Build Your Own Country : మీరు దేశాధ్యక్షుడు కావాలనుకుంటున్నారా? నిత్యానందలా మీరు ఓ దేశాన్ని సృష్టించవచ్చు..
లైంగిక ఆరోపణలపై కేసులు ఎదుర్కొన్న వివాదాస్పద స్వామీజీ నిత్యానంద చేసిన పని ఇదే. అతడు కైలాస అనే దేశాన్ని సృష్టించానని, ప్రత్యేక కరెన్సీ, పాస్ పోర్టు వంటివి కూడా రిలీజ్ చేశాడు. ఇటీవల ఐరాస మీటింగ్లో కూడా తన ప్రతినిధులు కూడా పాల్గొనేలా చేశాడు. అయితే అప్పటి నుంచి చాలా మంది ఆలోచించేది ఒక్కటే ఓ దేశాన్ని చాలా సింపుల్గా స్థాపించవచ్చా? అనే అనుమానం అందరికీ వస్తుంది.
Updated on: Mar 04, 2023 | 4:30 PM
దేశానికి మొదటి పౌరుడు దేశాధ్యక్షుడే. చాలా మంది దేశాధ్యక్షుడు కావాలనుకుంటే ఎలా? అని ఆలోచిస్తూ ఉంటారు. అయితే నువ్వు కూడా ఓ దేశాన్ని సృష్టించు అని స్నేహితులు ఎగతాళి చేస్తూ ఉంటారు. వారి మాటలు సీరియస్గా తీసుకుంటే మీరు కూడా ఓ దేశాన్ని నిర్మించవచ్చు. ప్రత్యేక కరెన్సీ, ఐరాస సభ్యత్వం వంటివి కూడా సులభంగా చేయవచ్చు. లైంగిక ఆరోపణలపై కేసులు ఎదుర్కొన్న వివాదాస్పద స్వామీజీ నిత్యానంద చేసిన పని ఇదే. అతడు కైలాస అనే దేశాన్ని సృష్టించానని, ప్రత్యేక కరెన్సీ, పాస్ పోర్టు వంటివి కూడా రిలీజ్ చేశాడు. ఇటీవల ఐరాస మీటింగ్లో కూడా తన ప్రతినిధులు కూడా పాల్గొనేలా చేశాడు. అయితే అప్పటి నుంచి చాలా మంది ఆలోచించేది ఒక్కటే ఓ దేశాన్ని చాలా సింపుల్గా స్థాపించవచ్చా? అనే అనుమానం అందరికీ వస్తుంది. కొన్ని కథనాల ప్రకారం కేవలం మన సొంత 2బీహెచ్కే ఫ్లాట్ ఉండే స్థలంలో కూడా సొంత దేశాన్ని నిర్మించవచ్చని తేలింది. అమెరికాలో చాలా చిన్న ద్వీపాలు ఉన్నాయి. వాటిని కొనుగోలు చేసి మీ అంతట మీరే ఓ దేశాన్ని సృష్టించానని ఐరాసలో సభ్యత్వానికి అప్లై చేయవచ్చు. ఇటీవల వెల్లడైన నివేదికల ప్రకారం దక్షిణ అమెరికాలో అనేక చిన్న ద్వీపాలు కొనుగోలు చేయవచ్చు. నిత్యానంద తన దేశాన్ని స్థాపించడానికి అదే మార్గంలో నడిచినట్లు చాలా మంది పేర్కొంటున్నారు. వ్యాపార దిగ్గజాలు తరచూ ఇలాగే చేసి వాటిని లగ్జరీ ఎస్టేట్లుగా మారుస్తుంటారు. సహజంగానే వారికి పడవలు లేదా హెలిప్యాడ్ వంటివి ఉంటాయి. అయితే వాటి ధరలు స్థానాన్ని బట్టి ఉంటాయి. మధ్య అమెరికాలో ద్వీపాలు చౌకగా, అలాగే కరేబియన్ చుట్టూ ఉన్న ద్వీపాలు ఖరీదైనవిగా ఉంటాయి. ఫ్రెంచ్ పాలినేషియా, బహామాస్లో ఉన్నవారు వీటిని కొనుగోలు చేయడం చాలా కష్టం.
సెపరేట్ కరెన్సీ నియమాలు
కొనుగోలు చేసిన ద్వీపంలోని భూమిని దేశంగా పేర్కొంటూ నిబంధనలను రూపొందించడానికి ఓ వ్యవస్థను ఏర్పాటు చేయాల్సి వస్తుంది. నిత్యానంద కూడా అదే చేసినట్లు కనిపిస్తోంది. పారిపోయిన నిత్యానంద కైలాస దేశంలో రెండు బిలియన్ల హిందువులకు ప్రాతినిధ్యం వహిస్తున్నట్లు పేర్కొన్నాడు. కైలాసానికి ఋషభ ధ్వజ అనే ధ్వజం ఉంది. కైలాస రాష్ట్ర పతాకంపై నంది ఎద్దు, నిత్యానంద ఉన్నారు. నిత్యానంద అనుచరులు ప్రార్థనా స్థలాలు, కార్యాలయాలు, కార్లు వారి నివాసాలలో జెండాను ఉపయోగించడానికి వీలు ఉంటుంది. కైలాస రాష్ట్ర చిహ్నంపై కూడా నిత్యానంద ఉంటారు. కైలాస విశ్వ రాజ్యాంగం కోసం కూడా ఉంటుంది. కైలాస దేశం అంటూ చెప్పడానికి జాతీయ గీతం, దాని సొంత కరెన్సీ, రిజర్వ్ బ్యాంక్ కూడా ఉన్నాయి.
గుర్తింపు పొందడం ఇలా
మీ దేశాన్ని గుర్తించడం కంటే సెటప్ చేయడం సులభం. ఇక్కడే నిత్యానంద కూడా కష్టపడుతున్నాడు. కానీ అతను తీవ్రంగా ప్రయత్నిస్తున్నాడు. 1933 మాంటెవీడియో కన్వెన్షన్ ఓ దేశం గుర్తింపు పొందాలంటే ప్రత్యేక భూభాగం శాశ్వత జనాభా, ప్రభుత్వం, ఇతర దేశాలతో సంబంధాలను కలిగి ఉండాలి. ఇలా ఉంటే ఐక్యరాజ్య సమితి గుర్తింపునిస్తుంది. కాబట్టి గుర్తింపు పొందాలని భావిస్తున్న దేశానికి తప్పనిసరిగా ఈ అర్హతలన్నీ ఉండాలి.నిత్యానంద విషయంలో ఇప్పటికే ఐరాసా స్వయం ప్రకటిత వ్యక్తి లేదా సంస్థ అందించిన ఇన్పుట్లను పరిగణనలోకి తీసుకోబోమని స్పష్టం చేసింది.
అన్నీ మైక్రోనేషన్లే
ఓ దేశం గుర్తింపు పొందాలంటే కచ్చితంగా యూఎన్ గుర్తింపు అవసరం ఎందుకంటే అది బహుపాక్షిక ఫోరమ్లు, కీలకమైన ప్రపంచ బ్యాంక్, అంతర్జాతీయ ద్రవ్య నిధికి ప్రాప్యతను అనుమతిస్తుంది. ప్రపంచంలో గుర్తింపు పొందిన దేశాలే కాకుండా అనేక మైక్రోనేషన్లు ఉన్నాయి. బ్రిటానికా ప్రకారం, మైక్రోనేషన్లు స్వతంత్ర రాష్ట్రాలుగా చెప్పుకుంటాయి. అయితే అంతర్జాతీయ సమాజం వీటి సార్వభౌమాధికారాన్ని గుర్తించలేదు. చాలా మైక్రోనేషన్లు వరల్డ్ వైడ్ వెబ్లో మాత్రమే ఉన్నాయి. అప్పుడు భౌతిక భూభాగాన్ని మాత్రం కొన్ని కలిగి ఉన్న కొన్ని ఉన్నాయి. ఈజిప్ట్, సూడాన్ మధ్య ఎడారిలో కొంత భాగాన్ని తమ భూభాగంగా క్లెయిమ్ చేయని మైక్రోనేషన్లు ఉన్నాయి. దీని బట్టి అర్థమయ్యేది ఏంటేంటే ప్రతి ఒక్కరూ తగినంత సొమ్ము ఉంటే ఓ దేశాన్ని స్థాపించవచ్చు. అయితే దాని గుర్తింపు ఏంటి? అనే విషయమే ప్రశ్నార్థకంగా ఉంటుంది.
మరిన్ని లైఫ్స్టైల్ వార్తల కోసం
