రహో ఫ్రెష్, రహో సేఫ్.. సల్మాన్ కొత్త బ్రాండ్

బాలీవుడ్ కండల వీరుడు సల్మాన్ ఖాన్ కొత్త వ్యాపారాన్ని మొదలు పెట్టారు. కరోనా వైరస్‌ ప్రపంచాన్ని కుదిపేస్తున్న సమయంలో సరికొత్త బిజినెస్‌తో మార్కెట్‌లోకి ఎంట్రీ ఇచ్చారు. ఫ్రెష్ పేరుతో హ్యాండ్ శానిటైజర్‌ను లాంచ్ చేశారు. ఈ మేరకు బాలీవుడ్ మెగాస్టార్ తన ట్విటర్‌లో ఒక వీడియో పోస్ట్ చేశారు. అత్యుత్తమైన ఉత్పత్తులు నీకు , నాకు మనందరికీ అందుబాటులోకి వచ్చేశాయని ఆయన ప్రకటించారు. ఫ్రెష్ గా ఉండండి, సురక్షితంగా ఉండండి అని పేర్కొన్నారు.

అయితే ముందుగా డియోడరెంట్లను మార్కెట్‌లోకి తీసుకురావాలని అనుకున్నామని… కానీ కరోనా మహమ్మారిని ఎదుర్కొనేందుకు శానిటైజర్లను తీసుకొచ్చామని ఆయన చెప్పారు. రాబోయే రోజుల్లో డియోడరెంట్స్, బాడీ వైప్స్, పెర్ ఫ్యూమ్స్ వంటి ఇతర ఉత్పత్తులను కూడా తమ కొత్త బ్రాండ్ కింద విడుదల చేయనున్నట్లు వెల్లడించారు.

ప్రస్తుతం, 72 శాతం ఆల్కహాల్ ఆధారిత (FRSH) ఎఫ్‌ఆర్‌ఎస్‌హెచ్ శానిటైజర్లు అధికారిక వెబ్‌సైట్‌లో అందుబాటులో ఉన్నాయన్నారు. రాబోయే రోజుల్లో ఇవి స్టోర్స్‌లో కూడా లభిస్తాయని ప్రకటించారు సల్మాన్.

Launching my new grooming & personal care brand FRSH! @FrshGrooming Yeh hai aapka, mera, hum sabka brand jo layega aap tak behtareen products. Sanitizers aa chuke hain, jo milenge aapko yaha https://t.co/L3U5PlsGlt Toh try karo!@FrshGrooming ko follow karo! #RahoFrshRahoSafe pic.twitter.com/iuteEphLzd

— Salman Khan (@BeingSalmanKhan) May 24, 2020