Be Alert: చలిగా ఉందని రూమ్ హీటర్ పెట్టుకుని నిద్రపోతున్నారా? ఈ విషయాలు తెలుసా!

చలికాలం వచ్చిందంటే వణికించే చల్లని గాలులు, పొగమంచుతో శరీరం చాలా ఇబ్బంది పడుతుంది. ఈ చలిని తట్టుకోవడానికి మనం రకరకాల పద్ధతులు అవలంబిస్తాం. మందపాటి బ్లాంకెట్లు, హీటర్లు, బ్లోయర్లు, ఎలక్ట్రిక్ హీటర్ బ్యాగులు, రూమ్ హీటర్లు, గది మూసుకుని వేడి నిలువ చేసుకోవడం. కొందరు రాత్రంతా హీటర్ ఆన్ చేసి హాయిగా నిద్రపోతారు.

కానీ ఈ సౌకర్యం వెనుక దాగి ఉన్న ప్రమాదాలు ఎవరికీ తెలియవు! ఆక్సిజన్ తగ్గడం, చర్మం పొడిబారడం నుంచి ఫైర్ హజార్డ్ వరకు హీటర్‌తో చాలా ప్రమాదం ఉంది. గదిలో హీటర్​ పెట్టుకుని నిద్రపోతే కలిగే నష్టాలేంటో తెలుసుకుందాం..

• హీటర్ గదిలోని గాలిని వేడి చేస్తుంది కానీ ఆక్సిజన్ స్థాయిని తగ్గిస్తుంది. రాత్రంతా మూసిన గదిలో హీటర్​ పెడితే మెదడుకు తగినంత ఆక్సిజన్ అందదు. ఫలితంగా తలనొప్పి, మైకం, ఉదయాన్నే అలసట వంటి సమస్యలు ఎదురవుతాయి.
•  హీటర్ గాలిలోని తేమను పీల్చేస్తుంది. చర్మం పొడిబారడం, పెదవులు పగులు, దురద, అలర్జీలు మొదలవుతాయి. దీర్ఘకాలంలో చర్మం ముడతలు పడుతుంది.
•  పొడి గాలి వల్ల గొంతు ఇరిటేట్ అవుతుంది. దగ్గు, జలుబు, సైనస్ సమస్యలు త్వరగా వస్తాయి. పిల్లలు, వృద్ధులకు ఈ ప్రమాదం ఎక్కువ. హీటర్ ధూళిని, బ్యాక్టీరియాను గాలిలోకి విడుదల చేస్తుంది. దీన్ పీల్చడం వల్ల అలర్జీ, ఆస్తమా రోగులకు శ్వాస సమస్యలు ముదిరిపోతాయి.
•  శరీరం డీహైడ్రేట్ అవుతుంది. రాత్రంతా హీటర్ గాలి శరీరం నుంచి నీటిని ఆవిరి చేస్తుంది. ఉదయాన్నే నోరు ఎండిపోవడం, తలతిరగడం సహజం.
•  చవకైన హీటర్లు ఓవర్‌హీట్ అయ్యి నిప్పు రావచ్చు. గత ఏడాది దేశవ్యాప్తంగా ౩౦౦కు పైగా ఫైర్ యాక్సిడెంట్లు హీటర్ల వల్లే జరిగాయి. హీటర్ వల్ల శరీర ఉష్ణోగ్రత పెరిగి సరిగా నిద్ర పట్టదు. ఉదయాన్నే అలసట, చిరాకు వస్తాయి.
•  హీటర్​ని రాత్రంతా ఆన్​లో ఉంచకుండా నిద్రపోయే 30 నిమిషాల ముందు ఆపేయాలి. గదిలో ఒక గిన్నెలో నీళ్లు పోసి ఉంచాలి, దీనివల్ల గదిలో తేమ పెరుగుతుంది.
•  ఆటో కట్​ ఆఫ్​ ఉండే మంచి క్వాలిటీ హీటర్​ని మాత్రమే ఉపయోగించాలి. గది కిటికీలు కొద్దిగా తెరిచి ఉంచాలి. దీనివల్ల బయటనుంచి లోపలికి, లోపలి నుంచి బయటకు గాలి మార్పిడి జరుగుతుంది. ఈ చిన్న జాగ్రత్తలు తీసుకుంటూ హీటర్​ని ఉపయోగించవచ్చు.NOTE: పైన పేర్కొన్న అంశాలు కేవలం అవగాహన కోసం మాత్రమే జారీ చేయబడినవి.. వీటిని మేం ధృవీకరించలేదు.. వీటిపై మీకు సందేహాలు ఉంటే వైద్యులను సంప్రదించండి.