కోహ్లీపై స్టీవ్ స్మిత్ ప్రశంసలు..
టీమిండియా సారథి విరాట్ కోహ్లీపై ఆస్ట్రేలియా మాజీ సారథి స్టీవ్ స్మిత్ ప్రశంసల జల్లు కురిపించాడు. విరాట్ ప్రపంచంలోనే అత్యుత్తమ వన్డే బ్యాట్స్మన్ అంటూ ఆకాశానికి ఎత్తేశాడు. ఇన్స్టాలో ఓ అభిమాని అడిగిన ప్రశ్నకు సమాధానంగా ఈ వ్యాఖ్యలు చేశాడు.
Updated on: Sep 10, 2020 | 9:22 PM
Steve Smith has rated : టీమిండియా సారథి విరాట్ కోహ్లీపై ఆస్ట్రేలియా మాజీ సారథి స్టీవ్ స్మిత్ ప్రశంసల జల్లు కురిపించాడు. విరాట్ ప్రపంచంలోనే అత్యుత్తమ వన్డే బ్యాట్స్మన్ అంటూ ఆకాశానికి ఎత్తేశాడు. ఇన్స్టాలో ఓ అభిమాని అడిగిన ప్రశ్నకు సమాధానంగా ఈ వ్యాఖ్యలు చేశాడు.
ప్రస్తుతం వన్డేల్లో అత్యధిక పరుగులు చేసిన ఆటగాళ్ల జాబితాలో 11,867 రన్స్తో అగ్ర స్థానంలో కోహ్లీ ఉన్నాడు. ఇందులో 43 శతకాలు ఉన్నాయి. ఐపీఎల్ 13వ సీజన్లో కేఎల్ రాహుల్, సంజూ శాంసన్ ఆటను చూసేందుకు ఉత్సాహంగా ఉన్నట్లు తెలిపాడు స్మిత్. అలాగే రాజస్థాన్ రాయల్స్ ఆటగాడు జాస్ బట్లర్ను ‘భయంకరమైన ఆటగాడి’గా.. డివిలియర్స్ ను ‘విధ్వంసకర ఆటగాడి’గా అభివర్ణించాడు.ప్రస్తుతం ఇంగ్లాండ్తో జరుగుతోన్న సిరీస్లో ఆడుతున్నాడు స్మిత్. ఈ సిరీస్ సెప్టెంబరు 16న ముగుస్తుంది. అనంతరం సెప్టెంబరు 19 నుంచి ప్రారంభం కానున్న ఐపీఎల్లో పాల్గొంటాడీ ఆసీస్ మాజీ సారథి.
