Lifestyle: టీ తాగితే బరువు పెరుగుతారా.? నిపుణులు ఏం చెబుతున్నారంటే..

భారతీయులను, టీని వేరు చేసి చూడలేం. అంతలా మన కల్చర్‌లో టీ ఒక భాగమైపోయింది. ఉదయం లేవగానే టీ తాగకుండా ఉండలేని వారు మనలో చాలా మందే ఉంటారు. టీ తాగకపోతే రోజు గడవని పరిస్థితి. ఒక్కపూట టీ తాగకపోతే ఏదో కోల్పోయిన భావనలో ఉంటారు. అయితే టీ తాగడం వల్ల లాభాలు ఉన్నాయడంలో ఎంత వరకు నిజం ఉందో, అధికంగా తాగితే నష్టాలు అంతే ఉంటాయని చెప్పడంలో ఎలాంటి సందేహం లేదు.

రోజులో మోతాదుకు మించి టీ తాగితే దుష్ప్రభావాలు తప్పవని నిపుణులు చెబుతున్నారు. రోజుకు రెండు నుంచి మూడు గ్లాసుల టీ తీసుకుంటే పెద్దగా ఏం జరగదు కానీ అంతకిమించి టీ తీసుకుంటే మాత్రం తీవ్ర ఇబ్బందులు ఎదుర్కోక తప్పదని హెచ్చరిస్తున్నారు. ఇంతకీ అధికంగా టీ తీసుకుంటే ఎలాంటి నష్టాలు కలుగుతాయి.? ఈ విషయమై పోషకాహార నిపుణులు ఏం అంటున్నారో ఇప్పుడు తెలుసుకుందాం..

బరువు తగ్గాలనుకునే వారిని టీకి దూరంగా ఉండాలని నిపుణులు చెబుతుంటారు. ఇంతీ టీ తాగడం వల్ల నిజంగానే బరువు పెరుతామా.? అంటే అవుననే చెబుతున్నారు పోషకాహార నిపుణులు. ఓన్లీ మై హెల్త్‌లో ప్రచురితమైన వివరాల ప్రకారం.. టీ ఎక్కువగా తీసుకోవడం వల్ల బరువు పెరుగుతారని చెబుతున్నారు. ప్రస్తుతం మార్కెట్లో లభించే పాలలో తక్కువ కొవ్వు పాలు, టోన్డ్ మిల్క్, పాశ్చరైజ్డ్ పాలు వంటి అందుబాటలో ఉన్నాయి.

అలాగే టీ తయారీకి ఉపయోగించే శుద్ధి చేసిన చక్కెరలో కూడా క్యాలరీలు ఎక్కువగా ఉంటాయి. వీటివల్ల శరీరం బరువు పెరిగే అవకాశం ఉందని చెబుతున్నారు. అలాగే పాలలో ఉండే కొవ్వు కారణంగా కూడా బరువు పెరుగుతారని హెచ్చరిస్తున్నారు. కాబట్టి టీని అతిగా తీసుకుంటే ఆరోగ్యానికి మంచిది కాదని నిపుణులు చెబుతున్నారు. రోజుకు మూడు కప్పుల కంటే ఎక్కువ టీ తాగితే కచ్చితంగా బరువు పెరుగుతారని హెచ్చరిస్తున్నారు.

మరిన్ని లైఫ్ స్టైల్ వార్తల కోసం క్లిక్ చేయండి…