Skin Care Oils: ఈ ఆయిల్స్ వాడితే మెరిసిపోయే చర్మం మీ సొంతం.. పొడిబారే చర్మాన్ని రక్షించుకోండిలా..

పెరుగుతున్న కాలుష్యం కారణంగా చర్మం వివిధ రకాల ఇన్‌ఫెక్షన్లకు గురి అవుతుంది. ముఖ్యంగా చర్మం పొడి బారడం అనేది అందరూ వేధించే సమస్య. దీని నుంచి రక్షణ కోసం వివిధ రకాల ఫేషియల్ క్రీమ్స్ వాడినా మంచి ఫలితాలు రావడం లేదని పలువురు అనుకుంటూ ఉంటారు. కొన్ని రకాల ఆయిల్స్‌ను ముఖానికి రాస్తే చర్మం తేమ కోల్పోకుండా ఎప్పుడూ ఫ్రెష్‌గా ఉంటుందని నిపుణులు చెబుతున్నారు. ఈ ఆయిల్స్ రాయడం వల్ల లిపిడ్ అవరోధం అని పిలిచే చర్మ పొరను సృష్టించడంలో సహాయపడతాయి. అయితే ఫేస్ క్రీముల్లోని రసాయనాల వల్ల చర్మం ఇన్‌ఫెక్షన్‌కు గురయ్యే అవకాశం ఉంటుంది కానీ, ఈ ఆయిల్స్ వాడితే ఎలాంటి సైడ్ ఎఫెక్ట్స్ లేని చర్మం సౌందర్యాన్ని పొందవచ్చని చెబుతున్నారు. ముఖ్యంగా ప్రయాణం ఒత్తిళ్లు పొడిబారడాన్ని పెంచితే ఫేస్ ఆయిల్స్‌లోని విటమిన్లు, మాయిశ్చరైజింగ్ యాసిడ్‌లను వేగంగా శోషించుకోవడం వల్ల లైఫ్‌సేవర్‌గా ఉంటుంది. సరైన నూనెలు మీ చర్మాన్ని జిడ్డుగా ఉంచడం కంటే మృదువుగా, తేమగా, ప్రకాశవంతంగా చేస్తాయి. పొడి చర్మాన్ని నయం చేయడంలో సహాయపడే ఉత్తమ నూనెలేంటో ో సారి తెలుసుకుందాం.

అర్గాన్ ఆయిల్

ఆర్గాన్ ఆయిల్ పొడి చర్మంతో బాధపడేవారికి చక్కటి పరిష్కార మార్గంగా ఉంటుంది. చర్మం ద్వారా ఉత్పత్తి అయ్యే సెబమ్ మొత్తాన్ని నియంత్రించే యాంటీ సెబమ్ లక్షణాలు ఈ ఆయిల్‌లో అధికంగా ఉంటుంది. పొడి చర్మం, మోటిమలు వంటి అనేక చర్మ సమస్యలను పరిష్కరిస్తుంది. చర్మ రంగును అభివృద్ధి చేయడంలో సహాయపడుతుంది. ఈ నూనెను రోజుకు రెండు సార్లు రాయడం మంచి ఫలితాలు ఉంటాయి.

బాదం నూనె

బాదం నూనెలో ఒలిక్ యాసిడ్, బి-సిటోస్టెరాల్, ఎ-టోకోఫెరోల్ వంటివి ఉంటాయి. ఇవి చర్మ రక్షణకు అద్భుతంగా పని చేస్తాయి. ఒలిక్ యాసిడ్ నూనెను చర్మం లోతుల్లోకి తీసుకెళ్లి చర్మం సహజంగా మెరిసేలా చేస్తుంది. ప్రమాదకరమైన కాలుష్య కారకాలను దూరంగా ఉండడానికి బాదం నూనెను ముఖానికి అప్లై చేస్తే అద్భుత ఫలితాలు ఉంటాయి. బాదం నూనెను తరచూగా రాసుకోవడం వల్ల మాయిశ్చరైజర్ల చర్మం లోతుల్లోకి వెళ్లకుండా అడ్డుకోవచ్చు.

ఇవి కూడా చదవండి

Weight Lose Diet: బరువు తగ్గాలని రాత్రి భోజనం మానేస్తున్నారా..? అయితే బదులుగా వీటిని తినండి.. లేకపోతే ఆరోగ్యానికే ప్రమాదం..

వేసవిలో గుండె ఆరోగ్యంగా ఉండాలంటే ఇలాంటి ఆహారాలు తప్పక తినండి..!

Toddler Skin Care: మీ పిల్లల మొఖంపై మచ్చలు వస్తున్నాయా? అయితే, ఈ విషయాలపై జాగ్రత్తగా ఉండండి..

గ్రేప్ సీడ్ ఆయిల్

గ్రేప్సీడ్ ఆయిల్‌లో యాంటీ ఇన్ఫ్లమేటరీ, యాంటీఆక్సిడెంట్, విటమిన్ సి అధికంగా ఉంటాయి. కాబట్టి ఇది చర్మానికి శక్తివంతమైన మాయిశ్చరైజర్‌లా పని చేస్తుంది. మిశ్రమ ఛాయతో ఉన్న వారికి గ్రేప్ సీడ్ ఆయిల్ చాలా బాగా పని చేస్తుంది. ఈ ఆయిల్‌ను డైలీ రాసుకుంటే అదనపు హైడ్రేషన్, యాంటీ ఏజింగ్ వంటి ప్రయోజనాలు కూడా పొందవచ్చు.

సన్‌ఫ్లవర్ సీడ్ ఆయిల్

సన్‌ ఫ్లవర్ సీడ్ ఆయిల్ పొడి చర్మం నుంచి రక్షణకు చాలా బాగా పని చేస్తుంది. ఇందులో ఉండే లినోలెయిక్ యాసిడ్ చర్మాన్ని హైడ్రేట్ చేస్తుంది. కీలకమైన కొవ్వు ఆమ్లాలతో ఆర్ద్రీకరణను పెంచడంతో పాటు చర్మ అవరోధాన్ని బలపరుస్తుంది. యాంటీ ఇన్ఫ్లమేటరీ ప్రయోజనాల కారణంగా చర్మం ఇరిటేషన్‌కు గురికాకుండా కాపాడుతుంది.

కొబ్బరి నూనె

మన తెలుగు రాష్ట్రాల్లో కొబ్బరినూనె వంటికి రాసుకుంటూ ఉంటారు. పెద్దల కాలం నుంచి ఈ అలవాటు వస్తుంది. కొబ్బరి నూనె పొడి చర్మం నుంచి రక్షిస్తుంది. అలాగే వృద్ధాప్య ప్రక్రియను నెమ్మదిస్తుందని చెబుతున్నారు. అధిక విటమిన్ ఈ, కె ఉండడం వల్ల యాంటీ ఫంగల్, యాంటీ బాక్టీరియల్, యాంటీవైరల్ లక్షణాలు కొబ్బరి నూనెలో అధికంగా ఉంటాయి. 

మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి..