Egg Bread Toast: ఎగ్ బ్రెడ్ టోస్ట్ ఇలా చేయండి.. ఒకదాని తర్వాత మరొకటి లాగించేస్తారు!

బ్రేక్ ఫాస్ట్ అనగానే చాలా మందికి గుర్తొచ్చేవి దోశలు, ఇడ్లీలు, ఉప్మా. ఎప్పుడూ అవే తిని బోర్ కొడుతూ ఉంటాయి. అందులోనూ ఇంట్లో పిల్లలు ఉన్నారంటే.. వెరైటీగా, టేస్టీగా కావాలి అని అంటారు. ఇప్పటికే బ్రేక్‌ ఫాస్ట్‌లో ఎన్నో వెరైటీ రెసిపీలు తెలుసుకున్నాం. ఇప్పుడు మరో కొత్త రెసిపీతో మీ ముందుకు వచ్చేశాం. అదే ఎగ్ బ్రెడ్ టోస్ట్. కొంత మందికి ఈ రెసిపీ తెలుసు. కానీ ఇది తయారు చేసే విధానం మాత్రం కాస్త కొత్తగా ఉంటుంది. పిల్లలకు, పెద్దలకు ఇది ఖచ్చితంగా నచ్చడం ఖాయం. పదే పది నిమిషాల్లో రెసిపీ కూడా తయారైపోతుంది. మరి ఎగ్ బ్రెడ్ టోస్ట్ ఎలా తయారు చేస్తారు? దీనికి కావాల్సిన పదార్థాలు ఏంటో ఇప్పుడు తెలుసుకుందాం.

ఎగ్ బ్రెడ్ టోస్ట్‌కి కావాల్సిన పదార్థాలు:

ఎగ్స్, బ్రెడ్, బటర్ లేదా ఆయిల్, కారం, పసుపు, అల్లం వెల్లుల్లి పేస్ట్, ఉల్లిపాయ, పచ్చి మిర్చి, ఉప్పు, టమాటాలు, కొత్తి మీర, మిరియాల పొడి.

ఎగ్ బ్రెడ్ టోస్ట్‌ రెసిపీ తయారీ విధానం:

ముందు ఒక పెద్ద గిన్నె తీసుకోవాలి. అందులో గుడ్లను పగటకొట్టి వేయాలి. ఇప్పుడు ఎగ్స్‌ని బాగా బీట్ చేసి.. అందులో కారం, పసుపు, అల్లం వెల్లుల్లి పేస్ట్, ఉప్పు వేసి బాగా కలపాలి. ఆ తర్వాత సన్నగా కట్ చేసిన ఉల్లిపాయలు, టమాటాలు, పచ్చి మర్చి, కొత్తి మీర తరుగు, కారం వేసి కలపాలి. ఇప్పుడు స్టవ్ మీద పాన్ పెట్టుకోవాలి. బటర్ లేదా ఆయిల్ వేసుకోవాలి. ఇప్పుడు ఒక బ్రెడ్ స్లైస్ తీసుకుని ఎగ్ మిశ్రమంలో ఓ నిమిషం పాటు ఉంచి.. తీసి పెనం మీద ఉంచాలి.

ఇవి కూడా చదవండి

రోజుకు నాలుగు గంటలకుపైనే ఫోన్ వాడుతున్నారా.. ప్రాణానికే ప్రమాదం!

బ్రేక్ ఫాస్ట్ గా అన్నం తినవచ్చా.. తింటే ఏం జరుగుతుంది?

ప్రతిరోజూ ఉదయం ఈ టీ తాగితే డయాబెటీస్ రాకుండా అడ్డుకోవచ్చు!

ఎర్ర జామ పండు తింటున్నారా.. అయితే ఈ విషయాలు మీ కోసమే!

ఆ తర్వాత దీన్ని రెండు వైపులా ఎర్రగా కాల్చుకోవాలి. అంతే ఎంతో టేస్టీ అండ్ హెల్దీ బ్రేక్ ఫాస్ట్ ఎగ్ బ్రెడ్ టోస్ట్ సిద్ధం. బ్రెడ్ మైదాతో చేసింది కాకుండా.. బ్రౌన్ బ్రెడ్ లేదా మల్టీ విటమిన్ బ్రెడ్ తీసుకుంటే ఆరోగ్యానికి కూడా చాలా మంచిది. ఇంకెందుకు లేట్ మీరు కూడా ఓ సారి ఈ రెసిపీ తయారు చేయండి. ఎంతో టేస్టీగా ఉంటుంది.