Knee Pain: మోకాళ్ల నొప్పుల్ని తక్కువగా అంచనా వేయకండి..! ఈ లక్షణాలు కనిపిస్తే అలర్ట్ అవ్వాల్సిందే..
రోడ్డు ప్రమాదాలు, క్రీడా గాయాలు, జారిపడి పడిపోవడంలో ఎక్కువగా మోకాలికి గాయాలు అవుతుంటాయి. అందువల్ల మోకాలి నొప్పి అనేది ప్రతి ఒక్కరినీ వేధించే ఒక సాధారణ సమస్య. కానీ ఈ నొప్పి బెణుకు వల్ల వస్తుందా? లేదా కీలు తీవ్రంగా దెబ్బతిన్నడం వల్ల వస్తుందా?..
Updated on: Mar 27, 2025 | 1:41 PM
నడకకు అతిపెద్ద మూలాధారం మోకాలి కీలు. అందువల్ల ఈ కీలు చాలా సందర్భాలలో దెబ్బతింటుంది. రోడ్డు ప్రమాదాలు, క్రీడా గాయాలు, జారిపడి పడిపోవడంలో ఎక్కువగా మోకాలికి గాయాలు అవుతుంటాయి. అందువల్ల మోకాలి నొప్పి అనేది ప్రతి ఒక్కరినీ వేధించే ఒక సాధారణ సమస్య. కానీ ఈ నొప్పి బెణుకు వల్ల వస్తుందా? లేదా కీలు తీవ్రంగా దెబ్బతిన్నడం వల్ల వస్తుందా? లేకపోతే దీర్ఘకాలిక సమస్యల వల్ల వస్తుందా? అనే విషయంలో స్పష్టత చాలా అవసరం.
మోకాలి కదలిక సరళంగా అనిపించినప్పటికీ, వాస్తవానికి ఇది సంక్లిష్టమైన కదలిక. మోకాలిచిప్ప సహజ కదలిక ఎక్కువసేపు నిలబడటానికి, వివిధ కార్యకలాపాలలో పాల్గొనడానికి సహాయపడుతుంది. ఎముక, కండరాలు, స్నాయువు నిర్మాణాల నుంచి కాలు స్వేచ్ఛగా కదలడం వరకు ఎన్నో రకాలుగా సహాయపడుతుంది. కానీ మోకాలి గాయం అయినప్పుడు అది ఎలాంటి సమస్య అని నిర్ధారించడంలో ఒక్కోసారి గందరగోళం ఏర్పడుతుంది. మొకాలి నొప్పి వల్ల నడకకు తీవ్ర ఆటంకం ఏర్పడుతుంది. చిన్న బెణుకులు అని భావించి నిర్లక్ష్యం చేస్తే కొన్ని తీవ్రమైన సమస్యలకు దారి తీస్తుంది. చాలా మంది ‘మోకాలి కట్టు’ ధరించి స్వీయ వైద్యం చేసుకుంటారు. కానీ నొప్పి భరించలేనంతగా పెరిగితే తీవ్రమైన దశకు చేరుతుంది. ఇలాంటి సందర్భంలో, మోకాలి నొప్పిలో కొన్ని ముక్య లక్షణాలు కనిపిస్తాయి. అవేంటో ఇక్కడ తెలుసుకుందాం..
- ప్రమాదం జరిగిన తర్వాత కాలు వంకరగా కనిపించడం లేదా తీవ్రమైన నొప్పి, పెద్ద గాయంతో రక్తస్రావం ఇది ఎముక విరుపు కావచ్చు. ఆ వ్యక్తిని సున్నితంగా ఎత్తి చికిత్స కోసం ఆసుపత్రికి తీసుకెళ్లడం చాలా ముఖ్యం.
- ప్రమాదం జరిగిన తర్వాత వ్యక్తి మోకాలిని వంచి నిటారుగా చేయగలిగితే, కాలును నిటారుగా పైకి ఎత్తడంలో ఎటువంటి సమస్య లేకపోతే అది ఎముక విరిగినట్లు కాదు. బదులుగా వాపు ఉంటే, వాపును తగ్గించడానికి ఐస్ ప్యాక్‌ను అప్లై చేయవచ్చు. నెమ్మదిగా కొంత నడవడం ప్రాక్టీస్‌ చేస్తే నయం అవుతుంది.
- మోకాలు వంచినప్పుడు వాపు గమనించినట్లయితే, నడిచినప్పుడు వాపు పెరుగుతుంటే అది మోకాలి లోపల చిన్న పగులు లేదా స్నాయువు గాయం కావచ్చు. వెంటనే కాకపోయినా కాస్త నిదానంగానైనా డాక్టర్‌ పరీక్ష అవసరం.
- గాయం, వాపు, రక్తస్రావం లేదా నడవడానికి ఇబ్బంది లేకుండా నొప్పి మాత్రమే ఉంటే, ఇంట్లోనే ఉండి నొప్పి నివారిణిని పూయవచ్చు. కానీ నొప్పి 2-3 రోజుల తర్వాత కూడా కొనసాగితే, వైద్యుడిని సంప్రదించడం బెటర్.
- మూడు వారాల తర్వాత కూడా వాపు, పదునైన నొప్పి కొనసాగితే, దానిని విస్మరించడం మంచిది కాదు.
శస్త్రచికిత్స చేయించుకోవాల్సి వస్తుందనే భయంతో చాలా మంది వైద్యులకు దూరంగా ఉంటారు. కానీ సమస్యను విస్మరించడం వల్ల అది మరింత తీవ్రమవుతుంది. నిపుణులు సిఫార్సు చేసిన శస్త్రచికిత్సలు మీకు త్వరగా నయం కావడానికి సహాయపడతాయి. దీర్ఘకాలిక ఉపశమనాన్ని అందిస్తుంది. అథ్లెట్లు సమస్యలను అధిగమించి క్రీడల్లోకి తిరిగి రావడానికి సహాయపడుతుంది.
మరిన్ని ఆరోగ్య వార్తల కోసం క్లిక్‌ చేయండి.
