Health Tips: కివి vs జామ vs బొప్పాయి: కడుపు సమస్యలకు చెక్ పెట్టేందుకు ఏది మంచిది?

ఆకుపచ్చ కూరగాయలతో పాటు, జామ, నారింజ, బొప్పాయి, కివి వంటి అనేక రకాల పండ్లు శీతాకాలంలో మార్కెట్లోకి వస్తాయి. ఇవి మన ఆరోగ్యానికి అనేక విధాలుగా ప్రయోజనాలను అందిస్తాయి. అయితే బొప్పాయి, జామ, కివి వంటి పండ్లు జీర్ణక్రియకు ఉపయోగపడతాయని చాలా మంది చెబుతుంటారు. కానీ వీటిని తిన్న తర్వాత అవి వేర్వేరు విధులను నిర్వహిస్తాయి. కొన్ని ప్రోటీన్‌ను జీర్ణం చేయడంలో సహాయపడితే, మరికొన్ని ప్రేగు పనితీరును మెరుగుపరుస్తాయి. మరికొన్ని పేగు బాక్టీరియాకు మద్దతు ఇవ్వడం ద్వారా మంటను తగ్గించడంలో సహాయపడతాయి.అయితే ఈ మూడు పండ్లలో ఏది జీర్ణక్రియకు ఎక్కువ ప్రయోజనకరంగా ఉంటుంది. ఒక నిర్దిష్ట కడుపు సమస్యకు కివి, జామ, బొప్పాయిలో ఏది మంచిదో చూద్దాం.

కివి vs బొప్పాయి vs జామ కడుపు సమస్యలకు ఏది బెస్ట్

కివి: ప్రేగు సమస్యలను తగ్గించడంలో కివి పండ్లు అద్భుతంగా పనిచేస్తాయి. కివి పండ్లలో కరిగే, కరగని ఫైబర్ రెండూ పుష్కలంగా ఉంటాయి, ఇవి ప్రేగు కదలికలకు ప్రయోజనకరంగా ఉంటాయి. వాటిలో యాక్టినిడిన్ అనే ఎంజైమ్ కూడా ఉంటుంది, ఇది ప్రోటీన్లను విచ్ఛిన్నం చేయడంలో సహాయపడుతుంది, జీర్ణ ప్రక్రియను సులభతరం చేస్తుంది. కివి పండ్లను క్రమం తప్పకుండా తీసుకోవడం వల్ల ప్రేగు కదలికలు క్రమంగా మెరుగుపడతాయని, ఉబ్బరం తగ్గుతుందని అనేక అధ్యయనాలు చూపించాయి.

బొప్పాయి: బొప్పాయి కడుపులో భారాన్ని తగ్గించడానికి ఉత్తమమైన పండు, ఎందుకంటే ఇందలో జీర్ణక్రియను మెరుగుపరిచే ఎంజైమ్‌లు ఉంటాయి. బొప్పాయిలో పపైన్ అనే ఎంజైమ్ ఉంటుంది, ఇది ప్రోటీన్‌ను జీర్ణం చేయడానికి సహాయపడుతుంది. అందువల్ల, అజీర్ణం, ఆమ్లత్వం లేదా ఉబ్బరంతో బాధపడేవారు ఖచ్చితంగా వారి ఆహారంలో బొప్పాయిని చేర్చుకోవాలి. బొప్పాయి పేగులను నయం చేయడంలో కూడా సహాయపడుతుంది . అలాగే కడుపును తేలికగా చేస్తుంది, ఇది అన్ని జీర్ణ సమస్యలకు మంచిది.

జామ: పేగులను శుభ్రపరిచే విషయానికి వస్తే, ఫైబర్ అధికంగా ఉండే జామపండు కూడా మంచి ఎంపిక అనే చెప్పవచ్చు.  ఇందులో ఉండే ఫైబర్ సాధారణ ప్రేగు కదలికలను ప్రోత్సహించడానికి సహాయపడుతుంది. ఇది గట్ బాక్టీరియాను కూడా పెంచుతుంది. అలాగే మలబద్ధకాన్ని నివారించడంలో సహాయపడుతుంది. అయితే, సున్నితమైన జీర్ణక్రియ ఉన్నవారికి జామ గింజలు కొన్నిసార్లు సమస్యగా మారవచ్చు. .

సాధారణ జీర్ణ సమస్యలకు ఏ పండు మంచిది?

మీరు మలబద్ధకంతో బాధపడుతుంటే, కివి, జామపండ్లు అద్భుతమైన ఎంపికలు. ఎందుకంటే వాటిలో ఫైబర్ అధికంగా ఉంటుంది. బొప్పాయిలో సహజ ఎంజైమ్‌లు ఉంటాయి కాబట్టి తిన్న తర్వాత అజీర్ణం లేదా ఉబ్బరం కోసం ఇది ఉత్తమమైనది. సున్నితమైన కడుపు ఉన్నవారికి లేదా అనారోగ్యం నుండి కోలుకుంటున్న వారికి, బొప్పాయి జీర్ణం కావడానికి సులభం కావచ్చు.

దీన్ని మీ ఆహారంలో చేర్చుకోవడానికి సరైన మార్గం

• ఈ మూడు పండ్లను మీ ఆహారంలో చేర్చుకోవాలి, కానీ వీలైనంత తాజాగా తినండి,
• భోజనం ఎక్కుగా తీసుకున్నప్పుడు  వీటికి దూర్పాడి ఉండండి.
• కివిని ఉదయం , సాయంత్రం స్నాక్‌గా తినడం మంచిది.
• భోజనం తర్వాత బొప్పాయి తినడం శరీరానికి మంచిది.
• జామపండు పగటిపూట తినడం మంచిది.

మరన్ని లైఫ్‌స్టైల్ వార్తల కోసం ఇక్కడ క్లిక్ చేయండి.