BMW Scooter: మార్కెట్‌లోకి సూపర్‌ స్టైలిష్‌ బీఎండబ్ల్యూ స్కూటర్ రిలీజ్.. ధర ఎంతంటే..?
BMW Premium CE-04: ప్రపంచవ్యాప్తంగా ఎలక్ట్రిక్ వాహనాల హవా నడుస్తుంది. ముఖ్యంగా పెరుగుతున్న పెట్రోల్‌ ధరలకు ప్రత్యామ్నాయంగా వచ్చిన ఎలక్ట్రిక్ వాహనాలను ప్రజలు అమితంగా ఇష్టపడుతున్నారు. ప్రభుత్వాలు కూడా పెరుగుతున్న కాలుష్యం దెబ్బకు ఈవీ వాహనాలపై ప్రత్యేక సబ్సిడీలను అందిస్తూ వాటి కొనుగోలును ప్రోత్సహిస్తున్నాయి. ఈ నేపథ్యంలో టాప్‌ కంపెనీల దగ్గర నుంచి స్టార్టప్‌ కంపెనీల వరకు ఎలక్ట్రిక్ వాహనాలను రిలీజ్ చేస్తున్నాయి. తాజాగా ప్రపంచ టాప్‌ కంపెనీ బీఎండబ్ల్యూ భారత మార్కెట్‌లో బీఎండబ్ల్యూ సీఈ 04ను లాంచ్‌ చేసింది.
ప్రపంచవ్యాప్తంగా ఎలక్ట్రిక్ వాహనాల హవా నడుస్తుంది. ముఖ్యంగా పెరుగుతున్న పెట్రోల్‌ ధరలకు ప్రత్యామ్నాయంగా వచ్చిన ఎలక్ట్రిక్ వాహనాలను ప్రజలు అమితంగా ఇష్టపడుతున్నారు. ప్రభుత్వాలు కూడా పెరుగుతున్న కాలుష్యం దెబ్బకు ఈవీ వాహనాలపై ప్రత్యేక సబ్సిడీలను అందిస్తూ వాటి కొనుగోలును ప్రోత్సహిస్తున్నాయి. ఈ నేపథ్యంలో టాప్‌ కంపెనీల దగ్గర నుంచి స్టార్టప్‌ కంపెనీల వరకు ఎలక్ట్రిక్ వాహనాలను రిలీజ్ చేస్తున్నాయి. తాజాగా ప్రపంచ టాప్‌ కంపెనీ బీఎండబ్ల్యూ భారత మార్కెట్‌లో బీఎండబ్ల్యూ సీఈ 04ను లాంచ్‌ చేసింది. ఈ ప్రీమియం ఎలక్ట్రిక్ స్కూటర్ లుక్‌ యువతను అమితంగా ఆకట్టుకుంటుంది. కంప్లీట్లీ బిల్ట్-అప్ యూనిట్‌తో వచ్చే ఈ స్కూటర్ పట్టణ ప్రాంత ప్రజలకు అనువుగా ఉంటుందని బీఎండబ్ల్యూ ప్రతినిధులు చెబుతున్నారు. ఈ నేపథ్యంలో బీఎండబ్ల్యూ సీఈ-04 గురించి మరిన్ని వివరాలను తెలుసుకుందాం.
తాజా లాంచ్‌ గురించి బీఎండబ్ల్యూ గ్రూప్ ఇండియా ప్రెసిడెంట్, చీఫ్ ఎగ్జిక్యూటివ్ ఆఫీసర్ విక్రమ్ పవా మాట్టాడుతూ బీఎండబ్ల్యూ మోటోరాడ్ ఇండియాలో సరికొత్త ఎలక్ట్రో-మొబిలిటీకి సంబంధించి సరికొత్త శకానికి నాంది పలుకుతుందని ఆనందం వ్యక్తం చేశారు. ముఖ్యంగా పట్టణ ప్రాంత ప్రజలను టార్గెట్‌ చేస్తూ బీఎండబ్ల్యూ సీఈ-04 లాంచ్‌ చేసిందని మార్కెట్‌ నిపుణులు అంచనా వేస్తున్నారు. ముఖ్యంగా ఎలాంటి సౌండ్‌ లేకుండా ఈ స్కూటర్‌పై సింపుల్‌గా చక్కర్లు కొట్టవచ్చని పేర్కొంటున్నారు. ముఖ్యంగా స్టైలిష్‌ లుక్‌తో పాటు సైడ్-లోడింగ్ హెల్మెట్ కంపార్ట్‌మెంట్, ఛార్జింగ్ పోర్ట్ డిజైన్‌ మిలితమై వస్తాయని వివరిస్తున్నారు. లిక్విడ్-కూల్డ్ పర్మనెంట్ మాగ్నెట్ ఎలక్ట్రిక్ మోటార్ 42 హెచ్‌పీ ద్వారా ఈ స్కూటర్ శక్తిని పొందుతుంది. అలాగే కేవలం 2.6 సెకన్లలో 50 కిలోమీటర్ల వేగాన్ని ఈ స్కూటర్ అందుకుంటుందని వివరిస్తున్నారు. 120 కిలో మీటర్ల గరిష్ట వేగంతో దూసుకెళ్లే ఈ స్కూటర్‌ను ఓ సారి చార్జ్‌ చేస్తే 130 కిలో మీటర్ల మైలేజ్‌ అందిస్తుంది.
స్ప్లిట్-స్క్రీన్, బ్లూటూత్ కనెక్టివిటీతో 10.25 అంగుళాల కలర్ టీఎఫ్‌టీ డిస్‌ప్లే రైడర్లను అమితంగా ఆకట్టుకుంటుంది. కీలెస్ రైడ్, రివర్సింగ్ ఎయిడ్, ఆటోమేటిక్ స్టెబిలిటీ కంట్రోల్‌తో వచ్చే ఈ స్కూటర్‌లో మూడు రైడింగ్ మోడ్‌లు ఉంటాయి. ఎకో, రెయిన్‌, రోడ్‌ రైడింగ్ మోడ్స్‌ ద్వారా రైడర్లు అధునాతన రైడింగ్ ఎక్స్‌పీరియన్స్‌ను పొందుతారు. అయితే భారతదేశంలో బీఎండబ్ల్యూ సీఈ-04 ధర రూ.రూ. 14,90,000 (ఎక్స్-షోరూమ్)గా ఉంటుందని నిపుణులు అంచనా వేస్తున్నారు. అలాగే ఈ స్కూటర్ సెప్టెంబర్ 2024 నుంచి భారతదేశంలోని ఎంపిక చేసిన మెట్రోపాలిటన్ నగరాల్లో అందుబాటులో ఉంటుందని వివరిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి..
