Mushroom Soup: టేస్టీ అండ్ హెల్దీ మష్రూమ్ సూప్.. ఈజీగా చేసేయండిలా..

మష్రూమ్ కూడా ఆరోగ్యానికి చాలా మంచిది. ఇందులో అనేక పోషకాలు లభిస్తాయి. మష్రూమ్స్ తినడం వల్ల బీపీ, షుగర్ వ్యాధులు కంట్రోల్ అవుతాయి. మష్రూమ్స్‌తో చాలా రకాల వంటలు తయారు చేసుకోవచ్చు. ఇవి చాలా రుచిగా ఉంటాయి. మష్రూమ్ తినడం కూడా ఆరోగ్యానికి కూడా చాలా మంచిది. మష్రూమ్‌తో సూప్ కూడా తయారు చేసుకోవచ్చు. చలి కాలంలో సూప్స్ తాగడం ఆరోగ్యానికి చాలా మంచిది. మష్రూమ్స్‌లో ప్రోటీన్, విటమిన్లు, ఖనిజాలు పుష్కలంగా ఉంటాయి. ఇవి శరీరంలో రోగ నిరోధక శక్తిని పెంచుతాయి. క్యాన్సర్‌ను కూడా కంట్రోల్ చేసే గుణాలు ఇందులో ఉన్నాయి. మరి ఈ మష్రూమ్ సూప్ ఎలా తయారు చేస్తారు? ఈ సూప్ తయారీకి కావాల్సిన పదార్థాలు ఏంటో ఇప్పుడు చూద్దాం.

మష్రూమ్ సూప్ తయారీకి కావాల్సిన పదార్థాలు:

చిన్న ముక్కలుగా కట్ చేసిన మష్రూమ్స్, ఉల్లిపాయలు, వెల్లుల్లి, క్యారెట్, మిరియాల పొడి, కొత్తిమీర, ఉప్పు, క్రీమ్, కార్న్ ఫ్లోర్, బటర్.

మష్రూమ్ సూప్ తయారీ విధానం:

మష్రూమ్ సూప్ తయారు చేయడం చాలా ఈజీ. ఇది చేయడానికి పెద్దగా కష్ట పడాల్సిన పని లేదు. ముందుగా ఒక సాస్ పాన్ తీసుకుని అందులో కొద్దిగా బటర్ వేసి అందులో ఉల్లి ముక్కలు, వెల్లుల్లి ముక్కలు వేసి బాగా వేయించుకోవాలి. ఇవి వేగిన తర్వాత మష్రూమ్స్, క్యారెట్ ముక్కలు కూడా వేసి ఫ్రై చేయాలి. ఆ తర్వాత మిరియాల పొడి, ఉప్పు వేసి కలపండి. ఇవి బాగా వేగాక.. నీళ్లు వేయాలి. నీళ్లు వేసిన ఓ పది నిమిషాలు బాగా మరిగికా కార్న్ ఫ్లోర్ వేసి ఉండలు లేకుండా కలపాలి. ఇప్పుడు చిన్న మంట మీద ఓ పది నిమిషాలు అయినా ఉడికించాలి. సూప్ చిక్క పడ్డాక స్టవ్ ఆఫ్ చేసి కొత్తిమీర, క్రీమ్ వేసి బాగా మిక్స్ చేయాలి. అంతే ఎంతో రుచిగా ఉండే మష్రూమ్ సూప్ సిద్ధం. ఈ సూప్ ఆరోగ్యానికి చాలా మంచిది. ఇలా ఇంట్లోనే చాలా ఈజీగా తయారు చేసుకోవచ్చు. ఇంకెందుకు లేట్ మీరు కూడా ఓ సారి ట్రై చేయండి.