Night Shift Work: మీరూ నైట్‌ షిఫ్ట్స్‌ వర్క్‌ చేస్తున్నారా? తగినంత నిద్రలేకపోతే ఏం జరుగుతుందో తెలుసా..

రాత్రి షిఫ్ట్‌లో పనిచేసేవారు ఎవరైనా ఆరోగ్యంపై శ్రద్ధ పెట్టాలి. రాత్రిపూట పనిచేయడం వల్ల రోగనిరోధక శక్తి తగ్గుతుంది. జలుబు, న్యుమోనియా వంటి ఇన్ఫెక్షన్ల ప్రమాదం కూడా పెరుగుతుందని తాజా అధ్యయనం వెల్లడించింది. ముఖ్యంగా నిద్ర లేకపోవడం వల్ల రోగనిరోధక వ్యవస్థ సరిగ్గా పనిచేయదు. దీనివల్ల శరీరం సాధారణ ఇన్ఫెక్షన్లతో కూడా పోరాడే సామర్థ్యం కోల్పోతుంది. నార్వేజియన్ పరిశోధకుల అభిప్రాయం ప్రకారం తగినంత నిద్ర లేకపోవడం వల్ల ఇన్ఫెక్షన్ల ప్రమాదం గణనీయంగా పెరుగుతుంది. నిద్ర లేకపోవడం వల్ల రోగనిరోధక శక్తి బలహీనపడుతుంది. దీనివల్ల సైనసిటిస్, బ్రోన్కైటిస్ వంటి సమస్యలు వచ్చే అవకాశం పెరుగుతుంది. రాత్రి షిఫ్టులలో పనిచేసే వారి ఆరోగ్యంపై ఈ ప్రభావాలు మరింత ఎక్కువగా ఉంటాయి. ఇంటర్నేషనల్ జర్నల్ ఆఫ్ క్రోనోబయాలజీలో ప్రచురితమైన ఒక అధ్యయనంలో 133 మంది నర్సులు పాల్గొన్నారు.

వారిలో ఎక్కువ మంది మహిళలు. వారి సగటు వయస్సు 41.9 సంవత్సరాలు. వారి నిద్ర వ్యవధి, నిద్ర అవసరాలు, షిఫ్ట్ పని షెడ్యూల్‌లను ఈ అధ్యయనంలో వివరించారు. గత మూడు నెలల్లో తాము ఎదుర్కొన్న ఇన్ఫెక్షన్లను కూడా వారు వివరించారు. నిద్రలేమితో బాధపడేవారికి జలుబు వచ్చే అవకాశం 33 శాతం ఎక్కువగా ఉంటుందని పరిశోధనలో తేలింది. నిద్ర లేమి అధికంగా ఉన్నవారికి న్యుమోనియా వంటి తీవ్రమైన ఇన్ఫెక్షన్లు వచ్చే ప్రమాదం 129 శాతం పెరుగుతుందని వీరి అధ్యయనంలో తేలింది.

తీవ్రమైన నిద్రలేమి ఉన్నవారిలో ఈ ప్రమాదం 288 శాతం పెరుగుతుంది. అలాంటి నిద్రలేమి శరీర రోగనిరోధక శక్తిని తగ్గించడమే కాకుండా శరీరం మొత్తం పనితీరును కూడా దెబ్బతీస్తుంది. రాత్రి షిఫ్టులలో పనిచేసే వ్యక్తులు ఇతరులకన్నా ఎక్కువ ఆరోగ్య సమస్యలను ఎదుర్కొంటారు. రాత్రిపూట పని చేయడం వల్ల ఇన్ఫెక్షన్లు వచ్చే ప్రమాదం పెరుగుతుంది. అందువల్ల రాత్రిళ్లు పనిచేసే వారు మరింత జాగ్రత్తగా ఉండాలని నిపుణులు సూచిస్తున్నారు.

ఇవి కూడా చదవండి

సడెన్‌గా మద్యం మానేస్తే ఎన్ని అనర్ధాలో..! బీ కేర్ ఫుల్ బ్రదరో..

ఎదురొచ్చిందనీ.. పిల్లిని పట్టుకుని సజీవ దహనం చేసిన యువతులు!

కరీబియన్ బీచ్‌లో భారత సంతతి విద్యార్ధిని అదృశ్యం.. ఏం జరిగిందో?

ఏపీ ఈసెట్ 2025 నోటిఫికేషన్‌ వచ్చేసింది.. ప్రవేశ పరీక్ష తేదీ ఇదే

మరిన్ని ఆరోగ్య వార్తల కోసం క్లిక్‌ చేయండి.