ఐస్ క్రీం తినడం వల్ల శరీరం నిజంగానే చల్లబడుతుందా? వైద్య శాస్త్రం ఏం చెబుతుందంటే..

ఐస్ క్రీం అంటే చాలా మందికి ఇష్టం.. దీనిని అన్ని వేళలా తినడానికి ఇష్టపడతారు.. ముఖ్యంగా వేసవిలో, చల్లటి పదార్థాలు తినాలని అనిపిస్తుంది. ఈ సీజన్‌లో ప్రజలు ఐస్ క్రీం ఎక్కువగా తీసుకుంటారు.. దాని నుంచి చల్లదనాన్ని పొందుతారు. కానీ ఐస్ క్రీం తినడం నిజంగా శరీరాన్ని చల్లబరుస్తుందా? లేదా ఇది కేవలం రుచి – మనసుకు సంతృప్తి కలిగించే విషయమా? తరచూ చాలా మందికి ఈ ప్రశ్నకు తలెత్తుతుంది.. ఈ దీనిపై నిపుణులు ఏం చెబుతున్నారు..? వైద్య శాస్త్రం ఎలాంటి అభిప్రాయాన్ని వ్యక్తంచేస్తుంది.. ఐస్ క్రీం తినడం శరీరంపై ఎలాంటి ప్రభావాన్ని చూపుతుంది..? ఈ ఆసక్తికర విషయాలను తెలుసుకోండి..

మనం ఐస్ క్రీం తిన్న వెంటనే నోటి లోపల దాని చల్లని ఉష్ణోగ్రతను అనుభవిస్తాము. దీనివల్ల నాలుక – నోటి నరాలు చల్లగా అనిపిస్తాయి. దీని ప్రభావం మెదడుకు చేరుకుంటుంది.. మెదడు మన శరీరం అంతటా ఈ చల్లదనాన్ని అనుభూతి చెందేలా చేస్తుంది. అందుకే మనం ఐస్ క్రీం తిన్న వెంటనే చల్లగా అనిపిస్తుంది.

ఐస్ క్రీం తినడం వల్ల శరీరం లోపలి నుంచి చల్లబడుతుందా?

మౌంట్ సెయింట్ విన్సెంట్ విశ్వవిద్యాలయం ప్రకారం.. ఐస్ క్రీం నోటికి, గొంతుకు చల్లదనాన్ని మాత్రమే అందిస్తుంది. శరీరం లోపల దాని ప్రభావం భిన్నంగా ఉంటుంది. వాస్తవానికి, ఐస్ క్రీంలో అధిక మొత్తంలో చక్కెర – కొవ్వు ఉంటుంది. ఇది జీర్ణం కావడానికి సమయం పడుతుంది. ఐస్ క్రీం చల్లదనం కారణంగా, శరీరం జీవక్రియ ప్రక్రియ కొంచెం నెమ్మదిస్తుంది.. కానీ కొంత సమయం తర్వాత శరీరం దానిని వేడి చేయడానికి తన పనిని వేగవంతం చేస్తుంది. అంటే, మీరు కొద్దిసేపు చల్లగా అనిపించవచ్చు.. కానీ తరువాత శరీరం మరింత వేడిని ఉత్పత్తి చేస్తుందని నిపుణులు చెబుతున్నారు.

వేసవిలో ఐస్ క్రీం డిమాండ్ ఎందుకు పెరుగుతుంది?

వేసవిలో శరీరం చల్లదనాన్ని కోరుకుంటుంది. చల్లటి పదార్థాలు తినడం – త్రాగడం వల్ల మనసు ప్రశాంతంగా ఉంటుంది, కాబట్టి ఐస్ క్రీం కోసం డిమాండ్ పెరుగుతుంది. మనస్తత్వవేత్త డాక్టర్ ఎకె కుమార్ దీనిని ఇంద్రియ ఉపశమనం అని పిలుస్తారని తెలిపారు. అంటే శరీరం లోపలి నుండి చాలా చల్లగా లేకపోయినా, ఐస్ క్రీం తినడం మనసుకు ఉపశమనం ఇస్తుంది.. అందుకే వేసవిలో మనం ఐస్ క్రీం ఎక్కువగా తినడానికి ఇష్టపడతాము.

ఐస్ క్రీం ఎక్కువగా తినడం హానికరమా?

ఢిల్లీలోని GTB హాస్పిటల్‌లోని మెడిసిన్ విభాగానికి చెందిన డాక్టర్ అజిత్ కుమార్ మాట్లాడుతూ.. ఎక్కువగా ఐస్ క్రీం తినడం వల్ల శరీరంలో చక్కెర స్థాయి పెరుగుతుందని, ఇది బరువు పెరిగే ప్రమాదాన్ని పెంచుతుందని చెప్పారు. అలాగే, ఎక్కువగా చల్లటి పదార్థాలు తినడం వల్ల గొంతు నొప్పి, ఇన్ఫెక్షన్ లేదా జలుబు వస్తుంది. ముఖ్యంగా పిల్లలు, వృద్ధులకు పరిమిత పరిమాణంలో ఐస్ క్రీం ఇవ్వాలి. లేకపోతే.. సమస్యలు తప్పవని హెచ్చరించారు.

ఆరోగ్యకరమైన ఎంపికలు ఏమిటి?

మీకు చల్లగా ఏదైనా తినాలని అనిపిస్తే, ఫ్రూట్ కుల్ఫీ లేదా తాజా పండ్లతో తయారుచేసిన ఇంట్లో తయారుచేసిన ఐస్ క్రీం మంచి ఎంపిక కావచ్చు. వాటిలో చక్కెర తక్కువగా ఉంటుంది – పోషకాలు ఎక్కువగా ఉంటాయి. ఇలాంటివి తినాలని నిపుణులు చెబుతున్నారు.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి..