Cumin Water Benefits : ఉదయాన్నే ఖాళీ కడుపుతో ఈ వాటర్ తాగితే.. ఆరోగ్య ప్రయోజనాలు మీవే..
జీలకర్ర నీరు గుండె కూడా ఆరోగ్యాన్ని కూడా మెరుగుపరుస్తుంది. అలాగే జీర్ణక్రియ కూడా మెరుగుపడుతుంది. బరువు తగ్గడంతో పాటు, జీలకర్ర నీరు జీవక్రియను పెంచడంలో సహాయపడుతుంది. జీర్ణవ్యవస్థ బలంగా మారుతుంది. జీలకర్ర నీటిని తాగడం కార్బోహైడ్రేట్లు, కొవ్వుల జీర్ణక్రియకు అవసరమైన ఎంజైమ్‌లకు ఉద్దీపనగా పనిచేస్తుంది. మీరు ప్రతిరోజూ జీలకర్ర నీటిని తాగడం అలవాటు చేసుకుంటే.. మీ రోగనిరోధక శక్తి చాలా బలంగా మారుతుంది.
Updated on: Oct 11, 2023 | 7:04 AM
ప్రతి వంటింట్లో తప్పక ఉండే జీలకర్రతో అనేక రకాల ఆరోగ్య ప్రయోజనాలున్నాయి. జీరాలో అనేక ఔషధ గుణాలు ఉన్నాయి. దానిలోని ఔషద గుణాలు ఏ కాలంలోనైనా మిమ్మల్ని అనేక వ్యాధుల నుంచి కాపాడతాయి. అయితే జీలకర్రను నేరుగా కాకుండా.. నీళ్లతో కలిపి తీసుకుంటే.. వాటి ప్రయోజనాలు మీరు నేరుగా పొందవచ్చు. ముఖ్యంగా జీలకర్రతో జీర్ణ సంబంధిత సమస్యలకు చక్కటి ఉపశమనం లభిస్తుంది. ఇంకా జీలకర్రలో రోగనిరోధక శక్తిని పెంచే శక్తితో పాటు.. విటమిన్ ఏ, ఇ,కె, యాంటీ ఇన్ ఫ్లామేటరీ, యాంటీ బ్యాక్టీరియల్ ఇంకా యాంటీ సెప్టిక్ వంటి ఎన్నో పోషకాలు ఉన్నాయి. ఉదయాన్నే ఖాళీ కడుపుతో ఒక గ్లాస్ జీర నీళ్లు తాగితే చాలా రకాల ప్రయోజాలు కలుగుతాయి. దీని కోసం ముందుగా మీరు ఒక గ్లాస్ నీటిలో ఒక స్పూన్ జీల కర్ర వేసి బాగా మరిగించుకోవాలి. తరువాత అవి గోరు వెచ్చగా ఉన్నప్పుడు తాగాలి. ఇలా ప్రతి రోజూ ఉదయం పూట ఖాళీ కడుపుతో జీరా వాటర్ తాగితే చాలా బెనిఫిట్స్ ఉన్నాయని ఆరోగ్య నిపుణులు చెబుతున్నారు. అవేంటో ఇప్పుడు మనం తెలుసుకుందాం.
శరీరంలోని అధిక బరువు ఒకటి కంటే ఎక్కువ విధాలుగా మన ఆరోగ్యాన్ని ప్రతికూలంగా ప్రభావితం చేస్తుందని పరిశోధనలు నిరూపించాయి. బరువు తగ్గడానికి, కొంతమంది తమ ఆహారాన్ని మార్చుకుంటారు. ఇంకొందరు వ్యాయామం, జిమ్ అంటూ తిరుగుతుంటారు. కానీ, పరగడుపునే జీరా వాటర్ తాగటం ద్వారా జీగా బరువు తగ్గవచ్చు. జీలకర్ర నీరు బరువు తగ్గడానికి బెస్ట్ హోం రెమెడీ అని చెప్పాలి. ఉదయాన్నే పరగడుపున ఈ డ్రింక్ తాగితే సులువుగా బరువు తగ్గుతారు. ఈ నీరు బరువు తగ్గడానికి, పొట్ట కొవ్వును తగ్గించడంలో సహాయపడుతుంది. అలాగే, జీలకర్ర నీరు మిమ్మల్ని హైడ్రేట్ గా ఉంచడంలో సహాయపడుతుంది. జీలకర్రలో పుష్కలమైన ఫైబర్ కలిగి ఉంటుంది. ఇది రోగనిరోధక శక్తిని పెంచుతుంది.
జీలకర్ర నీరు గుండె కూడా ఆరోగ్యాన్ని కూడా మెరుగుపరుస్తుంది. అలాగే జీర్ణక్రియ కూడా మెరుగుపడుతుంది. బరువు తగ్గడంతో పాటు, జీలకర్ర నీరు జీవక్రియను పెంచడంలో సహాయపడుతుంది. జీర్ణవ్యవస్థ బలంగా మారుతుంది. జీలకర్ర నీటిని తాగడం కార్బోహైడ్రేట్లు, కొవ్వుల జీర్ణక్రియకు అవసరమైన ఎంజైమ్‌లకు ఉద్దీపనగా పనిచేస్తుంది. మీరు ప్రతిరోజూ జీలకర్ర నీటిని తాగడం అలవాటు చేసుకుంటే.. మీ రోగనిరోధక శక్తి చాలా బలంగా మారుతుంది. అనేక వ్యాధులతో పోరాడటం ద్వారా మిమ్మల్ని మీరు రక్షించుకోవచ్చు.
మధుమేహ వ్యాధిగ్రస్తులకు జీలకర్ర నీరు మేలు చేస్తుంది. డయాబెటిస్‌ బాధితులు ప్రతి రోజూ ఉదయాన్నే ఖాళీ కడుపుతో జీలకర్ర నీటిని తాగితే.. వారి రక్తంలో షుగర్‌ లెవల్స్ తగ్గుతాయి. జీలకర్ర శరీరంలో ఇన్సులిన్ ఉత్పత్తిని ప్రేరేపిస్తుంది. దీని కారణంగా రక్తంలో చక్కెర స్థాయి నియంత్రణలో ఉంటుంది. ప్రతిరోజూ జీలకర్ర నీటిని తాగడం ప్రారంభిస్తే.. మీ రక్తపోటు ఎల్లప్పుడూ అదుపులో ఉంటుంది. కోశ వ్యవస్థకు సహాయం చేస్తుంది. మీకు శ్వాస సంబంధిత సమస్య ఏదైనా ఉంటే.. ఉదయాన్నే 1 గ్లాసు జీలకర్ర నీటిని తాగితే ఉపశమనం లభిస్తుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
