Eating Oats : వోట్స్ తినడం వల్ల బరువు పెరుగుతారా.. తగ్గుతారా..! అసలు విషయాలు తెలుసుకోండి..

Eating Oats : బరువు తగ్గాలని చూస్తున్న వారికి ఓట్ మీల్ మంచి ఎంపిక. ఉదయాన్నే తేలికపాటి పోషకాలున్న ఆహారాన్ని తినడం వల్ల మీ కడుపు నిండుగా ఉంటుంది.

Oats

Updated on: Jul 28, 2021 | 10:04 AM

Eating Oats : బరువు తగ్గాలని చూస్తున్న వారికి ఓట్ మీల్ మంచి ఎంపిక. ఉదయాన్నే తేలికపాటి పోషకాలున్న ఆహారాన్ని తినడం వల్ల మీ కడుపు నిండుగా ఉంటుంది. ఇది మీ ఆకలిని ప్రశాంతంగా ఉంచడానికి సహాయపడుతుంది. జీవక్రియను పెంచడానికి పనిచేస్తుంది. ఈ కారణంగా బరువు తగ్గడానికి దోహదపడుతుంది. తియ్యగా, రుచికరంగా ఉండటం వల్ల ఇది ఆరోగ్యానికి మేలు చేస్తుంది. కానీ కొంతమంది సరైన మోతాదులో తీసుకోరు. అందువల్ల బరువు తగ్గడానికి బదులు పెరుగుతారు.

ఓట్స్‌లో పోషక అంశాలు.. ప్రయోజనాలు వోట్స్ ఒక రకమైన తృణధాన్యాలు. ఇవి తినడానికి రుచికరమైనవి. ఆరోగ్యానికి మంచివి. ఇందులో మాంగనీస్, ప్రోటీన్, భాస్వరం, ఐరన్ పుష్కలంగా ఉంటాయి. ఇందులో ప్రోటీన్, ఫైబర్ పుష్కలంగా ఉంటుంది. ఇందులో ఉండే ఫైబర్ జీర్ణక్రియ ప్రక్రియను నెమ్మదిస్తుంది. అనారోగ్యకరమైన విషయాల పట్ల తృష్ణను తగ్గిస్తుంది. వాస్తవానికి వోట్స్‌లో కేలరీలు, కొవ్వు పరిమాణం చాలా తక్కువగా ఉంటాయి. ఇది బరువును అదుపులో ఉంచడానికి సహాయపడుతుంది. 2014లో న్యూట్రిషన్ జర్నల్‌లో ప్రచురించిన ఒక అధ్యయనం ప్రకారం.. తినడానికి సిద్ధంగా ఉన్న తృణధాన్యాల కంటే ఆకలిని తగ్గించడంలో వోట్మీల్ చాలా ప్రభావవంతంగా పనిచేస్తుంది.

వోట్మీల్ బరువును ఎలా పెంచుతుంది.. వోట్స్‌లో ఫైబర్ అధికంగా ఉంటుంది కేలరీలు తక్కువగా ఉంటాయి. సరైన మొత్తంలో పండ్లు, కూరగాయలను కలపాలి ఇది బరువు తగ్గడానికి సహాయపడుతుంది. కానీ మీరు చక్కెర, వేరుశెనగ వెన్న, చాక్లెట్ చిప్స్ వేస్తే క్యాలరీల సంఖ్య పెరుగుతుంది. వోట్మీల్ లో మెగ్నీషియం, విటమిన్ బి -1, ఐరన్ ఉంటాయి. మీరు పోషకమైన ఆహారాన్ని సరైన మొత్తంలో తీసుకుంటే అప్పుడు మీకు ప్రయోజనం లభిస్తుంది.

బరువు తగ్గడానికి ఓట్స్ ఇలా తినండి మొదట సరైన రకమైన వోట్స్ ఎంచుకోండి. మూడు రకాల వోట్స్ రోల్డ్, స్ట్రీట్ కట్, ఇన్‌స్టంట్ వోట్స్ మార్కెట్లో లభిస్తాయి. ఈ మూడింటిలో అవి ప్రాసెస్ చేయబడిన విధానంలో తేడా ఉంటుంది. రోల్డ్ వోట్స్ తక్కువ ప్రాసెస్ చేయబడినవి. చాలా పోషక విలువలను కలిగి ఉంటాయి. రుచిగల వోట్స్ చాలా అనారోగ్యకరమైనవి అధిక మొత్తంలో చక్కెర, కేలరీలను కలిగి ఉంటాయని గుర్తించండి.