ఆస్ట్రేలియా ఫ్లైటెక్కిన హిట్ మ్యాన్.. మూడో టెస్ట్ కు టీమ్‌కు అందుబాటులో రోహిత్ శర్మ

టీమిండియూ ఓపెనర్ రోహిత్ శర్మ ఆస్ట్రేలియా టూర్ కు పయనమయ్యాడు. గాయంతో వన్డే, టీ20 సిరీస్‌లకు దూరంగా ఉన్న రోహిత్‌.. ఈ మధ్యే ఫిట్‌నెస్ నిరూపించుకున్న విషయం తెలిసిందే. అన్ని అనుకన్నట్లు జరిగితే రోహిత్ మూడో టెస్ట్‌లో ఆడనున్నాడు. ఇక దుబాయ్ మీదుగా హిట్ మ్యాన్ ఆసీస్‌కు వెళ్లాడని, 14 రోజుల క్వారంటైన్‌లో ఫిట్‌నెస్‌పై దృష్టి పెట్టనున్నాడని బీసీసీఐ వర్గాలు పేర్కొన్నాయి. క్వారంటైన్ నిబంధనల కారణంగా రోహిత్ తొలి రెండు టెస్టులకు దూరం కానున్నాడు. జనవరి 7న సిడ్నీలో ప్రారంభమయ్యే మూడో టెస్ట్ సమయానికి రోహిత్ టీమ్‌కు అందుబాటులో ఉంటాడు. గత శుక్రవారం అతనికి ఫిట్‌నెస్ పరీక్ష నిర్వహించిన ఎన్‌సీఏ ఫిజియోలు.. రోహిత్‌కు క్లీన్‌చిట్ ఇచ్చారు.