yuganiki okkadu movie : “యుగానికి ఒక్కడు” సీక్వెల్ పై స్పందించిన దర్శకుడు.. ఏమన్నారంటే..

yuganiki okkadu movie : తమిళ హీరో కార్తీ నటించిన యుగానికి ఒక్కడు సినిమా ప్రేక్షకులను ఆకట్టుకున్న విషయం తెలిసిందే. డిఫరెంట్ స్టోరీతో తెరకెక్కిన ఈ సినిమాతోనే హీరోగా ఎంట్రీ ఇచ్చాడు కార్తీ . ఈ సినిమా విమర్శకుల ప్రసంశలు అందుకుంది. 2010లో విడుదలైన ఈ సినిమాను ఇప్పుడు మళ్ళీ థియేటర్స్ లో రిలీజ్ అయ్యాయంది. ‘7/జి బృందావన్ కాలనీ ఆడవారి మాటలకు అర్థాలే వేరులే’ లాంటి సినిమాలతో మెప్పించిన దర్శకుడు సెల్వ రాఘవన్ ఈ సినిమాను తెరకెక్కించారు. ఈ చిత్రం రెండోసారి రిలీజ్ అయ్యింది. డిసెంబర్ 31న తమిళనాడు వ్యాప్తంగా 60 థియేటర్లలో సినిమాను రీ రిలీజ్ చేశారు. థియేటర్లు రీఓపెన్ అవడం.. కొత్త సినిమాలు లేకపోవడంతో ఈ సినిమాను విడుదల చేశారు. ఈ సందర్భంగా సోషల్ మీడియాలో దర్శకుడు సెల్వ రాఘవన్ పై నెటిజన్లు ప్రసంశలు కురిపించారు. కాగా ఓ నెటిజన్ ఈ సినిమాకు సీక్వెల్ తెరకెక్కిస్తారా అని ప్రశ్నించగా దీనికి సమాధానం ఇచ్చిన సెల్వ రాఘవన్.. తప్పకుండా తీస్తానని మాటిచ్చారు. ఈ చిత్రనికి సీక్వెల్ వస్తుందని ఎప్పటినుంచో ప్రచారం జరుగుతుంది. ఇక దర్శకుడు సెల్వ రాఘవన్ కూడా పలు సందర్భాల్లో  సీక్వెల్ గురించి మాట్లాడారు.ప్రస్తుతం సెల్వ రాఘవన్.. ధనుష్ హీరోగా కొత్త చిత్రానికి సిద్దమవుతున్నారు. ఇది పూర్తవగానే ఈ సీక్వెల్ తెరకెక్కించే అవకాశం ఉంది.