొండ కాయ తిన్నా, దొండ ఆకుల రసం తాగినా మంచిదని నిపుణులు చెబుతున్నారు. దీనిలో డైటరీ ఫైబర్ ఎక్కువగా ఉంటుంది. అలాగే దీనిలో థయామిన్ అనేది ఉంటుంది. ఇది కార్బోహైడ్రేట్లను గ్లూకోజ్గా మారుస్తుంది. దీని వల్ల జీర్ణ క్రియ సజావుగా జరుగుతుంది. అల్సర్లు, గ్యాస్ వంటి సమస్యలను దొండకాయ దూరం చేస్తుంది. దీనిలో సమృద్ధిగా బీటా కెరోటిన్ లభిస్తుంది. అది విటమిన్ ఏగా మారి దృష్టి లోపాలను సరిచేస్తుంది.
దొండకాయ తింటే మతిమరుపు, మందబుద్ధి వస్తాయని అనుకుంటారు. అయితే ఇది నరాల వ్యవస్థను బలోపేతం చేసి అల్జీమర్స్ లాంటి వాటి లక్షణాలను తగ్గిస్తుందని అధ్యయనాల్లో తేలింది. అంతేకాదు..బరువు తగ్గాలని అనుకునే వారికి దొండకాయ చక్కగా ఉపయోగపడుతుంది. దీంట్లో యాంటీ ఒబెసిటీ లక్షణాలు ఉన్నాయి. జీవక్రియ రేటును పెంచి కొవ్వు కణాలను కరిగిస్తుంది. ఐరన్ లోపంతో బాధ పడేవారు దొండకాయ తినడం వల్ల ప్రయోజనం ఉంటుంది. దీనిలో ఇనుము ఎక్కువగా ఉంటుంది. ఇది అనీమియా సమస్యతో బాధ పడే వారికి చక్కగా పని చేస్తుంది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని ట్రెండింగ్ న్యూస్ కోసం క్లిక్ చేయండి..
