Bommidala Pulusu: టేస్టీ టేస్టీ బొమ్మిడాయిల పులుసు.. ఇలా చేశారంటే అదుర్స్!

Bommidala Pulusu

చేపల్లో చాలా రకాలు ఉంటాయి. వాటిల్లో బొమ్మిడాయిలు కూడా ఒకటి. బొమ్మిడాయిలు అంటే గ్రామాల్లో ఉండే వారికి బాగా తెలుసు. ఈ చేపలు చిన్నగా ఉంటాయి. వీటిని ఫ్రై, ఇగురు, పులుసు ఇలా మూడు రకాలుగా చేసుకోవచ్చు. ఎలా చేసుకుని తిన్నా చాలా రుచిగా ఉంటాయి. ఇందులో చిన్న ముల్లులు ఉంటాయి.. ఈజీగా తినేయవచ్చు. వీటితో చేసిన పులుసు బాగా రుచిగా ఉంటుంది. బొమ్మిడాయిలు తినడం ఆరోగ్యానికి మంచిది. మరి ఈ బొమ్మిడాయిలతో పులుసు ఎలా తయారు చేస్తారు? ఈ రెసిపీకి కావాల్సిన పదార్థాలు ఏంటో ఇప్పుడు చూద్దాం.

బొమ్మిడాయిల పులుసుకి కావాల్సిన పదార్థాలు:

బొమ్మిడాయిలు, ఉల్లిపాయలు, పచ్చిమిర్చి, టమాటాలు, కారం, అల్లం వెల్లుల్లి పేస్ట్, ఉఫ్పు, పసుపు, చింత పండు, గరం మసాలా, ధనియాల పొడి, కొత్తిమీర, కరివేపాకు, ఆయిల్.

బొమ్మిడాయిల పులుసు తయారీ విధానం:

ముందుగా చేప ముక్కల్ని ఉప్పు, పసుపు వేసి శుభ్రంగా కడిగి పక్కన పెట్టుకోవాలి. చింత పండులో నీళ్లు వేసి నానబెట్టాలి. ఆ తర్వాత కర్రీ చేసే పాన్ తీసుకుని అందులో ఆయిల్ వేసి వేడి చేయాలి. ముందుగా కొద్దిగా జీలకర్ర, ఆవాలు, కరివేపాకు వేసి వేయించాక.. నెక్ట్స్ ఉల్లిపాయ ముక్కలు, పచ్చి మిర్చి వేసి ఫ్రై చేయాలి. ఇవి కాస్త వేగాక అల్లం వెల్లుల్లి పేస్ట్ వేసి పచ్చి వాసన పోయేంత వరకు వేయించాలి. ఆ తర్వాత టమాటా ప్యూరీ వేసి ఓ రెండు నిమిషాలు వేయించాక.. కారం, ఉప్పు, పసుపు, గరం మసాలా, ధనియాల పొడి వేసి మొత్తం ఫ్రై చేయాలి.

ఇవి రెండు కూడా రెండు నిమిషాలు ఫ్రై చేశాక.. చేప ముక్కలు వేసి చిన్న మంట మీద ఓ ఐదు నిమిషాలు ఫ్రై చేయాలి. చేప ముక్కలు వేగాక నీళ్లు వేసి ఓ ఉడుకు వచ్చాక.. చింత పండు పులుసు వేసి దగ్గర పడేంత వరకు ఉడికించాలి. చివరగా కొత్తిమీర, కొద్దిగా కరివేపాకు వేసి స్టవ్ ఆఫ్ చేయాలి. అంతే ఎంతో రుచిగా ఉండే బొమ్మిడాయిల పులుసు సిద్ధం.