Watermelon Side Effects: పుచ్చకాయతో కలిపి వీటిని తిన్నారో? ఇక అంతే.. ఎక్కడా లేని సమస్యలన్నీ మీకే
జీర్ణక్రియను మెరుగుపర్చుకోవడానికి, రోగ నిరోధక శక్తిని పెంపొందించుకోవడానికి చర్మ సంరక్షణ కోసం వంటి వివిధ ప్రయోజనాల కోసం పుచ్చకాయను అందరూ ఇష్టపడతారు. చాలా మందిని వైద్య నిపుణులు సైతం వేసవిలో పుచ్చకాయను తినాలని సూచిస్తూ ఉంటారు.
Updated on: Apr 28, 2023 | 5:30 PM
వేసవి వచ్చిందంటే చాలు పుచ్చకాయల సీజన్ ప్రారంభం అవుతుంది. పుచ్చకాయలు వాటి జ్యుసి, రుచి, అపారమైన ఆరోగ్య ప్రయోజనాల వల్ల ప్రతి ఒక్కరూ వాటిని ఇష్టపడతారు. ముఖ్యంగా బరువు తగ్గడంలో పుచ్చకాయలు సాయం చేస్తాయి. జీర్ణక్రియను మెరుగుపర్చుకోవడానికి, రోగ నిరోధక శక్తిని పెంపొందించుకోవడానికి చర్మ సంరక్షణ కోసం వంటి వివిధ ప్రయోజనాల కోసం పుచ్చకాయను అందరూ ఇష్టపడతారు. చాలా మందిని వైద్య నిపుణులు సైతం వేసవిలో పుచ్చకాయను తినాలని సూచిస్తూ ఉంటారు. ఎందుకంటే శరీరాన్ని డీహైడ్రేట్ అవ్వనివ్వకుండా పుచ్చకాయ చాలా సాయం చేస్తుంది. పుచర్చకాయను తింటే శరీరానికి అవసరమయ్యే విటమిన్లు ఏ,సీ, బీ6, అలాగే పొటాషియం, మెగ్నీషియం, ఐరన్, ఫాస్పరస్, ఫోలేట్, కాల్షియం వంటి ఖనిజాలు అందుతాయి. పుచ్చకాయ తినడం వల్ల ఎన్ని ఆరోగ్య ప్రయోజనాలు ఉన్నా వాటిని కొన్ని ఆహారపదార్థాలతో కలిపి తీసుకుంటే శరీరానికి చాలా కీడు చేస్తాయని పోషకాహార నిపుణులు చెబుతున్నారు. పుచ్చకాయతో వేటిని తినకూడదో ఓ సారి తెలుసుకుందాం.
పాలు
ఆయుర్వేద వైద్య నిపుణులు చెబుతున్న ప్రకారం పుచ్చకాయను ఎట్టి పరిస్థితుల్లో పాలతో కలిపి తీసుకోకూడదు. పాలలో కొవ్వు, విటమిన్ డి, ప్రొటీన్లు పుష్కలంగా ఉంటాయి. అలాగే పాలలో ఉండే ప్రొటీన్ను ఆమ్ల పండ్లతో కలపడం వల్ల జీర్ణ సమస్యలు వస్తాయి. ఈ రెండింటిని కలిపి తింటే లూజ్ మోషన్స్ గ్యాస్, గ్యాస్ట్రిక్ నొప్పులు మొదలైన సమస్యలు వచ్చే అవకాశం ఉందని వైద్యులు చెబుతున్నారు. పుచ్చకాయ హైడ్రేటింగ్ అయినప్పటికీ వీటి కలయిక తీవ్రమైన ఉబ్బరం, నీరు నిలుపుదలకి కారణమవుతుంది.
ప్రోటీన్ అధికంగా ఉండే ఆహారాలు
పుచ్చకాయ తిన్న తర్వాత ప్రొటీన్లు అధికంగా ఉండే ఆహారాన్ని తీసుకోవడం చాలా హానికరం. పుచ్చకాయలు కొన్ని పిండి పదార్ధాలతో పాటు విటమిన్లు, ఖనిజాలతో నిండి ఉంటాయి. అందువల్ల చిక్పీస్, బీన్స్, పనీర్ మొదలైన ప్రోటీన్-రిచ్ ఫుడ్స్ తీసుకోవడం వల్ల జీర్ణ ఎంజైమ్లు దెబ్బతింటాయి. ఇది మీ కడుపుకు హానికరం. వైద్యుల సూచనల ప్రకారం మీరు మీ గిన్నె పుచ్చకాయలను తింటే కనీసం 30 నిమిషాల వరకు మీరు ఏమీ తినకూడదు.
గుడ్డు
గుడ్లు, పుచ్చకాయలు రెండూ ఫైబర్తో నిండి ఉన్నప్పటికీ, వాటిని కలిపి తినడం వల్ల కడుపు నొప్పి వచ్చే అవకాశం ఉంది. ప్రోటీన్తో పాటు, గుడ్లలో ఒమేగా -3 వంటి కొవ్వు ఆమ్లాలు ఉంటాయి. అయితే పుచ్చకాయలో నీరు అధికంగా ఉంటుంది. అలాంటి పరిస్థితిలో ఈ రెండూ కలిసి ఒకదానికొకటి జీర్ణం కాకుండా నిరోధిస్తాయి. అలాగే మలబద్ధకంతో పాటు కడుపులో తీవ్రమైన ఉబ్బరాన్ని కలిగిస్తాయి.
నీరు
ఆయుర్వేద వైద్యులు పుచ్చకాయ తాగిన తర్వాత నీరు తాగకూడదని సూచిస్తున్నారు, ఎందుకంటే ఇది మీ జీర్ణశయాంతర పేగులను ప్రభావితం చేస్తుంది. సూక్ష్మజీవులు లేదా బ్యాక్టీరియా అభివృద్ధి చెందడానికి, విస్తరించడానికి నీరు, చక్కెర అవసరం. కాబట్టి మీరు పుచ్చకాయ తర్వాత నీటిని తాగితే సూక్ష్మజీవులు వ్యాపించే అవకాశాలను పెంచుతుంది. దీంతో సాధారణ జీర్ణ ప్రక్రియకు అంతరాయం కలుగుతుంది. ముఖ్యంగా మహిళల్లో రుతుచక్రాల సమతుల్యతను కూడా దెబ్బతింటుంది. అలాగే పుచ్చకాయ తిన్న తర్వాత నీరు తాగితే ఎసిడిటీ వస్తుందని నిపుణులు సూచిస్తున్నారు.
మరిన్ని లైఫ్స్టైల్ వార్తల కోసం ఈ లింక్పై క్లిక్ చేయండి..
