Tiger’s Eye Benefits: ఈ రత్నం మీ అదృష్టాన్ని మార్చేస్తుంది.. అప్పుల బాధలు పోయి ఆనందంగా ఉండచ్చు..
రత్నాలు ప్రతి వ్యక్తి జీవితంలోనూ ముఖ్యమైన పాత్ర పోషిస్తాయి. రత్నాల శాస్త్రం ప్రకారం, కొన్ని రత్నాలు ఆ వ్యక్తి నిద్రాణమైన అదృష్టాన్ని మేల్కొల్పగలవు. కానీ కొన్ని వారి జీవితాలపై ప్రతికూల ప్రభావాన్ని చూపుతాయి. జ్యోతిష్యం ప్రకారం ఒక ప్రత్యేకమైన రత్నం ఉంది.. ఇది మామూలు రత్నం కాదు.. తొమ్మిది గ్రహాలు, అన్ని రాశుల వారు ధరించగలిగే ప్రత్యేక లక్షణలను కలిగి ఉంది. ఇది అశాంతిని దూరం చేస్తుంది. ఆత్మవిశ్వాసం, స్థిరత్వం, సానుకూలతను పెంచుతుంది. ఈ రత్నం సరళత నిజంగా అంత శక్తిని కలిగి ఉంటుందా..? అలాంటి రత్నం ఏమిటి..? దాని ఇతర లక్షణాలు ఏమిటో ఇక్కడ తెలుసుకుందాం?
Updated on: Dec 05, 2025 | 4:54 PM
పులి కన్ను అనేది ఒక ప్రత్యేకమైన రత్నం. ఇది ఏ ఒక్క గ్రహం లేదా రాశి వారికి ప్రత్యేకమైనది కాదు. ఈ అరుదైన రత్నాన్ని తొమ్మిది గ్రహాలు, అన్ని రాశులవారు ధరించగల లక్షణాలను కలిగి ఉంటుంది. రత్న శాస్త్రం ప్రకారం, దీనిని ధరించడం వల్ల మానసిక అశాంతి, ఆందోళన తగ్గుతుంది. ఈ సరళమైన, శక్తివంతమైన రత్నం జీవితానికి సానుకూలత, సమతుల్యతను తీసుకురావడానికి సహాయపడుతుందని జ్యోతిశాస్త్ర నిపుణులు చెబుతున్నారు.
టైగర్ ఐ బలాన్ని, ఆత్మవిశ్వాసాన్ని పెంచడమే కాకుండా, జీవితంలో స్థిరత్వం, సానుకూలత, మానసిక ప్రశాంతతను నెలకొల్పుతుంది. ఇది ప్రతి రాశిపట్ల, ప్రతి వ్యక్తికి సరిపోయే రత్నం. దీని సరళత, ప్రభావవంతమైన లక్షణాలు దీనిని చాలా ప్రత్యేకమైనవిగా చేస్తాయి. టైగర్ ఐకి ఉన్న ఇతర లక్షణాలేంటో ఇక్కడ చూద్దాం…
బలం ఆత్మవిశ్వాసానికి మూలం:
టైగర్ ఐ రత్నాన్ని ధరించడం వల్ల మీలో ఆత్మవిశ్వాసం, అంతర్గత బలం పెంపొందుతుంది. ఇది మానసిక బలాన్ని పెంచుతుంది. జీవిత సవాళ్లను ఎదుర్కొనే ధైర్యాన్ని ఇస్తుంది. మీ సంకల్ప శక్తి బలపడినప్పుడు బలం, ధైర్యం రెండూ పెరుగుతాయి. ఈ రత్నం ధరించిన వారిలో భయం, అభద్రతను దూరం చేస్తుంది. మానసిక స్థిరత్వాన్ని పెంపొందిస్తుంది.
వ్యాపారం- విజయానికి ప్రయోజనకం:
ఈ రత్నాన్ని బిజినెస్ స్టోన్ అని కూడా అంటారు. విజయవంతమైన వ్యాపారవేత్తలకు ఆత్మవిశ్వాసం, రిస్క్ తీసుకునే ధైర్యం అవసరం. టైగర్ ఐ ధరించడం వల్ల ఈ లక్షణాలు బలపడతాయి. ఇది సానుకూల శక్తిని ఆకర్షిస్తుంది. కొత్త అవకాశాలకు ద్వారాలు తెరుస్తుంది. సంపదకు మార్గాన్ని చూపుతుంది. ఇంకా, ఈ రత్నం అప్పులు, దురదృష్టాన్ని తగ్గించడంలో కూడా సహాయపడుతుంది.
ప్రతికూల ఆలోచనలను నియంత్రించడం:
నిరంతరం ప్రతికూలంగా ఆలోచించేవారికి లేదా ప్రతికూల ఆలోచనలు కలిగిన వారికి టైగర్ ఐ చాలా ప్రయోజనకరంగా ఉంటుంది. ఇది అభద్రతను తగ్గిస్తుంది. ధరించేవారు మానసిక ప్రశాంతతను పొందుతారు. ఒత్తిడిని తగ్గిస్తారు. ఈ రత్నం జీవితంలో మానసిక స్థిరత్వం, సమతుల్యతను కాపాడుకోవడానికి సహాయపడుతుంది.
టైగర్ ఐ ఎలా ధరించాలి:
మీరు టైగర్ ఐ రత్నాన్ని ఉంగరం, లాకెట్ లేదా బ్రాస్లెట్లో ధరించవచ్చు. బంగారం లేదా వెండి అనే ఏ లోహంతోనైనా ధరించడానికి ఎటువంటి వ్యతిరేకత లేదు. ఉంగరం ధరిస్తే, చూపుడు వేలు లేదా ఉంగరపు వేలుకు ధరించడం మంచిది. పగటిపూట ఏ రోజునైనా దీనిని ధరించవచ్చు. ధరించే ముందు, గంగా నీటిలో ఒక గంట పాటు నానబెట్టి, శుభ్రమైన గుడ్డతో తుడిచి, మీ ఇష్ట దేవతను స్మరిస్తూ మంచి ఫలితాల కోసం ప్రార్థించాలని నిపుణులు చెబుతున్నారు.
Note : ఈ వార్తలలో చెప్పిన సమాచారం మత విశ్వాసాలపై ఆధారపడి ఉంది. కేవలం పాఠకుల ఆసక్తి మేరకు, పలువురు పండితుల సూచనలు, వారు తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
మరిన్ని హ్యుమన్ ఇంట్రెస్ట్ వార్తల కోసం క్లిక్ చేయండి..
