Hair Care Tips: జుట్టు ఊడిపోతుందా.. ఒత్తుగా అందంగా పెరగాలంటే కలబంద మాస్క్ ట్రై చేయండి..
జుట్టు పొడవుగా ఒత్తుగా అందంగా ఉండాలని ప్రతి ఒక్కరూ కోరుకుంటారు. వాతావరణంలో మార్పులు, జీవన శైలిలో మార్పుల వల్ల జుట్టు ఊడిపోవడం చివరలు చిట్లి పోవడం జరుగుతుంది. జుట్టు సమస్య ప్రస్తుతం ప్రతి ఒక్కరినీ వేధిస్తోంది. ఇలా డ్యామేజ్ అయిన జుట్టుకు కొత్త అందాన్ని తీసుకుని రావాలంటే కలబంద బెస్ట్ మెడిసిన్. ఈ రోజు కలబంద తో జుట్టుకు రిపేర్ ఏ విధంగా చేసుకోవచ్చో తెలుసుకుందాం..
జుట్టు పొడవుగా, ఒత్తుగా ఉండటమే కాకుండా ఆరోగ్యంగా ఉండాలని ప్రతి ఒక్కరూ కోరుకుంటారు. దీని కోసం కెరాటిన్ చికిత్స కూడా తీసుకుంటున్నారు. ఇప్పుడు బోటాక్స్ చికిత్సను అనుసరిస్తున్నారు. అయితే ఇటువంటి చికిత్సలు తీసుకోవడం వలన జుట్టు రాలడం ఆగిపోవడం అనేది కొన్ని రోజులు మాత్రమే ఉంటుంది. దీని తర్వాత జుట్టు మరింత అధ్వాన్నంగా కనిపించడం ప్రారంభమవుతుంది. ఎందుకంటే ఇటువంటి చికిత్స ఇచ్చే సమయంలో జుట్టుకు అనేక రకాల రసాయనాలు అప్లై చేస్తారు. ఈ కారణంగా జుట్టు మరింత దారుణంగా ఊడిపోతుంది. డ్యామేజ్ అయిన జుట్టును సహజంగా రిపేర్ చేయడంలో.. జుట్టు చివర చిట్లిపొతే మృదువుగా చేయడంలో కలబంద చాలా ప్రభావవంతంగా పని చేస్తుంది. వాస్తవానికి హైడ్రేటింగ్ లక్షణాలు ఇందులో ఉన్నాయి. అలోవెరాను వారానికి ఒకసారి కొన్ని వస్తువులను అప్లై చేయడం ద్వారా మంచి ఫలితాలను పొందవచ్చు.
1 / 5
దుమ్ము, ధూళి, సూర్యరశ్మికి ఎక్కువగా గురికావడం వంటి అనేక కారణాల వలన జుట్టు ఊడిపోతుంది. తగినంత ప్రొటీన్ లేకపోయినా జుట్టు చిట్లడం ప్రారంభమవుతుంది. శీతాకాలంలో ఈ సమస్య మరింత పెరుగుతుంది. ఎందుకంటే ప్రజలు తమ జుట్టును వేడి నీటితో శుభ్రం చేసుకుంటారు. అయితే ఇటువంటి సమస్యకు చక్కటి నివారణ కలబంద. దీనితో కొన్ని రకాల పదార్థాలు కలిపి రాస్తే జుట్టు.. మృదువుగా అవుతుంది.
2 / 5
గుడ్డు- అలోవెరా: చిట్లిన జుట్టుకు గుడ్డులో కలబంద జెల్‌ను కలిపి అప్లై చేయవచ్చు. కలబంద జుట్టును హైడ్రేట్ చేస్తుంది. మృదువుగా చేస్తుంది. అదే విధంగా గుడ్డులో ప్రోటీన్ అధికంగా ఉంటుంది. కనుక ఇది జుట్టుకు మెరుపును తీసుకురావడానికి, చిట్లిన జుట్టును సరిచేయడంలో సహాయపడుతుంది. గుడ్డు, కలబంద హెయిర్ మాస్క్‌ని ప్రతి వారం అప్లై చేయడం వల్ల జుట్టు సహజంగా మెరుస్తుంది. అంతేకాదు జుట్టు చిట్లడం, రాలడం కూడా తగ్గుతుంది.
3 / 5
అలోవెరా- పెరుగు: డ్యామేజ్ అయిన జుట్టును రిపేర్ చేయడానికి, అందంగా మెరిసేలా చేయడానికి పెరుగు, కలబందతో కూడిన హెయిర్ మాస్క్ మంచి ఎంపిక. ముందుగా పెరుగును బాగా కలిపి.. అందులో అలోవెరా జెల్ కలపాలి. చుండ్రు ఉన్న వారికి ఈ హెయిర్ మాస్క్ చాలా మేలు చేస్తుంది.
4 / 5
అలోవెరా- మెంతులు: జుట్టును మృదువుగా.. మెరిసేలా చేయడం మాత్రమే కాదు జుట్టు రాలడాన్ని నివారించడం, చుండ్రు నుంచి విముక్తి వరకు మెంతులు, అలోవెరా జెల్ మాస్క్ గొప్ప ప్రభావాన్ని చూపుతుంది. గుడ్ల వాసన నచ్చకపోతే మెంతి గింజలను నానబెట్టి గ్రైండ్ చేసి అందులో అలోవెరా జెల్ కలపాలి. ఈ రెండు వస్తువుల కలయిక కొన్ని రోజుల్లో మంచి ఫలితాలను ఇస్తుంది.
