Protein Powder: కండలు తిరిగిన హీరోలా మీరు మారాలంటే.. ఇంట్లో చేసిన ప్రొటీన్ పౌడర్ తినండి.. ఎలా చేసుకోవాలంటే..

గత కొన్నేళ్లుగా యువతలో ఫిట్‌నెస్ క్రేజ్ చాలా వేగంగా పెరిగింది. ప్రతి ఒక్కరూ తమ శరీరాన్ని ఫిట్‌గా, కండలు తిరిగేలా ఉండాలని కోరుకుంటున్నారు. ఈ పోటీలో యువత జిమ్‌కి వెళ్లి గంటల తరబడి చెమటోడ్చుతున్నారు. ఫిట్‌గా ఉండేందుకు యువత జిమ్‌కు వెళ్లిన వెంటనే ప్రొటీన్‌ పౌడర్‌ను తీసుకుంటారు. ప్రోటీన్ పౌడర్ తీసుకోవడం శరీరాన్ని నిర్మించడంలో సహాయపడుతుంది. అయితే ప్రోటీన్ పౌడర్‌లు కొంచెం ఖరీదైనవి. వీటిని ప్రతి ఒక్కరూ కొనుగోలు చేయలేరు. కొంతమంది ప్రోటీన్ పౌడర్ తినడానికి కూడా భయపడతారు. ఎందుకంటే ఇది వారి శరీరంపై ప్రమాదకరమైన ప్రభావాన్ని చూపుతుందని నమ్ముతున్నారు. మార్కెట్‌లో చాలా ప్రోటీన్ పౌడర్‌లు ఉన్నాయి. అవి ఆ సమయంలో ఎటువంటి ప్రభావాన్ని చూపవు కానీ కొన్ని సంవత్సరాల తర్వాత అవి శరీరంపై చాలా చెడు ప్రభావాన్ని చూపుతాయి.

మార్కెట్‌లో ప్రోటీన్ పౌడర్ తినడానికి భయపడే కొద్ది మందిలో మీరు కూడా ఒకరైతే.. మీరు దీన్ని ఇంట్లోనే తయారు చేసుకోవచ్చు.

మఖానా(తామర గింజలు) – 10 నుంచి 15

బాదం – 10 నుంచి 15

వాల్ నట్స్ – 2 నుంచి 3

ఫెన్నెల్(సోంపు) – 1 tsp

మిశ్రి(కడి చెక్కర) – 1 స్పూన్

పచ్చి ఏలకులు-2

నల్ల మిరియాలు – చిటికెడు

ఒక చెంచా మిశ్రమ గింజలు

ఈ విషయాలన్నీ ప్రోటీన్, అనేక విటమిన్లలో సమృద్ధిగా ఉంటాయి. ఇది మీ శరీరానికి చాలా ప్రభావవంతంగా ఉంటుంది. దీని వల్ల శరీరానికి ఎలాంటి నష్టం జరగదు. మీరు దానిని మీ ఆహారంలో సురక్షితంగా చేర్చుకోవచ్చు.

బాదం, మఖానాలను బాగా దోరగా వేయించాలి. ఇప్పుడు వాటిని చల్లారనివ్వండి. పదార్థాలన్నీ ఏదో ఒకదానిలో బాగా గ్రైండ్ చేయండి. గ్రైండ్ చేసిన తర్వాత, పొడిని ఒక కంటైనర్‌లో ఉంచండి. పాలలో ఒక చిన్న చెంచా ప్రొటీన్ పౌడర్ మిక్స్ చేసి తాగితే మెల్లగా మీ కండరాలలో పెరుగుదల కనిపిస్తుంది.

మార్కెట్‌లో చాలా రకాల ప్రొటీన్ పౌడర్‌లు అందుబాటులో ఉన్నాయి. వీటిలో చక్కెర పరిమాణం చాలా ఎక్కువగా ఉంటుంది. అవి శరీరానికి చాలా ప్రమాదకరమైనవి. ఇలాంటి సమయంలో మనం మన ఇంట్లోనే తయారుచేసిన ప్రోటీన్ పౌడర్ మీకు మరింత ప్రయోజనకరంగా ఉంటుంది. మీకు మంచి రుచి కావాలంటే.. మీరు కోకో పౌడర్‌ను కూడా జోడించవచ్చు. ఇది మంచి రుచిని ఇస్తుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ వార్తల కోసం