Cholesterol Diet: క్యారెట్లు తింటే కొలెస్ట్రాల్ తగ్గుతుందా? ఇందులో నిజమెంత..
consumption of carrots can help lower cholesterol levels naturally: మార్కెట్లో లభించే ఈ కూరగాయలను క్రమం తప్పకుండా తినడం వల్ల కొలెస్ట్రాల్ ఘననీయంగా తగ్గుతుంది. అవే కారెట్లు. శీతాకాలంలో సులభంగా లభించే క్యారెట్లు రుచికరంగా ఉండటమే కాకుండా ఆరోగ్యానికి కూడా ఒక వరం. క్యారెట్లను పోషకాల నిధిగా భావిస్తారు..
Updated on: Feb 10, 2026 | 1:56 PM
మన శరీరానికి కొలెస్ట్రాల్ చాలా అవసరం. కానీ అది అధికమైతే తీవ్రమైన సమస్యలను కలిగిస్తుంది. కానీ ఈ పెరిగిన కొలెస్ట్రాల్ను తగ్గించడానికి చాలా శ్రమ పడవల్సి వస్తుంది. అయితే మార్కెట్లో లభించే ఈ కూరగాయలను క్రమం తప్పకుండా తినడం వల్ల కొలెస్ట్రాల్ ఘననీయంగా తగ్గుతుంది. అవే కారెట్లు. శీతాకాలంలో సులభంగా లభించే క్యారెట్లు రుచికరంగా ఉండటమే కాకుండా ఆరోగ్యానికి కూడా ఒక వరం. క్యారెట్లను పోషకాల నిధిగా భావిస్తారు. క్యారెట్లలో విటమిన్లు, ఖనిజాలు, యాంటీఆక్సిడెంట్లు పుష్కలంగా ఉంటాయి. ఇవి శరీరాన్ని అనేక వ్యాధుల నుంచి రక్షించడంలో సహాయపడతాయి. క్యారెట్లను క్రమం తప్పకుండా తీసుకోవడం వల్ల అనేక ఆరోగ్య సంబంధిత సమస్యలను నయం చేయవచ్చు.
క్యారెట్ల అతిపెద్ద ప్రయోజనం కంటి చూపును మెరుగుపరచడం. వీటిలో బీటా కెరోటిన్ పుష్కలంగా ఉంటుంది. ఇది శరీరంలో విటమిన్ ఎగా మారుతుంది. విటమిన్ ఎ కళ్ళకు చాలా ముఖ్యమైనది. దృష్టి లోపం సమస్యను తగ్గిస్తుంది. అందుకే క్యారెట్లను కళ్ళకు ప్రయోజనకరంగా భావిస్తారు. దీనితో పాటు, జీర్ణవ్యవస్థను బలోపేతం చేయడంలో క్యారెట్లు కూడా ముఖ్యమైన పాత్ర పోషిస్తాయి. వాటిలోని ఫైబర్ మలబద్ధకం సమస్యను తొలగిస్తుంది. కడుపును శుభ్రంగా ఉంచడంలో సహాయపడుతుంది. ఎల్లప్పుడూ గ్యాస్, అజీర్ణం లేదా మలబద్ధకంతో బాధపడేవారికి, క్యారెట్ తినడం చాలా ప్రయోజనకరంగా ఉంటుంది.
క్యారెట్లు గుండె ఆరోగ్యానికి కూడా మంచివి. వీటిలోని పొటాషియం, యాంటీఆక్సిడెంట్లు రక్తపోటును నియంత్రించడంలో సహాయపడతాయి. చెడు కొలెస్ట్రాల్ను తగ్గించడం ద్వారా గుండె సంబంధిత వ్యాధుల ప్రమాదాన్ని కూడా తగ్గిస్తాయి. క్యారెట్లను క్రమం తప్పకుండా తీసుకోవడం వల్ల గుండెపోటు, స్ట్రోక్ ప్రమాదాన్ని కూడా తగ్గించవచ్చు. చర్మాన్ని అందంగా, ప్రకాశవంతంగా ఉంచడంలో క్యారెట్లు కూడా ప్రత్యేక పాత్ర పోషిస్తాయి. దీనిలోని విటమిన్ సి, యాంటీఆక్సిడెంట్లు చర్మాన్ని లోపలి నుంచి పోషిస్తాయి. చర్మ ముడతలను తగ్గించడంలో సహాయపడతాయి. క్యారెట్ రసం తాగడం వల్ల చర్మానికి సహజమైన మెరుపు వస్తుంది.
క్యారెట్లు రోగనిరోధక శక్తిని బలోపేతం చేయడంలో కూడా సహాయపడతాయి. దీని పోషకాలు శరీర రోగనిరోధక శక్తిని పెంచుతాయి. ఇది జలుబు, దగ్గు, ఇతర ఇన్ఫెక్షన్ల నుంచి రక్షిస్తుంది. అంటే క్యారెట్లను సలాడ్, కూరగాయలు లేదా జ్యూస్ రూపంలో ఉపయోగించవచ్చు. శీతాకాలంలో ప్రతిరోజూ ఒకటి లేదా రెండు క్యారెట్లను పచ్చిగా లేదా జ్యూస్గా తీసుకోవడం వల్ల అనేక ఆరోగ్య ప్రయోజనాలు ఉంటాయి. అయితే ఎక్కువగా తీసుకోవడం వల్ల కొంతమందిలో చర్మం పసుపు రంగులోకి మారడం (కెరోటినీమియా) వంటి చిన్న దుష్ప్రభావాలు ఏర్పడతాయి. కాబట్టి సమతుల్య పరిమాణంలో తినడం మంచిది.
మరిన్ని ఆరోగ్య కథనాల కోసం క్లిక్ చేయండి.
