Weight Lose Diet: బరువు తగ్గాలని రాత్రి భోజనం మానేస్తున్నారా..? అయితే బదులుగా వీటిని తినండి.. లేకపోతే ఆరోగ్యానికే ప్రమాదం..
కొందరు బరువు తగ్గాలనే ఉద్దేశ్యంతో రాత్రి పూట భోజనం మానేస్తుంటారు. ఇలా రాత్రి భోజనం చేయకపోతే ఆరోగ్య సమస్యలను మనమే స్వాగతించినట్లు అవుతుందే కానీ
ప్రస్తుత కాలంలో మనల్ని వేధిస్తున్న ఆరోగ్య సమస్యలో అధిక బరువు, ఊభకాయం కూడా ప్రముఖమైనవి. ఈ క్రమంలో చాలా మంది బరువు తగ్గేందుకు ఎన్నో పాట్లు పడుతూ.. తెలిసిన ప్రతి ప్రయత్నం చేస్తుంటారు. వాస్తవానికి ప్రస్తుతం సమాజం ఎదుర్కొంటున్న సమస్యలకు ప్రధాన కారణం మనం పాటించే జీవన శైలి, ఆహారపు అలవాట్లు. వాటిలో మార్పులు చేయకుండా ఎన్ని ప్రయత్నాలు చేసినా ప్రయోజనం ఉండదని అంటున్నారు ఆరోగ్య నిపుణులు. అయితే ఈ విషయాలు తెలియని కొందరు బరువు తగ్గాలనే ఉద్దేశ్యంతో రాత్రి పూట భోజనం మానేస్తుంటారు. ఇలా రాత్రి భోజనం చేయకపోతే ఆరోగ్య సమస్యలను మనమే స్వాగతించినట్లు అవుతుందే కానీ ప్రయోజనకరమైన ప్రయత్నం అయితే కాదు.
ఇంకా బరువు తగ్గడం కోసం ఎక్కువ కాలం ఉపవాసం ఉండటం వల్ల కూడా ఆరోగ్య సమస్యలు వస్తాయి. ఈ క్రమంలో మైకము, బలహీనత, శరీరంలో పోషకాల కొరత ఉంటుంది. అందువల్ల రాత్రి పూట భోజనం మానేయాలని నిర్ణయించుకున్నవారు దానికి ప్రత్యమ్నాయంగా కొన్ని రకాల ఆహారాలను తీసుకుంటే మరింత ప్రభావవంతంగా ఉంటుందని నిపుణుల సూచన. మరి బరువు తగ్గేందుకు భోజనానికి ప్రత్యమ్నాయంగా ఏయే ఆహారాలను తీసుకోవాలో మనం ఇప్పుడు తెలుసుకుందాం.
ఫైబర్ ఫుడ్స్: బరువు తగ్గాలనుకునే వారు లేదా బరువు కోసం రొటీన్‌ అనుసరించేవారు ఫైబర్ ఎక్కువగా ఉండే ఫుడ్స్ తీసుకోవడం గురించి ప్రత్యేక శ్రద్ధ వహించాలని నిపుణులు సూచిస్తున్నారు. ఇలాంటి ఆహారం ఫైబర్ బలహీనత సమస్యను దూరంగా ఉంచుతుంది. తద్వారా ఆకలిగా అనిపించకపోవడమే కాక జీర్ణశక్తి కూడా మెరుగుపడుతుంది.
ఓట్స్ టిక్కీ: ఓట్స్‌లో ఫైబర్‌తో పాటు అనేక ఇతర పోషకాలు కూడా పుష్కలంగా ఉంటాయి. సాయంత్రం పూట టిక్కీల రూపంలో ఓట్స్ తినవచ్చు. ఓట్స్‌లో సరైన మొత్తంలో ఫైబర్ ఉంచుతుంది. దీని కారణంగా జీవక్రియ స్థాయి కూడా మెరుగుపడుతుంది. ఓట్స్ టిక్కీ ప్రత్యేకత ఏమిటంటే ఇది సులభంగా జీర్ణమవుతుంది. కావాలంటే ఓట్స్ టిక్కీని బ్రేక్ ఫాస్ట్‌లో కూడా తినొచ్చు.
క్వినోవా వెజ్ ఉప్మా: క్వినోవా ఫైబర్‌కు ఉత్తమ మూలంగా పరిగణించబడుతుంది. సాయంత్రం పూట దీన్ని తీసుకుంటే రాత్రంతా ఆకలి వేయదు. ఇంకా ఇందులో ఫైబర్ పుష్కలంగా ఉండటం వల్ల జీవక్రియ రేటు కూడా మెరుగుపడుతుంది. మీరు మీ బరువు తగ్గించే రొటీన్‌లో క్విన్వా వెజ్ ఉప్మా తినవచ్చు. ఈ వంటకం నుంచి ఫైబర్ మాత్రమే కాకుండా అనేక విటమిన్లు కూడా లభిస్తాయి.
పొడి పోహా స్నాక్స్: బరువు తగ్గాలనుకుంటే మీరు సాయంత్రం పొడి పోహా స్నాక్స్ తినవచ్చు. డ్రై పోహా స్నాక్ చేయడానికి, ఒక పాన్‌లో కొంచెం ఆలివ్ ఆయిల్ తీసుకుని అందులో పోహాను చేసుకోండి. మీరు ఇందులో వేరుశెనగలను కూడా చేర్చవచ్చు. సాయంత్రం పరిమిత పరిమాణంలో తినండి.
(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా సందేహాలు ఉంటే నిపుణులను సంప్రదించండి.)
